śaṅkaracārya aṣṭottarasahasranāmāvaliḥ · Chapter 1

śrīmat śaṅkaracārya aṣṭottarasahasranāmāvaliḥ
ॐ gāḍhadhvāntanimajjanapramuṣitaprajñānetraṃ param
naṣṭaprāyamapāstasarvakaraṇaṃ śvāsāvaśeṣaṃ janam .
drākkāruṇyavaśātprabodhayati yo bodhāṃśubhiḥ prāmśubhiḥ
so'yaṃ śaṅkaradeśikendrasavitā'smākaṃ paraṃ daivatam ..
advaitendukalāvatamsaruciro vijñānagaṅgādharo
hastābjādhṛta daṇḍa khaṇḍa paraśū rudrākṣabhūṣojvalaḥ .
kāṣāyāmalakṛttivāsasubhagaḥ samsāramṛtyuñjayo
dvaitākhyograhalāhalāśanapaṭuḥ śrīśaṅkaraḥ pātu naḥ ..
gurave sarvalokānāṃ bhiṣaje bhavarogiṇām .
nidhaye sarvavidyānāṃ dakṣiṇāmūrtaye namaḥ ..
jayatu jayatu nityaṃ śaṅkarācāryavaryo
jayatu jayatu tasyādvaitavidyānavadyā .
jayatu jayatu loke taccaritraṃ pavitraṃ
jayatu jayatu bhaktistatpadābje janānām ..
ॐ śrī śrīmatkailāsanilayāya namaḥ .
ॐ pārvatīprāṇavallabhāya namaḥ .
ॐ brahmādisurasampūjyāya namaḥ .
ॐ bhaktatrāṇaparāyaṇāya namaḥ .
ॐ bauddhākrāntamahītrāṇāsaktahṛde namaḥ .
ॐ surasamstutāya namaḥ .
ॐ karmakāṇḍāviṣkaraṇadakṣaskandānumodakāya namaḥ .
ॐ naradehādṛtamataye namaḥ .
ॐ saṃcoditasurāvalaye namaḥ .
ॐ tiṣyābdhatrikasāhasraparato labdhabhūtalāya namaḥ ..१०..
ॐ kālaṭīkṣetranivasadāryāmbāgarbhasaṃśrayāya namaḥ .
ॐ śivādiguruvaṃśābdhirākāpūrṇasudhākarāya namaḥ .
ॐ śivagurvātmajāya namaḥ .
ॐ śrīmate namaḥ .
ॐ sacchivāṃśāvatārakāya namaḥ .
ॐ pitṛdattānvarthabhūtaśaṅkarākhyasamujvalāya namaḥ .
ॐ īśvarābdhavasantarturādhāśuklasamudbhavāya namaḥ .
ॐ ārdrānakṣatrasaṃyuktapañcamībhānusaṃjanaye namaḥ .
ॐ vidyādhirājasatpautrāya namaḥ .
ॐ vidvanmānasaharṣadāya namaḥ ..२०..
ॐ prathamābdhasamabhyastāśeṣabhāṣālipikramāya namaḥ .
ॐ vatsaratritayādarvāgjanakāvāptamunḍanāya namaḥ .
ॐ tṛtīyavatsaraprāptatātaviśleṣakardamāya namaḥ .
ॐ mātṛśokāpahāriṇe namaḥ .
ॐ mātṛśuśrūṣaṇādarāya namaḥ .
ॐ mātṛdevāya namaḥ .
ॐ mātṛgurave namaḥ .
ॐ mātṛtātāya namaḥ .
ॐ bālalīlādarśanotthaharṣapūritamātṛkāya namaḥ .
ॐ sanābhijanato mātrākāritadvijasaṃskṛtaye namaḥ ..३०..
ॐ vidyāgurukulāvāsāya namaḥ .
ॐ gurusevāparāyaṇāya namaḥ .
ॐ tripuṇḍravilasadbhālāya namaḥ .
ॐ dhṛtamaunjīmṛgājināya namaḥ .
ॐ pālāśadaṇḍapāṇaye namaḥ .
ॐ pītakaupīnavāsitāya namaḥ .
ॐ bisatantusadṛkṣāgryasūtraśobhitakaṃdharāya namaḥ .
ॐ saṃdhyāgnisevāniratāya namaḥ .
ॐ niyamādhyāyatatparāya namaḥ .
ॐ bhaikṣyāśine namaḥ ..४०..
ॐ paramānandāya namaḥ .
ॐ sadā sarvānandakarāya namaḥ .
ॐ dvitrimāsābhyastavidyāsamānīkṛtadeśikāya namaḥ .
ॐ abhyastavedavedāṅgāya namaḥ .
ॐ nikhilāgapāragāya namaḥ .
ॐ daridrabrāhmaṇīdattabhikṣāmalakatoṣitāya namaḥ .
ॐ nirbhāgyabrāhmaṇīvākyaśravaṇākulamānasāya namaḥ .
ॐ dvijadāridryaviśrāṃtivāñchāsaṃsmṛtabhārgavaye namaḥ .
ॐ svarṇadhārāstutiprītaramānugrahabhājanāya namaḥ .
ॐ svarṇāmalakasadvṛṣṭiprasādānanditadvijāya namaḥ ..५०..
ॐ tarkaśāstraviśāradāya namaḥ .
ॐ sāṃkhyaśāstraviśāradāya namaḥ .
ॐ pātañjalanayābhijñāya namaḥ .
ॐ bhāṭṭaghaṭṭārthatatvavide namaḥ .
ॐ sampūrṇavidyāya namaḥ .
ॐ saśrīkāya namaḥ .
ॐ dattadeśikadakṣiṇāya namaḥ .
ॐ mātṛsevanasaṃsaktāya namaḥ .
ॐ svaveśmanilayāya namaḥ .
ॐ saridvartātapaviśrāṃtamātṛduḥkhāpanodakāya namaḥ .
ॐ vījanādyupacārāptamātṛsaukhyasukhodayāya namaḥ .
ॐ saridveśmopasadanastutinanditanimajñāya namaḥ ..६०..
ॐ pūrṇādattavarollāsigṛhāntikasaridvarāya namaḥ .
ॐ ānandāścaryabharitacittamātṛprasādabhuve namaḥ .
ॐ keralādhipasatputravaradānasuradrumāya namaḥ .
ॐ keralādhīśaracitanāṭakatrayatoṣitāya namaḥ .
ॐ rājopanītasauvarṇatucchīkṛtamahāmataye namaḥ .
ॐ svaniketasamāyātadadhīcyatryādipūjakāya namaḥ .
ॐ ātmatatvavicāreṇa nanditātithimaṇḍalāya namaḥ .
ॐ kumbhodbhavajñātavṛttaśokavihvalamātṛkāya namaḥ ..७०..
ॐ sutatvabodhānunayamātṛcintāpanodakṛte namaḥ .
ॐ tucchasaṃsāravidveṣṭre namaḥ .
ॐ satyadarśanalālasāya namaḥ .
ॐ turyāśramāsaktamataye namaḥ .
ॐ mātṛśāsanapālakāya namaḥ .
