Scripture Library

Shiva Purana · Chapter 7.28

7.28.7.2,28.1

upamanyuruvāca
ataḥ paraṃ pravakṣyāmi śivāśramaniṣeviṇām

7.28.7.2,28.1

śivaśāstroktamārgeṇa naimittikavidhikramam

7.28.7.2,28.2

sarveṣvapi ca māseṣu pakṣayorubhayorapi

7.28.7.2,28.2

aṣṭābhyāṃ ca caturdaśyāṃ tathā parvāṇi ca kramāt

7.28.7.2,28.3

ayane viṣuve caiva grahaṇeṣu viśeṣataḥ

7.28.7.2,28.3

kartavyā mahatī pūjā hyadhikā vāpi śaktitaḥ

7.28.7.2,28.4

māsimāsi yathānyāyaṃ brahmakūrcaṃ prasādhya tu

7.28.7.2,28.4

snāpayitvā śivaṃ tena pibeccheṣamupoṣitaḥ

7.28.7.2,28.5

brahmahatyādidoṣāṇāmatīva mahatāmapi

7.28.7.2,28.5

niṣkṛtirbrahmakūrcasya pānānnānyā viśiṣyate

7.28.7.2,28.6

pauṣe puṣyanakṣatre kuryānnīrājanaṃ vibhoḥ

7.28.7.2,28.6

māghe maghākhye nakṣatre pradadyādghṛtakaṃbalam

7.28.7.2,28.7

phālgune cottarānte vai prārabheta mahotsavam

7.28.7.2,28.7

caitre citrāpaurṇamāsyāṃ dolāṃ kuryādyathāvidhi

7.28.7.2,28.8

vaiśākhyāṃ tu viśākhāyāṃ kuryātpuṣpamahālayam

7.28.7.2,28.8

jyeṣṭhe mūlākhyanakṣatre śītakumbhaṃ pradāpayet

7.28.7.2,28.9

āṣāḍhe cottarāṣāḍhe pavitrāropaṇaṃ tathā

7.28.7.2,28.9

śrāvaṇe prākṛtānyāpi maṇḍalāni prakalpayet

7.28.7.2,28.10

śraviṣṭhākhye tu nakṣatre prauṣṭhapadyāṃ tataḥ param

7.28.7.2,28.10

prokṣayecca jalakrīḍāṃ pūrvāṣāḍhāśraye dine

7.28.7.2,28.11

āśvayujyāṃ tato dadyātpāyasaṃ ca navodanam

7.28.7.2,28.11

agnikāryaṃ ca tenaiva kuryācchatabhiṣagdine

7.28.7.2,28.12

kārtikyāṃ kṛtikāyoge dadyāddīpasahasrakam

7.28.7.2,28.12

mārgaśīrṣe tathārdrāyāṃ ghṛtena snāpayecchivam

7.28.7.2,28.13

aśaktasteṣu kāleṣu kuryādutsavameva vā

7.28.7.2,28.13

āsthānaṃ vā mahāpūjāmadhikaṃ vā samarcanam

7.28.7.2,28.14

āvṛtte 'pi ca kalyāṇe praśasteṣvapi karmasu

7.28.7.2,28.14

daurmanasye durācāre duḥsvapne duṣṭadarśane

7.28.7.2,28.15

utpāte vāśubhenyasminroge vā prabale 'tha vā

7.28.7.2,28.15

snānapūjājapadhyānahomadānādikāḥ kriyaḥ

7.28.7.2,28.16

nirmitānuguṇāḥ kāryāḥ puraścaraṇapūrvikāḥ

7.28.7.2,28.16

śivānale ca vihate punassandhānamācaret

7.28.7.2,28.17

ya evaṃ śarvadharmiṣṭho vartate nityamudyataḥ

7.28.7.2,28.17

tasyaikajanmanā muktiṃ prayacchati maheśvaraḥ

7.28.7.2,28.18

etadyathottaraṃ kuryānnityanaimittikeṣu yaḥ

7.28.7.2,28.18

divyaṃ śrīkaṃṭhanāthasya sthānamādyaṃ sa gacchati

