Scripture Library
Vaikhānasamantrapraśna, 5-8 · Chapter 6.13
6.13.1
bráhma jajñānáṃ prathamáṃ purástād vísīmatás surúco vená āvaḥ
sá budhníyā upamā́ ásya viṣṭhā́s satáś ca yónim ásataś ca vívas svā́hā
6.13.2
híraṇya-garbhás sám avartatā́gre bhūtásya jātáḥ pátir éka āsīt
sá dādhāra pr̥thivī́ṃ dyā́m utémā́ṃ kásmai devā́ya havíṣā vidhema svā́hā
6.13.3
rúdram anyáṃ bahutó hutaṃ vr̥ṣabháṃ námas te astu
tán me astu bāhúbhyāṃ vītáye svā́hā
6.13.4
try-ambakaṃ yajāmahe sugandhíṃ puṣṭi-várdhanam
urvārukám iva bándhanān mr̥tyór mukṣīya mā́ 'mŕ̥tāt svā́hā
6.13.5
dyā́vā-pr̥thivyóś śug áśuk sanniyoktróḥ
sámmānyayoḥ khyātī́ tu kaúram etā(g)ṃ svā́hā
Original text: Vaikhānasamantrapraśna, 5-8 · Edition: various South Indian editions in Telugu script · Data entry Howard Jay Resnick · GRETIL (Göttingen) · CC BY-NC-SA 4.0