Vaikhānasamantrapraśna, 5-8 · Chapter 6.23

upayāmá-gr̥hīto 'si bŕ̥haspate tveṣáte yóniḥ
bŕ̥haspáti-vītaye svā́hā

śraviṣṭhá-jó yaḥ páramo nu goptā́ prajā́-pateḥ prathamá(g)ṃ hūyámānaḥ

prajā́-pataye 'sū́yamāna suṣúve yam bha-pas svā́hā

tád víṣṇoḥ paramáṃ
tád víprāsaḥ

prájā-pate ná tvád etāny anyó víśvā jātā́ni pári tā́ babhūva
yat kāmās te juhumás tán no astu vayá(gg)ṃ syāma pátayo rayīṇā́(g)ṃ svā́hā

subhū́s sváyam-bhū́ḥ prathamáṃ[*402] mahaty arṇavé dadhe ha gárbham r̥tvíyam
yáto jātáḥ prajā́-patis svā́hā

bhū bhā́minī bhúve-bhuve

bhū́r bhúvas súvar lóka-pāvanyai svā́hā

íṣṭa-gāminy aniṣṭa-ghnī́ nalíny[*403] eka-mūrdhní tásthur jāhnavyaí svā́hā

sóma yā́s te máyo-bhúva ūtáyas sánti dāśúṣe
tā́bhir no 'vitā́ bhava svā́hā

yā́ te dhā́māni diví yā́ pr̥thivyā́ṃ yā́ párvateṣv óṣadhīṣv apsú
tébhir no víśvais sumánā áhedan[*404] rā́janth[*405] soma práti havyā́ gr̥bhāya svā́hā

rúdram anyáṃ try-ambakam
[*402] VS: prathamo 'ntar
[*403] Text: naḷíny
[*404] RV: áhelan
[*405] RV: rājan