ॐ pūrṇānadīsnānaveḻā nakragrastapadāmbujāya namaḥ .
ॐ sutavātsalyaśokārtajananīdatta śāsanāya namaḥ .
ॐ praiṣoccārasaṃtyaktanakrapīḍāya namaḥ .
ॐ jitendriyāya namaḥ ..८०..
ॐ jananīpādapāthojarajaḥpūtakalevarāya namaḥ .
ॐ gurūpasadānākāṅkṣiṇe namaḥ .
ॐ arthitāmbānuśāsanāya namaḥ .
ॐ pratijñātaprasūdehasaṃskāraujasvisattamāya namaḥ .
ॐ cintanāmātrasānidhyabodhanāśvāsitāmbakāya namaḥ .
ॐ sanābhijanavinyastamātṛkāya namaḥ .
ॐ mamatāpahṛte namaḥ .
ॐ labdhamātrāśīrvacaskāya namaḥ .
ॐ mātṛgehādvinirgatāya namaḥ .
ॐ sarittaraṅgasaṃtrāsānaṅgavāṇīvibodhitāya namaḥ ..९०..
ॐ svabhujoddhṛtagopālamūrtipīḍāpahārakāya namaḥ .
ॐ ītibādhāvinirmuktadeśādhiṣṭhitamūrtikāya namaḥ .
ॐ govindabhagavatpādadarśanodyatamānasāya namaḥ .
ॐ atikrāntamahāmārgāya namaḥ .
ॐ narmadātaṭasaṃśritāya namaḥ .
ॐ tvaṅgattaraṅgasandoharevāsnāyine namaḥ .
ॐ dhṛtāmbarāya namaḥ .
ॐ bhasmoddhūlitasarvāṅgāya namaḥ .
ॐ kṛtasāyahnikakriyāya namaḥ .
ॐ govindāryaguhānveṣatatparāya namaḥ ..१००..
ॐ gurubhaktimate namaḥ .
ॐ guhādarśanasaṃjātaharṣapūrṇāśrulocanāya namaḥ .
ॐ pradakṣiṇīkṛtaguhāya namaḥ .
ॐ dvāranyastanijāṅgakāya namaḥ .
ॐ baddhamūrdhāñjalipuṭāya namaḥ .
ॐ stavatoṣitadeśikāya namaḥ .
ॐ vijñāpitasvātmavṛttāya namaḥ .
ॐ arthitabrahmadarśanāya namaḥ .
ॐ stavaprītagurunyastapādacumbitamastakāya namaḥ .
ॐ āryapādamukhāvāptamahāvākyacatuṣṭayāya namaḥ ..११०..
ॐ ācāryabodhitātmārthāya namaḥ .
ॐ ācāryaprītidāyakāya namaḥ .
ॐ govindabhagavatpādapāṇipaṅkajasaṃbhavāya namaḥ .
ॐ niścintāya namaḥ .
ॐ niyatāhārāya namaḥ .
ॐ ātmatatvānucintakāya namaḥ .
ॐ prāvṛtkālikamārgasthaprāṇihiṃsābhayārditāya namaḥ .
ॐ ācāryāṅghrikṛtāvāsāya namaḥ .
ॐ ācāryājñānupālakāya namaḥ .
ॐ pañcāhorātravarṣāmbumajjajjanabhayāpahṛte namaḥ ..१२०..
ॐ yogasiddhigṛhītendubhavāpūrakamaṇḍalāaya namaḥ .
ॐ vyutthitāryaśruticarasvavṛttaparitoṣitāya namaḥ .
ॐ vyāsasūktipratyabhijñābodhitātmapraśaṃsanāya namaḥ .
ॐ deśikādeśavaśagāya namaḥ .
ॐ sūtravyākṛtikautukine namaḥ .
ॐ gurvanujñātaviśveśadidṛkṣāgamanotsukāya namaḥ .
ॐ avāptacandramauḻīśanagarāya namaḥ .
ॐ bhaktisaṃyutāya namaḥ .
ॐ lasaddaṇḍakarāya namaḥ .
ॐ muṇḍine namaḥ ..१३०..
ॐ dhṛtakuṇḍāya namaḥ .
ॐ dhṛtavratāya namaḥ .
ॐ lajjāvarakakaupīnakaṃthācchāditavigrahāya namaḥ .
ॐ svīkṛtāmbupavitrāya namaḥ .
ॐ pādukālasadaṅghrikāya namaḥ .
ॐ gaṅgāvārikṛtasnānāya namaḥ .
ॐ prasannahṛdayāmbujāya namaḥ .
ॐ abhiṣiktapurārātaye namaḥ .
ॐ bilvatoṣitaviśvapāya namaḥ .
ॐ hṛdyapadyāvalīprītaviśveśāya namaḥ ..१४०..
ॐ natavigrahāya namaḥ .
ॐ ganṅgāpathikacaṇḍālavidūragamanotsukāya namaḥ .
ॐ dehātmabhramanirhāricaṇḍālavacanādṛtāya namaḥ .
ॐ caṇḍālākāraviśveśapraśnānupraśnaharṣitāya namaḥ .
ॐ manīṣāpañcakastotranirmāṇanipuṇāya namaḥ .
ॐ mahate namaḥ .
ॐ nijarūpasamāyuktacandracūḍāladarśakāya namaḥ .
ॐ taddarśanasamāhlādanirvṛtātmane namaḥ .
ॐ nirāmayāya namaḥ .
ॐ nirākārāya namaḥ ..१५०..
ॐ nirātaṅkāya namaḥ .
ॐ nirmamāya namaḥ .
ॐ nirguṇāya namaḥ .
ॐ vibhave namaḥ .
ॐ nityatṛptāya namaḥ .
ॐ nijānandāya namaḥ .
ॐ nirāvaraṇāya namaḥ .
ॐ īśvarāya namaḥ .
ॐ nityaśuddhāya namaḥ .
ॐ nityabuddhāya namaḥ ..१६०..
ॐ nityabodhaghanātmakāya namaḥ .
ॐ īśaprasādabharitāya namaḥ .
ॐ īśvarārādhanotsukāya namaḥ .
ॐ vedāntasūtrasadbhāṣyakaraṇapreritāya namaḥ .
ॐ prabhave namaḥ .
ॐ iśvarājñānusaraṇapariniścitamānasāya namaḥ .
ॐ īśāntardhānasaṃdarśine namaḥ .

ॐ vismayaspharitekṣaṇāya namaḥ .
ॐ jāhnavītaṭinīsnānapavitrataramūrtikāya namaḥ .
ॐ āhnikānantadhyātagurupādasaroruhāya namaḥ ..१७०..
ॐ śrutiyuktisvānubhūtisāmarasyavicāraṇāya namaḥ .
ॐ lokānugrahaṇaikāntapravaṇasvāntasaṃyutāya namaḥ .
ॐ viśveśānugrahāvāptabhāṣyagrathananaipuṇāya namaḥ .
ॐ tyaktakāśīpurīvāsāya namaḥ .
ॐ badaryāśramacintakāya namaḥ .
ॐ tatratyamunisandohasaṃbhāṣaṇasunirvṛtāya namaḥ .
