śrīraghunāthāṣṭakam · Chapter 1

śrī gaṇeśāya namaḥ /
śunāsīrādhīśairavanitalajñaptīḍitaguṇaṃ
prakṛtyā'jaṃ jātaṃ tapanakulacaṇḍāṃśumaparam /
site vṛddhiṃ tārādhipatimiva yantaṃ nijagṛhe
sasītaṃ sānandaṃ praṇata raghunāthaṃ suranutam

nihantāraṃ śaivaṃ dhanuriva ivekṣuṃ nṛpagaṇe
pathi jyākṛṣṭena prabalabhṛguvaryasya śamanam /
vihāraṃ gārhasthyaṃ tadanu bhajamānaṃ suvimalaṃ
sasītaṃ sānandaṃ praṇata raghunāthaṃ suranutam

gurorājñāṃ nītvā vanamanugataṃ dārasahitaṃ
sasaumitriṃ tyaktvepsitamapi surāṇāṃ nṛpasukham /
virupādrākṣasyāḥ priyavirahasantāpamanasaṃ
sasītaṃ sānandaṃ praṇata raghunāthaṃ suranutam

virādhaṃ svarnītvā tadanu ca kabandhaṃ suraripuṃ
gataṃ pampātīre pavanasutasammelanasukham /
gataṃ kiṣkindhāyāṃ viditaguṇasugrīvasacivaṃ
sasītaṃ sānandaṃ praṇata raghunāthaṃ suranutam

priyāprekṣotkaṇṭhaṃ jalanidhigataṃ vānarayutaṃ
jale setuṃ baddhvā'surakula nihantāramanagham /
viśuddhāmardhāṅgīṃ hutabhuji samīkṣantamacalaṃ
sasītaṃ sānandaṃ praṇata raghunāthaṃ suranutam

vimānaṃ cāruhyā'nujajanakajāsevitapada
mayodhyāyāṃ gatvā nṛpapadamavāptāramajaram /
suyajñaistṛptāraṃ nijamukhasurān śāntamanasaṃ
sasītaṃ sānandaṃ praṇata raghunāthaṃ suranutam

prajāṃ saṃsthātāraṃ vihitanijadharme śrutipathaṃ
sadācāraṃ vedoditamapi ca kartāramakhilam /
nṛṣu premodrekaṃ nikhilamanujānāṃ hitakaraṃ
satītaṃ sānandaṃ praṇata raghunāthaṃ suranutam

tamaḥ kīrtyāśeṣāḥ śravaṇagadanābhyāṃ dvijamukhāstariṣyanti
jñātvā jagati khalu gantāramajanam //
atastāṃ saṃsthāpya svapuramanunetāramakhilaṃ
sasītaṃ sānandaṃ praṇata raghunāthaṃ suranutam

raghunāthāṣṭakaṃ hṛdyaṃ raghunāthena nirmitam /
paṭhatāṃ pāparāśighnaṃ bhuktimuktipradāyakam

// iti paṇḍita śrīśivadattamiśraśāstri viracitaṃ śrīraghunāthāṣṭakaṃ sampūrṇam //