sarasvatīstotrāṇi · Chapter 1

// sarasvatīstotrāṇi //
uvāca:—
sarasvati namastubhyaṃ varade kāmarūpiṇi/
vidyārambhaṃ kariṣyāmi siddhirbhavatu me sadā //
yā kundendutuṣārahāradhavalā yā śubhravastrāvṛtā
yā vīṇāvaradaṇḍamaṇḍitakarā yā śvetapadmāsanā/
yā brahmācyuta śaṃkaraprabhṛtibhirdevaiḥ sadā vanditā
sā māṃ pātu sarasvatī bhagavatī niḥśeṣajāḍyāpahā

śuklāṃ brahmavicārasāraparamāmādyāṃ jagadvyāpinīṃ
vīṇā-pustaka-dhāriṇīmabhayadāṃ jāḍyāndhakārāpahām‌/
haste sphāṭikamālikāṃ vidadhatīṃ padmāsane saṃsthitām‌
vande tāṃ parameśvarīṃ bhagavatīṃ buddhipradāṃ śāradām‌