Vaikhānasamantrapraśna, 5-8 · Chapter 6.31

yá éṣódāná[*428] údítaḥ pulastyá upoṣa[*429] viśváṃ prábháyāham asmaí
júhomi ŕ̥ṣaye só 'vatu[*430] śárma svā́hā

ānándá rodaítya saraḥ púlastyáḥ prītyā́ tráyan tát sahate dvitīyáḥ
tásyāsti sānnidhyán níyata(g)ṃ rakṣatu svā́hā

prá prāyáśo pā́na[*431] idaṃ vapur yás te pā́pam ágryáḥ krátu-kīrti-kāmáḥ
tám ā́hutīr yó 'juhuta pretá eṣás svā́hā

yé níṣyantā ájāyanta patánty arka-pathā́ api
tántus tárhi tásmai yajāni svā́hā

yó no vásiṣṭhas sá sa-māna-jātáḥ kasyā́śéṣa(g)ṃ sárvam ídan tatāra
tásmai yaja ī́śāya munáya idán tu svā́hā

saptóttámā yé múnayo vásiṣṭha ū́rjā tú tébhyas sá hi tebhyas sujātáḥ
nityám asmā́d ámudajāni svā́hā

yá ānasūyéśo nídadhan nirakṣás sa(gg)ṃsā́rá-velā́m údíto rarakṣa
bhū́yād áya(g)ṃ váṃśa-karo 'sya vaṃśás svā́hā

yá eṣá digbhyó vavŕ̥dhe 'trī rā́jā
asmaí tásyedáṃ juhutó rātú sóma(gg)ṃ svā́hā
[*428] Text: éṣó 'dāná
[*429] 1984, 1946 editions: uṣopa; 1926 edition: upoṣa
[*430] 1926 edition here inserts the word yātu
[*431] cf. RV 7.8.4; TS 2.5.12.4 (VC p. 625)