Vaikhānasamantrapraśna, 5-8 · Chapter 6.29

yáyā satas satyáṃ várata uditaṃ jyāyó jāyā́yai jarasáṃ vidhatte
táta újjihānāṃ tanúbhiś catúrbhir ímām agacchat svakáyā mahimnā svā́hā

prasaviṇy aṅgé mánavo vicakṣávo yáyā tu vr̥ddhíṃ várdhayanto viyāntáḥ
súbodham ānínyuḥ prásavaṃ prajā́nāṃ tádā ta ebhír vahantu puṣṭí(gg)ṃ svā́hā

yābhyo hi taptáṅ kr̥nvánto[*419] ínujātā́ yā́bhyo[*420] bhavaty árcir harā ca dhūrtíḥ
devyáḥ prasannā́ dhava-sammatā́ yā́ vahantu naś śá(g)ṃ súyaśaḥ kriyāsu svā́hā

yā́ mānasā vā́dhigátānuṣaṅgā́ḥ kriyā́su satyáḥ prasávas svávaitu
sánnīyate yā́bhir avantu devyó yájāmahe[*421] tád dhavíṣo tatābhyas svā́hā

yátas svám ā́sīd dhŕ̥dayād anādér ŕ̥ṣis tviṣādī́pya jágad dadhāra
khyātér īśase dhr̥g-agnaú juhomi svā́hā
[*419] Present stem in older form: kr̥ṇu.
[*420] Text: 'yā́bhyo
[*421] 1946 edition: yájāmaho