Shatapatha Brahmana · Chapter 11.3.2

११.३.२
yo ha vā agnihotre/ ṣaṇmithunāni veda mithunena mithunena ha prajāyate sarvābhiḥ prajātibhiryajamānaśca patnī ca tadekaṃ mithunaṃ tasmādasya patnīvadagnihotraṃ syādetanmithunamupāpnavānīti vatsaścāgnihotrī ca tadekaṃ mithunaṃ tasmādasya pumvatsāgnihotrī syādetanmithunamupāpnavānīti sthālī cāṅgārāśca tadekammithunaṃ srukca sruvaśca tadekaṃ mithunamāhavanīyaśca samicca tadekammithunamāhutiśca svāhākāraśca tadekaṃ mithunametāni ha vā agnihotre ṣaṇmithunāni tāni ya evaṃ veda mithunena mithunena ha prajāyate sarvābhiḥ prajātibhiḥ - ११.३.२.