ॐ nānātīrthakṛtasnānāya namaḥ .
ॐ mārgagāmine namaḥ .
ॐ manoharāya namaḥ .
ॐ badaryāśramasaṃdarśanānandodrekasaṃyutāya namaḥ ..१८०..
ॐ karabilvīphalībhūtaparamādvaitatatvakāya namaḥ .
ॐ unmattakajaganmohanivāraṇavicakṣaṇāya namaḥ .
ॐ prasannagambhīramāhābhāṣyanirmāṇakautukine namaḥ .
ॐ śrīmate namaḥ .
ॐ upaniṣadbhāṣyagrathanaprathanotsukāya namaḥ .
ॐ gītābhāṣyāmṛtāsārasantoṣitajagattrayāya namaḥ .
ॐ śrīmatsanatsujātīyamukhagranthanibandhakāya namaḥ .
ॐ nṛsiṃhatāpanīyādibhāṣyoddhārakṛtādarāya namaḥ .
ॐ asaṃkhyagranthanirmātre namaḥ .
ॐ lokānugrahakṛte namaḥ ..१९०..
ॐ sudhiye namaḥ .
ॐ sūtrabhāṣyamahāyuktikhaṇḍitākhiladurmatāya namaḥ .
ॐ bhāṣyāntarāndhakāraughanivāraṇadivākarāya namaḥ .
ॐ svakṛtāśeṣabhāṣyādigranthādhyāpanatatparāya namaḥ .
ॐ śāntidāntyādisaṃyuktaśiṣyamaṇḍalamaṇḍitāya namaḥ .
ॐ sanandanādisacchiṣyanityādhītasvabhāṣyakāya namaḥ .
ॐ triradhītātmabhāṣyaśrīsanandanasamāśritāya namaḥ .
ॐ jāhnavīparatīrasthasanandanasamāhvāyine namaḥ .
ॐ gaṅgotthakamalavrātadvārāyātasanandanāya namaḥ .
ॐ ācāryabhaktimāhātmyanidarśanaparāyaṇāya namaḥ ..२००..
ॐ ānandamantharasvāntasanandanakṛtānataye namaḥ .
ॐ tadīyāśleṣasuhitāya namaḥ .
ॐ sādhumārganidarśakāya namaḥ .
ॐ dattapadmapadābhikhyāya namaḥ .
ॐ bhāṣyādhyāpanatatparāya namaḥ .
ॐ tattatsthalasamāyātapaṇḍitākṣepakhaṇḍakāya namaḥ .
ॐ nānākumatadurdhvāntadhvaṃsanodyatamānasāya namaḥ .
ॐ dhīmate namaḥ .
ॐ advaitasiddhāntasamarthanasamutsukāya namaḥ .
ॐ vedāntamahāraṇyamadhyasañcārakesariṇe namaḥ ..२१०..
ॐ trayyantanalinībhṛṅgāya namaḥ .
ॐ trayyantāmbhojabhāskarāya namaḥ .
ॐ advaitāmṛtamādhuryasarvasvānubhavodyatāya namaḥ .
ॐ advaitamārgasantrātre namaḥ .
ॐ nirdvaitabrahmacintakāya namaḥ .
ॐ dvaitāraṇyasamucchedakuṭhārāya namaḥ .
ॐ niḥsapatnakāya namaḥ .
ॐ śrautasmārtādhvanīnānugrahaṇaihaparāyaṇāya namaḥ .
ॐ vāvadūkabudhavrātavisthāpanamahāvacase namaḥ .
ॐ svīyavāgvaikharīlīlāvismāpitabudhavrajāya namaḥ ..२२०..
ॐ ślāghāsahasrasaṃśrotre namaḥ .
ॐ nirvikārāya namaḥ .
ॐ guṇākarāya namaḥ .
ॐ trayyantasārasarvasvasaṅgrahaikaparāyaṇāya namaḥ .
ॐ trayyantagūḍhaparamātmākhyaratnoddhṛtikṣamāya namaḥ .
ॐ trayyantabhāṣyaśītāṃśuviśadīkṛtabhūtalāya namaḥ .
ॐ gaṅgāpravāhasadṛśasūktisārāya namaḥ .
ॐ mahāśāyāya namaḥ .
ॐ vitaṇḍikākhyavetaṇḍakhaṇḍādbhutapaṇḍitāya namaḥ .
ॐ bhāṣyapracāraniratāya namaḥ ..२३०..
ॐ bhāṣyapravacanotsukāya namaḥ .
ॐ bhāṣyāmṛtābdhimathanasaṃpannajñānasārabhāje namaḥ .
ॐ bhāṣyasāragrahāsaktabhaktamuktipradāyakāya namaḥ .
ॐ bhāṣyākārayaśorāśipavitritajagattrayāya namaḥ .
ॐ bhāṣyāmṛtāsvādalubdhakarmandijanasevitāya namaḥ .
ॐ bhāṣyaratnaprabhājāladedīpitajagattrayāya namaḥ .
ॐ bhāṣyagaṅgājalasnātaniḥśeṣakaluṣāpahāyāya namaḥ .
ॐ bhāṣyagāmbhīryasaṃdraṣṭṛjanavismayakārakāya namaḥ .
ॐ bhāṣyāmbhonidhinirmagnabhaktakaivalyadāyakāya namaḥ .
ॐ bhāṣyacandrodayollāsavidvastadhvāntadakṣiṇāya namaḥ .
ॐ bhāṣyākhyakumudavrātavikāsanasucandramase namaḥ .
ॐ bhāṣyayuktikuṭhāraughanikṛttadvaitadurdrumāya namaḥ .
ॐ bhāṣyāmṛtābdhilaharīvihārāparikhinnadhiye namaḥ .
ॐ bhāṣyasiddhāntasarvasvapeṭikāyitamānasāya namaḥ .
ॐ bhāṣyākhyanikaṣagrāvaśodhitādvaitakāñcanāya namaḥ .
ॐ bhāṣyavaipulyagāmbhīryatiraskṛtapayonidhaye namaḥ .
ॐ bhāṣyābhidhasudhāvṛṣṭipariplāvitabhūtalāya namaḥ .
ॐ bhāṣyapīyūṣavarṣonmūlitasaṃtāpasantataye namaḥ .
ॐ bhāṣyatantupariprotasadyuktikusumāvalaye namaḥ ..२५०..
ॐ vedāntavedyavibhavāya namaḥ .
ॐ vedāntapariniṣṭhitāya namaḥ .
ॐ vedāntavākyanivahāyārthyaparicintakāya namaḥ .
ॐ vedāntavākyavilasaddaidamparyapradarśakāya namaḥ .
ॐ vedāntavākyapīyūṣasyādimābhijñamānasāya namaḥ .
ॐ vedāntavākyakusumarasāsvādanabambharāya namaḥ .
ॐ vedāntasārasarvasvanidhānāyitacittabhuve namaḥ .
ॐ vedāntanalinīhaṃsāya namaḥ .
ॐ vedāntāmbhojabhāskarāya namaḥ .
ॐ vedāntakumudollāsasudhānidhaye namaḥ ..२६०..
ॐ udāradhiye namaḥ .
