Vaikhānasamantrapraśna, 5-8 · Chapter 5.1.1

hariḥ oṃ
príyátāṃ bhágavān viṣṇus sarvá-deveśvaró hariḥ
śrīvatsāṅkás[*1] sahasrākṣas sahásra-caraṇás tathā

jitán te puṇḍarīkākṣa namás te viśva-bhā́vana
námas te 'stú hr̥ṣīkeśa mahā́-puruṣa pū́rva-ja

bhávantu sárvāḥ[*2] puṇyākhyā nimíttāś śobhanā́nvitāḥ
tvat-prasādā́d vayaṃ viṣṇo tavá dāsās samā́gatāḥ

sādhayāmó vimānaṃ te prasā́daṃ kuru nó bhavān
sāhāyyáṃ sárva-bhr̥tyās te kurvántu tava śā́sanāt

śāntá-vīśā́ri-bhūtādīn[*3] visŕ̥jāsmābhir éva tu
anapāyī́ prayātv agre chitvā́ vighnaṃ punáḥ-punaḥ
[*1] Irregular bahu-vrīhi accentuation. cf. A Vedic Grammar for Students, A.A. MacDonell, page 455a.
[*2] Underlined syllables receive a “double svarita,” two parallel vertical lines above the syllable, in the published text.
[*3] cf. Kāśyapa Jñāna Kāṇḍaḥ, chapter 34, vīśa-hīne ripu-vr̥ddhiḥ.