Skanda Purana · Chapter 7.295

// īśvara uvāca // //
tasmādīśāna digbhāge indrasthānamanuttamam //
gavyūtipañcamātreṇa yatra candrasaraḥ priye

tasmāduttaradigbhāge nātidūre vyavasthitam //
yatra candrodakaṃ devi jarādāridryanāśanam

candrānuvṛddhyā tadvṛddhiḥ kṣayastatsaṃkṣaye bhavet//
tasminpāpayuge'pyevaṃ kadācitsaṃpradṛśyate

tatra snātvā mahādevi yadi pāpasahasrakam//
kṛtaṃ so'tra samāyāti nātra kāryā vicāraṇā

tatrāhilyāprasaṃgotthamahāpātakabhīruṇā//
gautamodbhavaśāpena vilakṣyīkṛtacetasā

indreṇa ca purā devi iṣṭaṃ vipuladakṣiṇaiḥ //
tatra varṣasahasrāṇi saṃsthāpya śivamīśvaram //
indreśvareti nāmnā vai sarvapātaka nāśanam

candratīrthe naraḥ snātvā saṃtarpya pitṛdevatāḥ //
indreśvaraṃ ca saṃpūjya mucyate nātra saṃśayaḥ

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye candrodakatīrthamāhātmya indreśvaramāhātmyavarṇanaṃnāma pañcanavatyuttara dviśatatamo'dhyāyaḥ