Skanda Purana · Chapter 7.161

// īśvara uvāca // //
tato gacchenmahādevi tasya dakṣiṇataḥ sthitam //
īśāne lakṣmaṇeśācca dhanuṣāṃ ṣoḍaśe priye

ananteśvaranāmānamanantena pratiṣṭhitam //
nāgarājena deveśi jñātvā kṣetraṃ tu pāvanam

yastu taṃ pūjayeddevi paṃcamyāṃ phālgune site //
pañcopacāravidhinā jitāhāro jitendriyaḥ

na taṃ daśaṃti phaṇino daśa varṣāṇi paṃca ca //
viṣaṃ na kramate devi dehe tvacarameva vā

tasmāttaṃ pūjayedyatnātpaṃcamyāṃ ca viśeṣataḥ

tatrānaṃtavrataṃ kāryaṃ madhupāyasasaṃyutam //
pāyasaṃ madhusaṃyuktaṃ deyaṃ viprāya bhojanam

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye'nanteśvaramāhātmyavarṇanaṃnāmaikaṣaṣṭyuttaraśatatamo'dhyāyaḥ