Vaikhānasamantrapraśna, 5-8 · Chapter 5.1.17

yád bīja-bhūtám idám antárikṣaṃ, yád bījáṃ cāgníḥ pr̥thivī́ rásaś ca tád bīja-rohā́ya váhantu vā́tās, saṃvárdhamānā rúhantāṃ praróhāḥ

nírītikās te bahávo rúhantas saṃpā́lyamānā hy amŕ̥tá-vāyunā cá
kā́lena bījā́ḥ práruhanti coptā́ bījā́d aháṃ prácariṣyāmi dhármam

éte bījā́ rasá-bhūtā vahantu sómena sr̥ṣṭā́ amŕ̥távat paśúbhyaḥ
etā́n prárohān rasá-bhūta-jātā́n dattā́n me bhúktvā prácarantu gā́vaḥ

tásmān mámaitā́n právapāmi gehé té me paśūnām amŕ̥tā vahantu
etáṃ stutā́ me právahantv amútra té puṇya-loké máma dehá-bhūtāḥ

samudrávátī śŕ̥ṅge-śr̥ṅge

deví tvayi vā́payāmy amū́n kuruṣva tva(g)ṃ sasyá-sáṃpattim