ॐ vedāntaśāstrasāhāyyaparājitakuvādikāya namaḥ .
ॐ vedāntāmbodhilaharīvihāraparinirvṛtāya namaḥ .
ॐ śiṣyaśaṅkāparicchetre namaḥ .
ॐ śiṣyādhyāpanatatparāya namaḥ .
ॐ vṛddhaveṣapraticchannavyāsācāryāvalokanāya namaḥ .
ॐ adhyāpyamānaviṣayajijñāsuvyāsacoditāya namaḥ .
ॐ śiṣyaughavarṇitasvīyamāhātmyāya namaḥ .
ॐ mahimākarāya namaḥ .
ॐ svasūtrabhāṣyaśravaṇasaṃtuṣṭavyāsananditāya namaḥ ..२७०..
ॐ pṛṣṭasūtrārthakāya namaḥ .
ॐ vāgmine namaḥ .
ॐ vinayojvalamānasāya namaḥ .
ॐ tadantaretyādisūtrapraśnaharṣitamānasāya namaḥ .
ॐ śrutyupodbalitasvīyavacorañjitabhūsurāya namaḥ .
ॐ bhūtasūkṣmopasṛṣṭajīvātmagatisādhakāya namaḥ .
ॐ tāṇḍiśrutigatapraśnottaravākyanidarśakāya namaḥ .
ॐ śatadhākalpitasvīyapakṣāya namaḥ .
ॐ sarvasamādhikṛte namaḥ .
ॐ vāvadūkamahāvipraparamāścaryadāyakāya namaḥ ..२८०..
ॐ tattatpraśnasamādhānasantoṣitamahāmunaye namaḥ .
ॐ vedāvasānavākyaughasāmarasyakṛte namaḥ .
ॐ avyayāya namaḥ .
ॐ dināṣṭakakṛtāsaṃkhyavādāya namaḥ .
ॐ vijayabhājanāya namaḥ .
ॐ vismayānandabharitaśrotṛślāghitavaibhavāya namaḥ .
ॐ viṣṇuśaṅkaratāvācipadmāṅghripratibodhitāaya namaḥ .
ॐ padmāṅghriprārthitasvīyavāgvyapāravirāmakāya namaḥ .
ॐ tadīyavākyasārajñāya namaḥ .
ॐ namaskārasamudyatāya namaḥ .
ॐ vyāsamāhātmyavijñātre namaḥ .
ॐ vyāsastutiparāyaṇāya namaḥ .
ॐ nānāpadyāvalīprītavyāsānugrahabhājanāya namaḥ .
ॐ nijarūpasamāyuktavyāsasaṃdarśanotsukāya namaḥ .
ॐ tāpicchamañjarīkāntavyāsavigrahadarśakāya namaḥ .
ॐ śiṣyāvalīparivṛtāya namaḥ .
ॐ pratyudgatividhāyakāya namaḥ .
ॐ svīyāparādhaśamanasamabhyarthanatatparāya namaḥ .
ॐ bādarāyaṇapādābjayugalīsparśanodyatāya namaḥ ..३००..
ॐ vyāsadarśanajasvīyakārtārthyapratipādakāya namaḥ .
ॐ aṣṭādaśapurāṇaughaduṣkaratvanibodhakāya namaḥ .
ॐ tattādṛśapurāṇaughanirmātṛtvābhinandakāya namaḥ .
ॐ paropakāranairatyaślāghakāya namaḥ .
ॐ vyāsapūjakāya namaḥ .
ॐ bhinnaśākhācaturvedavibhāgaślāghakāya namaḥ .
ॐ mahate namaḥ .
ॐ kalikālīnamandātmānugrahītṛtvapradarśakāya namaḥ .
ॐ nānāprabandhakartṛtvajanitāścaryabodhakāya namaḥ .
ॐ bhāratākhyamahāgranthaduṣkaratvapradarśakāya namaḥ ..३१०..
ॐ nārāyaṇāvatāratvapradarśine namaḥ .
ॐ prārthanodyatāya namaḥ .
ॐ svānugrahaikaphalakavyāsāgamanaśamsakāya namaḥ .
ॐ svakīyabhāṣyālokārthavyāsasaṃprārthakāya namaḥ .
ॐ munaye namaḥ .
ॐ nijabhāṣyagagāmbhīryavismāpitamahāmunaye namaḥ .
ॐ bhāṣyasarvāṃśasaṃdraṣṭṛvyāsācāryābhinanditāya namaḥ .
ॐ nijasiddhāntasarvasvadraṣṭṛvyāsābhipūjitāya namaḥ .
ॐ śrutisūtrasusāṅgatyasaṃdraṣṭṛvyāsapūjitāya namaḥ .
ॐ ślāghāvādasahasraikapātrabhūtāya namaḥ ..३२०..
ॐ mahāmunaye namaḥ .
ॐ govindayogīśiṣyatvaślāghakavyāsapūjitāya namaḥ .
ॐ svaśaṅkarramśatāvādivyāsavākyānumodakāya namaḥ .
ॐ vyāsāśayāviṣkaraṇabhāṣyaprathanatatparāya namaḥ .
ॐ sarvasaubhāgyanilayāya namaḥ .
ॐ sarvasaukhyapradāyakāya namaḥ .
ॐ sarvajñāya namaḥ .
ॐ sarvadṛśe namaḥ .
ॐ sākṣiṇe namaḥ .
ॐ sarvatomukhanaipuṇyāya namaḥ ..३३०..
ॐ sarvakartre namaḥ .
ॐ sarvagoptre namaḥ .

ॐ sarvavaibhavasaṃyutāya namaḥ .
ॐ sarvabhāvaviśeṣajñāya namaḥ .
ॐ sarvaśāstraviśāradāya namaḥ .
ॐ sarvābhīṣṭapradāya namaḥ .
ॐ devāya namaḥ .
ॐ sarvaduḥkhanivāraṇāya namaḥ .
ॐ sarvasaṃśayavicchetre namaḥ .
ॐ sarvasampatpradāyakāya namaḥ ..३४०..
ॐ sarvasaukhyavidhātre namaḥ .
ॐ sarvāmarakṛtānataye namaḥ .
ॐ sarvarṣigaṇasampūjyāya namaḥ .
ॐ sarvamaṅgalakāraṇāya namaḥ .
ॐ sarvaduḥkhāpahāya namaḥ .
ॐ saumyāya namaḥ .
ॐ sarvāntaryamaṇāya namaḥ .
ॐ baline namaḥ .
ॐ sarvādhārāya namaḥ .
ॐ sarvagāmine namaḥ ..३५०..
ॐ sarvatobhadradāyakāya namaḥ .
ॐ sarvadurvādidurgarvakharvīkaraṇakautikine namaḥ .
ॐ sarvalokasuvikhyātayaśorāśaye namaḥ .
ॐ amoghavāce namaḥ .
ॐ sarvabhaktasamuddhartre namaḥ .
ॐ sarvāpadvinivārakāya namaḥ .
ॐ sārvabhaumādihairaṇyagarbhāntānandacintakāya namaḥ .
ॐ bhūyogragranthanirmāṇakṛtavyāsāryacodanāya namaḥ .
