Vaikhānasamantrapraśna, 5-8 · Chapter 6.35

agnéḥ pathā[*439] yáṃ práviśanti bhā́bhih
havī́(g)ṃṣi tasmā́ abhíto dadhātu svā́hā

yám arpáyanty átra kalā[*440] nidhāné diśā́sv ādityáḥ pítaro 'paras yā́ḥ
r̥kṣā nr̥̄ṇā́ṃ samprásaras sudhā́ṃ tásmai marīcaye súhutan nidhattā(g)ṃ svā́hā

yás saṃharaty éṣa sr̥jaty ahar náḥ
nénekti sañjī́vati[*441] mā́ nametā(g)ṃ svā́hā

ŕ̥cām adhīśó vísr̥jaṃś catásraḥ
prájāh prajéśo rámate rathé 'sya svā́hā

nī́tāṃ dhr̥tíṃ cétasi tāsu nityám
prajā́sv anáparo bibharti svā́hā

yéneṣṭe rása agra agrim ā́sate
áṃbhasi tásya havír juhomi svā́hā

samūhyate 'mbā́ sahá saptalokā́ḥ
dívi sthitā yé ca dharā́dharé ca bhūs svā́hā

cáruṃ paced yás sahá sapta-loké
rákṣā́(g)ṃsi rakṣánn ihá jīva-loké svā́hā

culyā́(g)ṃ haví rakṣan pácanaṃ bibharti
tásmai yaja īśā́ya bubhúkṣitāya svā́hā
[*439] 1984 edition: padhā; 1946 edition: pathā
[*440] Text: kaḷā
[*441] 1926 edition: sañjī́vati; 1946, 1984 eds.: sañjī́vatī