Vaikhānasamantrapraśna, 5-8 · Chapter 5.1.120

ā́tmātmā páramāntarātmā́ máhy-antarātmā́ yáś cātirātmā́ satáno 'ntarātmā́ vyā́veṣṭi víśva(g)ṃ sákalaṃ bibhárti yó vyakta-puṇyás sá-tunaḥ pradhā́naḥ

prāṇáḥ práṇītis sa udāna ā́dir vára-do varāho vyānaś ca me syā́t tapásāñ ca mūrtíḥ kapílo munīndró yaś cā́pānó háyaśīrṣo naḥ

yát sarvam aśnā́ty[*99] ajáras samagrá(g)ṃ śríyam ū́rja-yuktāṃ sá tu me samā́naḥ

bálam āsuráṃ yát satátaṃ nihantā bráhmā buddhír me gópa īśvaráḥ

savitā́ ca vīryám índuś ca dhātú[*100]-rasá-bhūta-bhūtā́ bhū́tās sa-bhūtā́ḥ

dyaúr me ástu mūrdhódara-nābhó[*101] vā bhū́mir yathāṅghrír[*102] vávr̥dhe 'ham ī́śaḥ

ásthīni me syúr athá parvatākhyā́ bhujágāś ca keśā́ dívi ye cárantaḥ

dvaú netra-rūpaú víthu pr̥ścni [?] múkhyau rúdhirañ ca sā́ra(g)ṃ sákalañ ca tóyam

snāyavo mé ā́sánnā dyaúr bhr̥gúr me hŕ̥dayam astu
sárve anyé munáyo 'ṅga-bhūtā́ vedā́ me ā́syaṃ jihvā́ me sárasvatī

dántā marutá upájihvā upaśrutíḥ

vŕ̥ṣaṇau mitrā́-váruṇāv upastháḥ prajā́-patir āntrā́ me védāś śrúti[*103]-smr̥tī́ medā́dhā́raṇe

svedám me várṣaṃ mūtra kóśá(g)ṃ samudráṃ púrīṣaṃ kā́ñcanam

sāvitrī́ gāyatrī́ máryādā védi-hŕ̥t-puṇḍarīké vimále praviṣṭás sákalas sa-lakṣmī́s sa-víbhūtikāṅgó yát sarvaṃ púṇyaṃ máyy adhiṣṭhā́nam astu

sárveṣāṃ devā́nām ā́tmakas sárveṣāṃ munī́nām ā́tmakas tápo-mū́rtir ihá púṇya-mū́rtir ā́san[*104]

sahásra-śīrṣā púruṣaḥ
[*99] Text: aśñchāty
[*100] Text: thātú
[*101] The 1946 edition reads: mūrdhódaran nabhó
[*102] Text: yadhāṅghrír
[*103] Text: śrútis
[*104] Text: ā́sann