śrīreṇukāstotram · Chapter 1

aiṃdryādivaṃditapade varade'bhīṣṭakāmade//
kāmadevārcite'naṃte reṇuke'mba namo'stu te

ekavīre nijādhāre rucire sajjanādare//
udāre reṇusaṃjāte reṇuke'mba namo'stu te

karuṇārasasaṃpūrṇe nayane susmitānane//
śobhane pāhi nobhīte reṇuke'mba namo'stu te

vīramātarmahādevi tvadanyā kāparā bhuvi//
tāriṇī durgato'naṃte reṇuke'mba namo'stu te

rāmamātarmahāmāye jamadagnipriye'bhaye//
vijaye vedavinute reṇuke'mba namo'stu te

yairarcite tava pade te dhanyāḥ parame pade//
nihitāste suranute reṇuke'mba namo'stu te

na tvadanyā gatirdevi paramā khalu śāṃbhavī//
bhuktimuktiprade śāṃte reṇuke'mba namo'stu te

maḥ keśaveśvarāścāpi sṛṣṭisthityaṃtakāriṇaḥ//
prasādādeva te'naṃte reṇuke'mba namo'stu te

jagadaṃba namo'stu reṇuke paripāhīśvari naḥ subhāvuke//
jayalābhayaśaḥprade mude stutireṣāstu tavākhilārthade

nāvāhanaṃ nārcanapaddhatiṃ te jāne na bhaktiṃ tvayi me bhavāṃtake//
athāpi māṃ tvaṃ kuladevi bhaktakulodbhavaṃ pāhyapi cārthasaktam

mātāpuranivāsinyāḥ śrīdevyāḥ stotramuttamam//
yaḥ paṭhetprayato bhaktyā sarvānkāmānsa āpnuyāt