śrī datta atharvaśīrṣa · Chapter 1

// hariḥ ॐ //
ॐ namo bhagavate dattātreyāya avadhūtāya
digaṃbarāyavidhihariharāya āditattvāya ādiśaktaye

tvaṃ carācarātmakaḥ sarvavyāpī sarvasākṣī
tvaṃ dikkālātītaḥ tvaṃ dvandvātītaḥ

tvaṃ viśvātmakaḥ tvaṃ viśvādhāraḥ viśveśaḥ
viśvanāthaḥ tvaṃ viśvanāṭakasūtradhāraḥ
tvameva kevalaṃ kartāsi tvaṃ akartāsi ca nityam

tvaṃ ānandamayaḥ dhyānagamyaḥ tvaṃ ātmānandaḥ
tvaṃ paramānandaḥ tvaṃ saccidānandaḥ
tvameva caitanyaḥ caitanyadattātreyaḥ
ॐ caitanyadattātreyāya namaḥ

tvaṃ bhaktavatsalaḥ bhaktatārakaḥ bhaktarakṣakaḥ
dayāghanaḥ bhajanapriyaḥ tvaṃ patitapāvanaḥ
karuṇākaraḥ bhavabhayaharaḥ

tvaṃ bhaktakāraṇasaṃbhūtaḥ atrisutaḥ anasūyātmajaḥ
tvaṃ śrīpādaśrīvallabhaḥ tvaṃ gāṇagagrāmanivāsī
śrīmannṛsiṃhasarasvatī tvaṃ śrīnṛsiṃhabhānaḥ
akkalakoṭanivāsī śrīsvāmīsamarthaḥ
tvaṃ karavīranivāsī paramasadguru śrīkṛṣṇasarasvatī
tvaṃ śrīsadguru mādhavasarasvatī

tvaṃ smartṛgāmī śrīgurūdattaḥ śaraṇāgato'smi tvām /
dīne ārte mayi dayāṃ kuru
tava ekamātradṛṣṭikṣepaḥ duritakṣayakārakaḥ /
he bhagavan, varadadattātreya,
māmuddhara, māmuddhara, māmuddhara iti prārthayāmi /
ॐ drāṃ dattātreyāya namaḥ

//ॐ digaṃbarāya vidmahe avadhūtāya dhīmahi tanno dattaḥ pracodayāt //