ॐ bhedavādinirāśārthivyāsavākyānumodakāya namaḥ .
ॐ yathāgatasvagamanabodhakavyāsacoditāya namaḥ ..३६०..
ॐ vedāntabhāṣyaracanapracārādivibodhakāya namaḥ .
ॐ svakīyakṛtakṛtyatvabodhakāya namaḥ .
ॐ prārthanāparāya namaḥ .
ॐ maṇikarṇīmahākṣetravyāsasānidhyayācakāya namaḥ .
ॐ ātmīyadehasaṃtyāgapravṛttāya namaḥ .
ॐ vyāsacodakāya namaḥ .
ॐ niṣiddhadehasaṃtyāgavyāsājñāparipālakāya namaḥ .
ॐ anirjitānekavādijayasaṃpreritāya namaḥ .
ॐ sukhine namaḥ .
ॐ avatāramahākāryasampūrṇatvānucintakāya namaḥ ..३७०..
ॐ svasūtrabhāṣyamādhuryaprītavyāsakṛtādarāya namaḥ .
ॐ varadānakṛtotsāhavyāsasamcoditāya namaḥ .
ॐ kavaye namaḥ .
ॐ vidhidattaṣṭasaṃkhyākavayase namaḥ .
ॐ sannyāsasaṃgrahiṇe namaḥ .
ॐ svavaidagdhyābhiniṣpannavayoṣṭakakṛtāśrayāya namaḥ .
ॐ vyāsājñāvaibhavotpannaṣoḍaśābdāya namaḥ .
ॐ śivaṅkarāya namaḥ .
ॐ śrutisūtramahābhāṣyatriveṇyutpattibhuve namaḥ .
ॐ śivāya namaḥ ..३८०..
ॐ vedavyāsapadāmbhojayugalīsparśanirvṛtāya namaḥ .
ॐ bhaktigarbhitavākyaughakusumāñjalidāyakāya namaḥ .
ॐ vyāsadattavaragrāhiṇe namaḥ .
ॐ vyāsāntardhānadarśakāya namaḥ .
ॐ bādarāyaṇaviśleṣavyasanāturamānasāya namaḥ .
ॐ vyāsasaṃcoditāśeṣadigvijayaikakṛtodyamāya namaḥ .
ॐ kumārilāvalokecchave namaḥ .
ॐ dakṣiṇāśāgamodyatāya namaḥ .
ॐ bhaṭṭapādāparābhikhyakumārilajayotsukāya namaḥ .
ॐ prayāgagamanodyuktāya namaḥ ..३९०..
ॐ triveṇīsaṅgamasnānapavitrataramūrtikāya namaḥ .
ॐ gaṅgātuṅgataraṅgaughadarśanaprītamānasāya namaḥ .
ॐ hṛdyānavadyapadyaughasaṃstutābhrasaridvarāya namaḥ .
ॐ bhūyobhūyaḥkṛtasnānāya namaḥ .
ॐ daṇḍālaṅkṛtahastakāya namaḥ .
ॐ nānāghamarṣamantrānupāṭhakāya namaḥ .
ॐ dhyānatatparāya namaḥ .
ॐ nānāmantrajapaprītāya namaḥ .
ॐ mantrasārajñāya namaḥ .
ॐ uttamāya namaḥ ..४००..
ॐ mantrārthavyākṛtikṣamāya namaḥ .
ॐ mantramāṇikyamanjūṣāyitacetaḥpradeśakāya namaḥ .
ॐ mantraratnākarāya namaḥ .
ॐ mānine namaḥ .
ॐ mantravaibhavadarśakāya namaḥ .
ॐ mantraśāstrārthatatvajñāya namaḥ .
ॐ mantraśāstrapravartakāya namaḥ .
ॐ māntrikāgresarāya namaḥ ..४१०..
ॐ mānyāya namaḥ .
ॐ mantrāmbhoruhaṣaṭpadāya namaḥ .
ॐ mantrakānanasañcārakesariṇe namaḥ .
ॐ mantratatparāya namaḥ .
ॐ mantrābhidhasukāsārakalahaṃsāya namaḥ .
ॐ mahāmataye namaḥ .
ॐ mantrasaṃśayavicchetre namaḥ .
ॐ mantrajātopadeśakāya namaḥ .
ॐ snānakālasamāyātamātṛsmṛtaye namaḥ .
ॐ amoghadhiye namaḥ ..४२०..
ॐ āhnikānuṣṭhitivyagrāya namaḥ .
ॐ yatidharmaparāyaṇāya namaḥ .
ॐ ekāntamataye namaḥ .
ॐ ekāntaśīlāya namaḥ .
ॐ ekāntasaṃśritāya namaḥ .
ॐ bhaṭṭapādatuṣāṅgārāveśavṛttaniśāmakāya namaḥ .
ॐ bhāṣyavārtikanirmāṇamanorathasamīritāya namaḥ .
ॐ bhaṭṭapādīyavṛttāntapratyakṣīkaraṇotsukāya namaḥ .
ॐ kumārilasamālokalālasāya namaḥ .
ॐ gamanotsukāya namaḥ ..४३०..
ॐ tuṣāgnirāśimadhyasthabhaṭṭapādāvalokanāya namaḥ .
ॐ prabhākarādisacchiṣyāvṛtatanmūrtidarśakāya namaḥ .
ॐ tuṣāgnisthitatadvaktraprasādālokavismitāya namaḥ .
ॐ atarkitāgataprītabhaṭṭapādābhinanditāya namaḥ .
ॐ bhaṭṭapādīyasacchiṣyakṛtanānopacārakāya namaḥ .
ॐ antyakālasvasānidhyasantoṣitakumārilāya namaḥ .
ॐ nijadarśanasantuṣṭabhaṭṭapādābhinanditāya namaḥ .
ॐ satsaṅgamanamāhatmyavādibhaṭṭābhipūjitāya namaḥ .
ॐ saṃsārānityatāvācibhaṭṭaśokānuśocakāya namaḥ .
ॐ kālānaiyyatyasaṃbodhibhaṭṭapādoktiśamsanāya namaḥ ..४४०..
ॐ īśāpahnavajātyantadoṣavādasusaṃśraviṇe namaḥ .
ॐ bauddhāntevāsitābodhibhaṭṭavākyapraśamsakāya namaḥ .
ॐ bhaṭṭapādīyasaudhāgrapatanākarṇanāturāya namaḥ .
ॐ vedabhaktiprayuktyaitatkṣatābhāvaniśāmakāya namaḥ .
ॐ ekacakṣuḥkṣataprāptiśocadbhaṭṭānuśocakāya namaḥ .
ॐ gurudrohākhyaduritasambhavākarṇanāturāya namaḥ .
ॐ prāyaścittārtharacitatuṣāgnyāveśadarśakāya namaḥ .
ॐ svadarśanajakārtārthyabodhibhaṭṭoktipūjitāya namaḥ .
ॐ svabhāṣyavṛttiracanabhāgyābhāvoktisamśraviṇe namaḥ .
ॐ tatprayuktayaśo'bhāvabodhibhaṭṭānuśocakāya namaḥ ..४५०..
