Vaikhānasamantrapraśna, 5-8 · Chapter 5.1.118

iṣé tvorjé tvā svasti-dā́ viśás-pátiḥ

índraṃ náro nemádhitā havante yát pā́ryā yunájate dhíyas tā́ḥ
śū́ro nŕ̥-ṣātā śávasaś cakāná ā́ gó-mati vrajé bhajā tváṃ naḥ

śúcī vo havyā́

imé dhūpā́s surabhíno[*95] divyá-dhūpādhivā́sitāḥ

pūtā́ brahma-pavítreṇa pūtā́s sū́ryasya raśmíbhiḥ

ā́dyam abhígr̥hṇāmīdám āpaś śivā́ḥ

viśvátaś cakṣur utá viśváto mukho viśváto hasta utá víśvátas pāt
sáṃ bāhúbhyāṃ námati sáṃpátatrair dyā́vā pr̥thivī́ janáyan devá ékaḥ

námas sulomá sulomí
dhārāsu saptásu

ā́pa undantu jīváse dīrghāyutvā́ya várcasa óṣadhe tráyas vaina(gg)ṃ svádhite maína(g)ṃ hi(g)ṃsīr deva-śrū́r etā́ni právape svasty úttarāṇy aśī yā́po asmā́n mātáraś śúndhantu ghr̥téna no ghr̥ta-púvaḥ punantu víśvam asmát právahantu riprám údābhyaś śúcirā pūtá emi sómasya tanū́r asi tanúvaṃ me pā́hi mahīnā́ṃ páyo 'si várco-dhā́ asi várcomáyi dhehi vr̥trásya kanī́nikāsi cakṣuṣ-pā́ asi cákṣur me pāhi cit-pátis tvā púnātu vāk-pátis tvā punātu devás tvā savitā́ punātv ácchidreṇa pavítreṇa vásos sū́ryasya raśmíbhis tásya te pavitra-pate pavítreṇa yásmai káṃ puné tác chakeyam ā vo devāsa īmahe sátya-dharmāṇo adhvaré yád vo devāsa āguré yájñiyāso hávāmaha índrāgnī dyā́vā-pr̥thivī ā́pa oṣadhīs tváṃ dīkṣā́ṇām ádhipatir asīhá mā sántaṃ pāhi
[*95] After surabhino the text again has dhūpā, which has been removed in conformity with VMP 5.1.131.10 and 8.1.79.1.