śrīvighneśvarāṣṭottaraśatanāmastotram · Chapter 1

.. śrī vighneśvarāṣṭottara śatanāmastotram ..
vināyako vighnarājo gaurīputro gaṇeśvaraḥ .
skaṃdāgrajovyayaḥ pūto dakṣo'dhyakṣo dvijapriyaḥ .. १..
agnigarvacchida indraśrīpradaḥ .
vāṇīpradoaḥ avyayaḥ sarvasiddhipradaśśarvatano śarvarīpriyaḥ .. २..
sarvātmakaḥ sṛṣṭikartā devonekārcitaśśivaḥ .
śuddhabuddhi priyaśśāṃto brahmacārī gajānanaḥ .. ३..
dvaimātreyo munistutyo bhaktavighnavināśanaḥ .
ekadantaśchaturbāhuśchaturaśśaktisaṃyutaḥ .. ४..
lambodaraśśūrpakarṇo hararbrahma viduttamaḥ .
kālo grahapatiḥ kāmī somasūryāgnilocanaḥ .. ५..
pāśāṅkuśadharaścaṇḍo guṇātīto nirañjanaḥ .
akalmaṣassvayaṃsiddhassiddhārcitaḥ padāmbujaḥ .. ६..
bījapūraphalāsakto varadaśśāśvataḥ kṛtiḥ .
dvijapriyo vītabhayo gadī cakrīkṣucāpadhṛt .. ७..
śrīdoja utpalakaraḥ śrīpatiḥ stutiharṣitaḥ .
kulādribhettā jaṭilaḥ kalikalmaṣanāśanaḥ .. ८..
candracūḍāmaṇiḥ kāntaḥ pāpahārī samāhitaḥ .
aśritaśrīkarassaumyo bhaktavāṃchitadāyakaḥ .. ९..
śāntaḥ kaivalyasukhadassaccidānanda vigrahaḥ .
jñānī dayāyuto dāṃto brahmadveṣavivarjitaḥ ..१०..
pramattadaityabhayadaḥ śrīkaṃtho vibudheśvaraḥ .
rāmārcitovidhirnāgarājayajñopavītakaḥ ..११..
sthūlakaṃṭhaḥ svayaṃkartā sāmaghoṣapriyaḥ paraḥ .
sthūlatuṇḍo'graṇī dhīro vāgīśassiddhidāyakaḥ .. १२..
dūrvābilvapriyo'vyaktamūrtiradbhutamūrtimān .
śailendratanujotsaṅgakhelanotsukamānasaḥ .. १३..
svalāvaṇyasudhāsāro jitamanmathavigrahaḥ .
samastajagadādhāro māyī mūṣakavāhanaḥ ..१४..
hṛṣṭastuṣṭaḥ prasannātmā sarvasiddhipradāyakaḥ .
aṣṭottaraśatenaivaṃ nāmnāṃ vighneśvaraṃ vibhuṃ .. १५..
tuṣṭāva śaṃkaraḥ putraṃ tripuraṃ haṃtumutyataḥ .
yaḥ pūjayedanenaiva bhaktyā siddhivināyakam ..१६..
dūrvādalairbilvapatraiḥ puṣpairvā caṃdanākṣataiḥ .
sarvānkāmānavāpnoti sarvavighnaiḥ pramucyate ..