ॐ nijāvatārābhijñaptibodhibhaṭṭoktiśamsanāya namaḥ .
ॐ subrahmaṇyāvatāratvabodhakāya namaḥ .
ॐ ślāghanāparāya namaḥ .
ॐ karmakāṇḍapratiṣṭhārthatadīyāgamabodhakāya namaḥ .
ॐ sādhumārgānuśikṣārthatadīyavratabodhakāya namaḥ .
ॐ karakāmbukaṇāsekajīvanotsukamānasāya namaḥ .
ॐ lokāpavādāsahyatvabodhibhaṭṭānusārakṛte namaḥ .
ॐ āgamoktavrataikāntaniṣṭhabhaṭṭānumodakāya namaḥ .
ॐ āgamoktyatilaṅghitvaduṣkīrtiparihārakṛte namaḥ .
ॐ svakīyakṛtakṛtyatvākāñkṣibhaṭṭānusevikāya namaḥ ..४६०..
ॐ tārakākhyabrahmavidyāpekṣibhaṭṭābhilāṣakṛte namaḥ .
ॐ maṇḍanākhyamahāsūrivijayapreritāya namaḥ .
ॐ suhṛde namaḥ .
ॐ tatpāṇḍityaguṇaślāghibhaṭṭapādapraṇoditāya namaḥ .
ॐ pravṛttimārganiratatadvṛttāntaniśāmakāya namaḥ .
ॐ maṇḍanāryajayodyogakartavyoktisusūcakāya namaḥ .
ॐ durvāsaḥśāpasaṃjātavāṇīsthitiniśāmakāya namaḥ .
ॐ bhaṭṭāntevāsimukhyatvābhijñāya namaḥ .
ॐ vijñānasāgarāya namaḥ .
ॐ bhāratīsākṣikānekavivādakaraṇeritāya namaḥ ..४७०..
ॐ tadīyajayamātrānyajayaprāptiniśāmakāya namaḥ .
ॐ vārtikagranthakaraṇayogyatāśravaṇādṛtāya namaḥ .
ॐ muhūrtamātrasānidhyaprārthibhaṭṭānumodakāya namaḥ .
ॐ tārakabrahmakathanakṛtārthitakumārilāya namaḥ .
ॐ paramādvaitatatvajñabhaṭṭapādānucintitāya namaḥ .
ॐ bhaṭṭānugrahaṇodyuktāya namaḥ .
ॐ viṣṇudhāmapraveśakāya namaḥ .
ॐ ākāśamārgasamprāptamaṇḍanīyaniveśanāya namaḥ .
ॐ māhiṣmatyākhyanagarīrāmaṇīyakadarśanāya namaḥ .
ॐ revāvārikaṇonmiśravātadhūtākhilāśramāya namaḥ ..४८०..
ॐ revānadīkṛtasnānāya namaḥ .
ॐ nityāhnīkaparāyaṇāya namaḥ .
ॐ dṛgadhvanīnataddāsīdarśanāya namaḥ .
ॐ mahimānvitāya namaḥ .
ॐ maṇḍanīyamahāsadmamārgapraṣṭre namaḥ .
ॐ mahāyaśase namaḥ .
ॐ vismayākulataddāsīdattottarāya namaḥ .
ॐ udāravāce namaḥ .
ॐ svataḥprāmāṇyādivādiśukasūcitatadgṛhāya namaḥ .
ॐ karmeśvarādisamvādiśukasūcitatadgṛhāya namaḥ ..४९०..
ॐ jagaddhṛvatvādivādiśukasūcitasadmakāya namaḥ .
ॐ dvārasthanīḍasaṃruddhaśukoktiślāghanāparāya namaḥ .
ॐ yathoktacihnavijñātamaṇḍanīyaniveśanāya namaḥ .
ॐ kavāṭaguptidurveśagṛhāntargaticintakāya namaḥ .
ॐ yogamāhātmyaracitavyomamārgātilaṃghanāya namaḥ .
ॐ aṅgaṇāntaḥsamutpātine namaḥ .
ॐ parito dṛṣṭasadmakāya namaḥ .
ॐ abhraṃlihamahāsadmarāmaṇīyakadarśanāya namaḥ .
ॐ padmajanmāmśasambhūtamaṇḍanāryāvalokanāya namaḥ .
ॐ nimantritavyāsajaiminyañghrikṣālanadarśakāya namaḥ ..५००..
ॐ vyāsajaiminisāṅgatyadarśanātyantavismitāya namaḥ .
ॐ tatkālakṛtasānnidhyavyāsajaiminimānitāya namaḥ .
ॐ akasmādyatisamprāptikṛddhamaṇḍanavīkṣitāya namaḥ .
ॐ pravṛttimārganiratamaṇḍanāryavimānitāya namaḥ .

ॐ sopālambhatadīyoktisamādhānavicakṣaṇāya namaḥ .
ॐ maṇḍanīyākhilapraśnottaradānavidagdhadhiye namaḥ .
ॐ vakroktijālacāturyaniruttaritamaṇḍanāya namaḥ .
ॐ yatinindādoṣabodhivyāsavākyaniśāmakāya namaḥ .
ॐ sākṣādviṣṇusvarūpatvabodhakavyāsadarśakāya namaḥ .
ॐ vyāsājñāvākyavaśagamaṇḍanāryanimantritāya namaḥ ..५१०..
ॐ maṇḍanāryakṛtānekasaparyāvidhibhājanāya namaḥ .
ॐ bhaikṣārtharacitāhvānāya namaḥ .
ॐ vādabhikṣaikayācakāya namaḥ .
ॐ vivādabhikṣāmātrārthisvāgamapratibodhakāya namaḥ .
ॐ anyonyaśiṣyatāprāptipaṇabandhapradarśakāya namaḥ .
ॐ anādṛtāhārabhikṣāya namaḥ .
ॐ vādabhikṣāparāyaṇāya namaḥ .
ॐ śrutyantamārgavistāramātrākaṅkṣitvabodhakāya namaḥ .
ॐ vismayānandabharitamaṇḍanāryapraśamsitāya namaḥ .
ॐ cirākāṅkṣitasadvādakathātoṣitamaṇḍanāya namaḥ ..५२०..
ॐ vādabhikṣākṛtodyogamaṇḍanāryapraśamsakāya namaḥ .
ॐ vivādasākṣiśūnyatvabodhimaṇḍanacoditāya namaḥ .
ॐ munidvayīsākṣitārthimaṇḍanāryapraśamsakāya namaḥ .
ॐ bhāratīkṛtamādhyasthyavādalolupamānasāya namaḥ .
ॐ pratijñāpaṇabandhādijijñāsutvapradarśakāya namaḥ .
ॐ maṇḍanāryakṛtāsaṃkhyavījanādyupacārakāya namaḥ .
ॐ vyāsajaiminisānnidhyasambhāṣaṇaparāyaṇāya namaḥ .
ॐ munidvayāntardhidarśine namaḥ .
ॐ dvijendrālayanirgatāya namaḥ ..५३०..
ॐ revānadīsamīpasthadevālayanivāsakṛte namaḥ .
ॐ nijaśiṣyajanaikāntasambhāṣaṇaparāyaṇāya namaḥ .
