Vaikhānasamantrapraśna, 5-8 · Chapter 6.41

ójo-bálāyāsy ámr̥tāya śambhó
pácasy ayo no 'pácayan na hi(g)ṃsī svā́hā

tán mā yaśo 'gré tā́vake vasū́nāṃ yájāmahe syā́d bhávataḥ prasánnaḥ
tádā vadaty úttama-gaṃ jayán te svā́hā

asmād upāsyó sy éhi hi
vr̥ddhi śarma bhávatodarā́t[*444] svā́hā

bhūtā́nām ágraṇyam aháṃ juhomi bhūtā́nām ī́śaṃ bhúvanasya gopám
bhūtā́nāṃ pátim átyúgra-vīryaṃ bhūtā́nāṃ pátaye námas svā́hā

bhūtó bhūtéṣu carati práviṣṭas sá bhūtā́nām ádhipatir babhūva

sárveṣāṃ bhūtā́nāṃ ádhipatis tásmai víṣṇu-bhūtākṣa-hantā́ya svā́hā

ákṣa-hante níhitās sahāyā́ḥ
sárveṣāṃ prāṇínā(g)ṃ śā́ntaye svā́hā

yé bhūtā́ḥ pracáranti dívā náktaṃ bálim icchánto vitúdasya préṣyāḥ
tébhyo balíṃ puṣṭi-kā́mo harāmi máyi púṣṭíṃ púṣṭi-patir dadhātu svā́hā
[*444] 1926, 1946 editions: bhávatodarā́t; 1984 edition: bhávatodharā́t