Skanda Purana · Chapter 5.163

śrīmārkaṇḍeya uvāca -
tato gacchenmahārāja nāgatīrthamanuttamam /
āśvinasya site pakṣe pañcamyāṃ niyataḥ śuciḥ

rātrau jāgaraṇaṃ kṛtvā gandhadhūpanivedanaiḥ /
prabhāte vimale snātvā śrāddhaṃ kṛtvā yathāvidhi

mucyate sarvapāpebhyo nātra kāryā vicāraṇā /
tatra tīrthe tu yo rājanprāṇatyāgaṃ kariṣyati

anivartikā gatistasya provāceti śivaḥ svayam

// iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe nāgatīrthamāhātmyavarṇanaṃ nāma triṣaṣṭyuttaraśatatamo'dhyāyaḥ //