ॐ śrāvitāśeṣaviṣayaśiṣyāvalisamāśritāya namaḥ .
ॐ vyāsajaiminisānnidhyadurāpatvānucintakāya namaḥ .
ॐ triyāmānirgamākāṅkṣiṇe namaḥ .
ॐ prātaḥsnānaparāyaṇāya namaḥ .
ॐ kṛtāhnikakriyāya namaḥ .
ॐ śiṣyamaṇḍalīparimaṇḍitāya namaḥ .
ॐ maṇḍanāryamahāsadmamaṇḍanāyitamūrtikāya namaḥ .
ॐ vivādārthakṛtaikāntaniścayāya namaḥ ..५४०..
ॐ maṇḍanādṛtāya namaḥ .
ॐ sadasyabhāvavilasadvāṇīsānnidhyadarśakāya namaḥ .
ॐ vivādakṛtisannaddhamaṇḍanāryapraśamsakāya namaḥ .
ॐ sadasyavādisamyogasamāhlāditamānasāya namaḥ .
ॐ pratijñākaraṇotsāhine namaḥ .
ॐ vedāntāśayasūcakāya namaḥ .
ॐ viśvākārasamābhātabrahmyaikatvapradarśakāya namaḥ .
ॐ śuktirūpyādidṛṣṭāntapratyāyitamṛṣātmakāya namaḥ .
ॐ brahmajñānaikasamprāpyasvātmasaṃsthitibodhakāya namaḥ ..५५०..
ॐ punarjanmāparāmṛṣṭakaivalyapratipādakāya namaḥ .
ॐ trayīmastakasandohaprāmāṇyodghāṭanāparāya namaḥ .
ॐ parājitasvasaṃprāpyaśuklavastratvabodhakāya namaḥ .
ॐ jayāpajayapakṣīyavāṇīsākṣitvabodhakāya namaḥ .
ॐ viśvarūpīyasakalapratijñāśravaṇotsukāya namaḥ .
ॐ vedāntāmānatābodhitadvākyaśravaṇāturāya namaḥ .
ॐ karmakāṇḍīyavacanaprāmāṇyākarṇanākulāya namaḥ .
ॐ kriyāyogivacomātraprāmāṇyākarṇanakṣamāya namaḥ .
ॐ karmasaṃprāpyakaivalyabodhimaṇḍanadarśakāya namaḥ ..५६०..
ॐ yāvadāyuḥkarmajālakartavyatvoktisaṃśraviṇe namaḥ .
ॐ parājitasvakāṣāyagrahavākyānumodakāya namaḥ .
ॐ bhāratīsākṣikāsaṃkhyavādodyuktāya namaḥ .
ॐ yatīśvarāya namaḥ .
ॐ dainandināhnikopāntasamārabdhavivādakāya namaḥ .
ॐ bhāratīnihitasvīyagalālambisumālikāya namaḥ .
ॐ maṇḍanīyagalālambimālālālityadarśakāya namaḥ .
ॐ mālāmālinyanirṇeyaparājayaniśāmakāya namaḥ .
ॐ gṛhakarmasamāsaktavāṇīdattasubhaikṣyakāya namaḥ .
ॐ bhikṣottarakṣaṇārabdhavivādāparikhinnadhiye namaḥ ..५७०..
ॐ ūrdhvopaviṣṭabrahmādipītasvīyavaco'mṛtāya namaḥ .
ॐ krodhavākphalajātyādidoṣaśūnyamahāvacase namaḥ .
ॐ advaitakhaṇḍanodyuktamaṇḍanīyoktikhaṇḍanāya namaḥ .
ॐ jīveśvarajagadbhedavādabhedanalālasāya namaḥ .
ॐ uddhālakaśvetaketusamvādādinidarśakāya namaḥ .
ॐ tattvamasyādivākyaughasvārasyapratipādakāya namaḥ .
ॐ vidhiśeṣatvavacananirmūlatvapradarśakāya namaḥ .
ॐ bhinnaprakaraṇopāttatattātparyapradarśakāya namaḥ .
ॐ upāsanārthatāvādanirmūlanaparāyaṇāya namaḥ .
ॐ kevalādvaitaviśrāntavākyatātparyadarśakāya namaḥ .
ॐ saccidānandarūpātmapratipādanatatparāya namaḥ ..५८०..
ॐ japamātropayogitvaniryuktitvānudarśakāya namaḥ .
ॐ abhedabodhivākyaughaprābalyaparidarśakāya namaḥ .
ॐ bhedabuddhipramāṇatvasarvāṃśonmūlanakṣamāya namaḥ .
ॐ bhedasaṃdarśivākyaughaprāmāṇyābhāvasādhakāya namaḥ .
ॐ bhedapratyakṣyadaurbalyapratipādanatatparāya namaḥ .
ॐ bhedanindāsahasroktitātparyapratipādakāya namaḥ .
ॐ lokaprasiddhabhedānuvādakatvapradarśakāya namaḥ .
ॐ aprasiddhādvaitabodhivākyaprāmāṇyasādhakāya namaḥ .
ॐ nānādṛṣṭāntasaṃdarśine namaḥ .
ॐ śrutivākyanidarśakāya namaḥ ..५९०..
ॐ yuktisāhasraghaṭitasvānubhūtipradarśakāya namaḥ .
ॐ śrutiyuktisusauhārdadarśakāya namaḥ .
ॐ vītamatsarāya namaḥ .
ॐ hetudoṣāṃśasaṃdarśimaṇḍanākṣepakhaṇḍanāya namaḥ .
ॐ bhedaupādhikatābodhine namaḥ .
ॐ satyādvaitānudarśakāya namaḥ .
ॐ asamsāriparabrahmasādhanaikāntamānasāya namaḥ .
ॐ kṣetrajñaparamātmaikyavādigītādinidarśakāya namaḥ .
ॐ adyāropāpavādāptaniṣprapañcatvadarśakāya namaḥ .
ॐ yuktisāhasraracitadurvādimatakhaṇḍanāya namaḥ ..६००..
ॐ maṇḍanīyagalālambimālāmālinyadarśakāya namaḥ .
ॐ puṣpavṛṣṭisaṃchannāya namaḥ .
ॐ bhāratīpratinanditāya namaḥ .
ॐ bhikṣākālopasaṃprāptabhāratīparidarśakāya namaḥ .
ॐ ubhayāhvānakṛdvāṇīvaidagdhyaślāghanāparāya namaḥ .
ॐ bhāratībodhitasvīyadurvāsaḥśāpasaṃśraviṇe namaḥ .
ॐ jayāvadhikatacchāpavṛttāntākarṇanāya namaḥ .
ॐ vaśine namaḥ .
ॐ svadhāmagamanodyuktabhāratīpratirodhakāya namaḥ .
ॐ vanadurgāmahāmantrakṛtavāṇīsubādhanāya namaḥ ..६१०..
ॐ sarasvatyavatāratvabodhakāya namaḥ .
ॐ vedavidvarāya namaḥ .
ॐ bhaktimatparatantratvabodhakāya namaḥ .
ॐ vinayojvalāya namaḥ .
