Vaikhānasamantrapraśna, 5-8 · Chapter 5.1.32

tvā́ṃ khanāmi pr̥thiví tvád-bhartúś śā́sanān mudā́ yuktā bháva

devā́nām devásya tásyedáṃ vaíṣṇavaṃ bhávanaṃ deva-vā́hinī

pāṃsū́n préṣyāmi bhávantv imé 'bhivŕ̥ddhaye

yás sakhā víṣṇor várado varānā́ṃ kártā camūnā́ṃ śúciś śucī́nām
vīró vīrā́ṇām ā́gamiṣyatu[*51]

tva(g)ṃ sarvaṃ kāráya várado varásya
tvat-prasādā́t siddhó 'haṃ siddhíṃ gacchāmi

śaraṇáṃ prápadye tvā́m evāvighnā́rtham ávighnaṃ bhavatu siddháṃ

su-kramā́s santu su-nītā́ś cā́paḥ

sūcáyatāṃ váruṇaś śubhā́śubham

pātu mā́ṃ váruṇo nityo raktā́mbaro jaléśvaraḥ

amíta tvat-prasādéna sárve devā́ḥ prásīdantu

ā́yā́tú bhágavān brahmā asmín lóke hitáṅ-karaḥ
nítyo 'smín nírmale padmé rámyatām ŕ̥ṣibhis sahá.

idáṃ bráhmaṇā pūrṇáṃ tú tam ā́ruhya devā́s sūcáyantu śubhā́śubham

upagatā́s sūcáyantu devā́ḥ

ā́yā́tú bhágavān viśvá-karmā viśatu

búddhiṃ mamā́viśatu sá evá nírṇáyatāṃ kárma prathamáṃ virā́ḍ badhnātu

dvitī́ya(g)ṃ[*52] sápta-ŕ̥ṣayas téṣāṃ prasādā́d ávighnam astu

asyā́ṅga-devā́ḥ práviśantv idáṃ puṣṭyaí bhavantu só 'haṃ karómi dívyaṃ kárma kāráyantu devā́ḥ
[*51] This is a rare future imperative form. cf. Whitney's Grammar, 938
[*52] The 1946 edition gave dvitī́yāṃ, however this was corrected in the 1984 edition to dvitī́yaṃ, apparently referring to karma in the previous verse.