Skanda Purana · Chapter 7.341

// īśvara uvāca // //
āśāpūraṃ tato gacchedvighnarājamakalmaṣam //
śaśibhūṣaṇa vāyavye saṃsthitaṃ vighnanāśanam//
āśāṃ pūrayate yasmāttenāśāpūrakaḥ smṛtaḥ

yatra rāmeṇa deveśi sītayā lakṣmaṇena ca //
samārādhya ca vighneśaṃ prāptaṃ kāmamabhīpsitam

yatra caṃdramasā devi samārādhya gaṇādhipam //
labdhaṃ tadvāṃchitaṃ pūrvaṃ sarvakuṣṭhavināśanam

caturthyāṃ śuklapakṣe ca māsi bhādrapade tathā //
tatra saṃpūjya deveśaṃ modakairbhojayeddvijān

vāñchitāṃ labhate siddhiṃ vighnarājaprasādataḥ //
kṣetrasyāsya mahādevi rakṣārthaṃ tu mayā purā

tato niyukto deveśi yāyināṃ vighnanāśanaḥ

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsa khaṇḍe prathame prabhāsakṣetramāhātmya āśāpūravighnarāja māhātmyavarṇanaṃnāmaikacatśariṃśaduttara triśatatamo'dhyāyaḥ