śrī sūktam · Chapter 1

// atha śrī sūktam //
śrīgaṇeśāya nama: // atha śrīmahālakṣmyai nama: //
hiraṇyavarṇāmiti paṃcadaśarcasya sūktasya ānaṃdakardamacilkī teṃdirāsutā ṛṣaya: //
śrīragniśvetyubhe devate // ādyāstisro'nuṣṭubha: // caturthī bṛhatī // paṃcamīṣaṣṭhyau triṣṭubhau // tato'ṣṭāvanuṣṭubha: // aṃtyā prastārapaṃkti: // jape vinoyoga: //
// śrīsūktaprāraṃbha: //
hari: ॐ // hiraṇyavarṇāṃ hariṇīṃ suvarṇarajatasrajām //
caṃdrāṃ hiraṇmayīṃ lakṣmīṃ jātavedo ma āvaha //
tāṃ ma āvaha jātavedo lakṣmīṃ anapagāminīm //
yasyāṃ hiraṇyaṃ viṃdeyaṃ gāṃ aśvaṃ puruṣān aham //
aśvapūrvāṃ rathamadhyāṃ hastinādaprabodhinīm //
śriyaṃ devīṃ upavhaye śrī: mā devī juṣatām //
kāṃ sosmitāṃ hiraṇyaprākārāṃ ārdrā jvalaṃtīṃ tṛptāṃ tarpayaṃtīm //
padme sthitāṃ padmavarṇāṃ tāṃ ihopahvaye śriyam //
caṃdrāṃ prabhāsāṃ yaśasā jvalaṃtīṃ śriyaṃ loke devajuṣṭāṃ udārām //
tāṃ padminīmīṃ śaraṇamahaṃ prapadye' lakṣmī: me naśyatāṃ tvāṃ vṛṇe

ādityavarṇe tapaso'dhijāto vanaspati: tavavṛkṣotha bilva: //
tasya phalāni tapasā nudaṃtu māyāṃtarāyāśca bāhyā alakṣmī: //
upaitu māṃ devasakha: kīrtiśca maṇinā saha //
prādurbhūta: surāṣṭre'smin kīrtimṛddhiṃ dadātu me //
kṣutpipāsāmalāṃ jyeṣṭhāṃ alakṣmīṃ nāśayāmyaham //
abhūtiṃ asamṛddhiṃ ca sarvāṃ nirṇuda me gṛhāt //
gaṃdhadvārāṃ durādharṣāṃ nityapuṣṭāṃ karīṣiṇīm //
īśvarīṃ sarvabhūtānāṃ tāṃ ihopahvaye śriyam //
manasa: kāmamākūtiṃ vāca: satyamaśīmahi //
paśūnāṃ rupamannasya mayi śrī: śrayatāṃ yaśa:

kardamena prajā bhūtā mayi saṃbhava kardama //
śriyaṃ vāsaya me kule mātaraṃ padmamālinīm //
āpa: sṛjantu snigdhāni cilkīta vasa me gṛhe //
nica devīṃ mātaraṃ śriyaṃ vāsaya me kule //
ārdrāṃ ya: kariṇīṃ yaṣṭiṃ suvarṇāṃ hemamālinim //
sūryāṃ hiraṇmayīṃ lakṣmīṃ jātavedo ma āvaha //
ārdrāṃ puṣkariṇīṃ puṣṭiṃ piṃgalāṃ padmamālinīm //
caṃdrāṃ hiraṇyamayīṃ lakṣmīṃ jātavedo ma āvaha //
tāṃ ma āvaha jātavedo lakṣmīṃ anapagāminīṃ //
yasyāṃ hiraṇyaṃ prabhūtaṃ gāvodāsyo'śvān viṃdeyaṃ puruṣān aham

ya: śuci: prayato bhūtvā juhuyād ājyaṃ anvaham //
sūktaṃ paṃcadaśarcaṃ ca śrīkāma: satataṃ japet //
padmānane padma‌urū padmākṣī padmasaṃbhave //
tanme bhajasi padmākṣi yena saukhyaṃ labhāmyaham //
aśvadāyai godāyai dhanadāyai mahādhane //
dhanaṃ me labhatāṃ devi sarvakāmāṃścadehi me //
padmānane padmavipadmapatre padmapriye padmadalāyatākṣi //
viśvapriye viśvamanonukūle tvatpādapadmaṃ mayi saṃnidhatsva //
putrapautra dhanaṃ dhānyaṃ hastyaśvādigave ratham //
prajānāṃ bhavasi mātā āyuṣmaṃtaṃ karotu me //
dhanaṃ agni: dhanaṃ vāyu: dhanaṃ sūryo dhanaṃ vasu: //
dhanaṃ indro bṛhaspatirvaruṇo dhanamaśvinā //
vainateya somaṃ piba somaṃ pibatu vṛtrahā //
somaṃ dhanasya somino mahyaṃ dadātu somina: //
na krodho na ca mātsaryaṃ na lobho nāśubhā mati: //
bhavaṃti kṛtapuṇyānāṃ bhaktānāṃ śrīsūktaṃ japet //
sarasijanilaye sarojahaste dhavalatarāṃśukagaṃdhamālyaśobhe //
bhagavati harivallabhe manojñe tribhuvanabhūtikari prasīda mahyam //
viṣṇupatnīṃ kṣamāṃ devīṃ mādhavīṃ mādhavapriyām //
lakṣmīṃ priyasakhīdevīṃ namyacyutavallabhām //
mahālakṣmī ca vidmahe viṣṇupatnī ca dhīmahi // tanno lakṣmī: pracodayāt //
śrīvarcasvamāyuṣyamārogyamāvidhāt śobhamānaṃ mahīyate //
dhānyaṃ dhanaṃ paśuṃ bahuputralābhaṃ śatasaṃvatsaraṃ dīrghaṃ āyu: //
// iti śrīsūktam //