7.28.7.2,28.19

tatra bhuktvā mahābhogānkalpakoṭiśatannaraḥ

7.28.7.2,28.19

kālāṃtarecyutastasmādaumaṃ kaumārameva ca

7.28.7.2,28.20

saṃprāpya vaiṣṇavaṃ brāhmaṃ rudralokaṃ viśeṣataḥ

7.28.7.2,28.20

tatroṣitvā ciraṃ kālaṃ bhuktvā bhogānyathoditān

7.28.7.2,28.21

punaścordhvaṃ gatastasmādatītya sthānapañcakam

7.28.7.2,28.21

śrīkaṇṭhājjñānamāsādya tasmācchaivapuraṃ vrajet

7.28.7.2,28.22

ardhacaryārataścāpi dvirāvṛttyaivameva tu

7.28.7.2,28.22

paścājjñānaṃ samāsādya śivasāyujyamāpnuyāt

7.28.7.2,28.23

ardhārdhacarito yastu dehī dehakṣayātparam

7.28.7.2,28.23

aṃḍāṃtaṃ vordhvamavyaktamatītya bhuvanadvayam

7.28.7.2,28.24

saṃprāpya pauruṣaṃ raudrasthānamadrīndrajāpateḥ

7.28.7.2,28.24

anekayugasāhasraṃ bhuktvā bhogānanekadhā

7.28.7.2,28.25

puṇyakṣaye kṣitiṃ prāpya kule mahati jāyate

7.28.7.2,28.25

tatrāpi pūrvasaṃskāravaśena sa mahādyutiḥ

7.28.7.2,28.26

paśudharmānparityajya śivadharmarato bhavet

7.28.7.2,28.26

taddharmagauravādeva dhyātvā śivapuraṃ vrajet

7.28.7.2,28.27

bhogāṃśca vividhānbhuktvā vidyeśvarapadaṃ vrajet

7.28.7.2,28.27

tatra vidyeśvaraissārdhaṃ bhuktvā bhogānbahūnkramāt

7.28.7.2,28.28

aṇḍasyāṃtarbahirvātha sakṛdāvartate punaḥ

7.28.7.2,28.28

tato labdhvā śivajñānaṃ parāṃ bhaktimavāpya ca

7.28.7.2,28.29

śivasādharmyamāsādya na bhūyo vinivartate

7.28.7.2,28.29

yaścātīva śive bhakto viṣayāsaktacittavat

7.28.7.2,28.30

śivadarmānaso kurvannakurvanvāpi mucyate

7.28.7.2,28.30

ekāvṛtto dvirāvṛttastrirāvṛtto nivartakaḥ

7.28.7.2,28.31

na punaścakravartī syācchivadharmādhikāravān

7.28.7.2,28.31

tasmāccchivāśrito bhūtvā yena kenāpi hetunā

7.28.7.2,28.32

śivadharme matiṃ kuryācchreyase cetkṛtodyamaḥ

7.28.7.2,28.32

nātra nirbaṃdhayiṣyāmo vayaṃ kecana kenacit

7.28.7.2,28.33

nirbandhebhyo 'tivādebhyaḥ prakṛtyaitanna rocate

7.28.7.2,28.33

rocate vā parebhyastu puṇyasaṃskāragauravāt

7.28.7.2,28.34

saṃsārakāraṇaṃ yeṣāṃ na praroḍhumalaṃ bhavet

7.28.7.2,28.34

prakṛtyanuguṇaṃ tasmādvimṛśyaitadaśeṣataḥ

7.28.7.2,28.35

śivadharme 'dhikurvīta yadīcchecchivamātmanaḥ

iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe nityanaimittikavidhivarṇanaṃ nāmāṣṭāviṃśo 'dhyāyaḥ

Original text: śivapurāṇam · Sanskrit Wikisource contributors · Sanskrit Wikisource · CC BY-SA 4.0