ॐ svānujñāvadhibhūlokanivāsaprārthanāparāya namaḥ .
ॐ maṇḍanīyāśayajñānapravṛttāya namaḥ .
ॐ vigataspṛhāya namaḥ .
ॐ karmajāḍyaparābhūtatatsandehāpanodakāya namaḥ .
ॐ nijāpajayasaṃjātaduḥkhābhāvoktisaṃśraviṇe namaḥ .
ॐ jaiminyuktinirāśānuśocanmaṇḍanabodhakāya namaḥ ..६२०..
ॐ kāmanāvadanugrāhijaiminyāśayabodhakāya namaḥ .
ॐ karmapraṇāḍīmātratvabodhine namaḥ .
ॐ jaiminisammatāya namaḥ .
ॐ sākṣānmokṣaikaphalakajñānavācine namaḥ .
ॐ mahāvacase namaḥ .
ॐ karmaughaphaladātṛtvānupapattiprapañcakāya namaḥ .
ॐ īśaikaphaladātṛtvasādhakāya namaḥ .
ॐ yuktibodhakāya namaḥ .
ॐ jaiminīyavacojālatātparyodghāṭanakṣamāya namaḥ .
ॐ anumeyeśvarābhāvamātratātparyasūcakāya namaḥ .
ॐ vedaikagamyeśavādijaiminyāśayasūcakāya namaḥ .
ॐ ḍolāyamānahṛdayamaṇḍanāryāvalokanāya namaḥ .
ॐ tatsandehāpanodārthāgatajaiminiśamsakāya namaḥ .
ॐ svoktasarvāṃśasādhutvabodhijaiminiśamsakāya namaḥ .
ॐ jaiminyuditasarvajñabhāvāya namaḥ .
ॐ jaiminipūjitāya namaḥ .
ॐ nijāvatārasaṃsūcijaiminipratinanditāya namaḥ .
ॐ jaiminivyāsavacanatātparyāṃśapradarśakāya namaḥ .
ॐ jaiminyantardhisaṃdarśine namaḥ .
ॐ sarvato jayabhājanāya namaḥ ..६४०..
ॐ sāṣṭāṅgapātapraṇatamaṇḍanāryaprasādakṛte namaḥ .
ॐ svīyāvatāratābhijñamaṇḍanāryābhinanditāya namaḥ .
ॐ svānabhijñatvānuśocimaṇḍanāryaprasaṃsakāya namaḥ .
ॐ svakarmajāḍyānuśocanmaṇḍanoktyabhinandakāya namaḥ .
ॐ samsāratāpasambodhimaṇḍanoktyabhinandakāya namaḥ .
ॐ paramānandalaharīviharanmaṇḍanādṛtāya namaḥ .
ॐ svājñānatimirāpāyabodhimaṇḍanaśamsakāya namaḥ .
ॐ avidyārākṣasīgrastaparamātmoddhṛtikṣamāya namaḥ .
ॐ svāparādhakṣamāpekṣimaṇḍanāryābhiyācitāya namaḥ .
ॐ maṇḍanāryakṛtasvīyāvatāratvasamarthanāya namaḥ ..६५०..
ॐ pūrvārjitasvasukṛtaślāghimaṇḍanapūjitāya namaḥ .
ॐ svasamvādātisantuṣṭamaṇḍanādhikananditāya namaḥ .
ॐ svasamvādātidaurlabhyabodhimaṇḍanaśamsakāya namaḥ .
ॐ nānāstutivacoguṃphasantuṣṭasvāntasamyutāya namaḥ .
ॐ maṇḍanāryakṛtāsaṃkhyanamovākapraśaṃsanāya namaḥ .

ॐ maṇḍanāracitastokastutisāhasrabhājanāya namaḥ .
ॐ svapādaśaraṇāpannamaṇḍanānugrahotsukāya namaḥ .
ॐ nijakiṅkaratābodhimaṇḍanoktipraśamsakāya namaḥ .
ॐ maṇḍanīyamahābhaktitaralīkṛtamānasāya namaḥ .
ॐ tadīyajanmasāphalyāpādanodyatamānasāya namaḥ ..६६०..
ॐ sutadāragṛhatyāgāsaktamaṇḍanaśamsakāya namaḥ .
ॐ maṇḍanīyakalatrānumatisampādanotsukāya namaḥ .
ॐ munyuktasarvavṛttajñavāṇīsamanumoditāya namaḥ .
ॐ maṇḍanaprāptaśiṣyatvābodhivāṇīpraśamsakāya namaḥ .
ॐ munyuktasarvavṛttāntayāthārthyaparicintakāya namaḥ .
ॐ samagravijayābhāvabodhivāṇyukticintakāya namaḥ .
ॐ nijārdhabhāgatāvācivāṇiprāgalbhyacintakāya namaḥ .
ॐ mahilājanasamvādadoṣodghāṭanatatparāya namaḥ .
ॐ yājñavalkyastrīvivādadarśivāṇyuktipūjakāya namaḥ .
ॐ sulabhājanakādyuktipratyuktiparicintakāya namaḥ ..६७०..
ॐ vidvatsabhāmadhyavartine namaḥ .
ॐ vāṇīsamvādakāya namaḥ .
ॐ vāgjharīmādhurīyogadūrīkṛtasudhārasāya namaḥ .
ॐ bhāratīcintitāśeṣaśāstrājayyatvavaibhavāya namaḥ .
ॐ atibālyakṛtasanyāsāya namaḥ .
ॐ viṣayaughaparāṅgmukhāya namaḥ .
ॐ kāmaśāstrakṛtapraśnāya namaḥ .
ॐ cintanāparamānasāya namaḥ .
ॐ janāpavādacakitāya namaḥ .
ॐ yatidharmapravartakāya namaḥ ..६८०..
ॐ kāmaśāstrānabhijñatvabahiḥprakaṭanodyatāya namaḥ .
ॐ māsamātrāvadhiprārthine namaḥ .
ॐ vāṇyanujñātāya namaḥ .
ॐ ātmavate namaḥ .
ॐ gamanārthakṛtodyogāya namaḥ .
ॐ śiṣyāvalipariṣkṛtāya namaḥ .
ॐ yogaśaktikṛtākāśasañcārāya namaḥ .
ॐ yogatatvavide namaḥ .
ॐ gatacetanabhūpālagātradarśine namaḥ .
ॐ prahṛṣṭadhiye namaḥ .
ॐ pramadājanasamvītarājakāyapradarśakāya namaḥ .
ॐ taccharīranupraveśasamutsukitamānasāya namaḥ .
ॐ sanandanādisacchiṣyasamāpṛcchāparāyaṇāya namaḥ .
ॐ bhaktimattarapadmāṅghriniṣiddhagamanāya namaḥ .
ॐ vratine namaḥ .
ॐ sanandanoktaviṣayākarṣakatvasvabhāvakāya namaḥ .
ॐ ūrdhvaretovratāpohaśaṅkipadmāṅghribodhakāya namaḥ .
ॐ sanyāsadharmaśaithilyāśaṅkipadmāṅghrivāritāya namaḥ .
ॐ dehābhimānavanmātrapāpasambhavabodhakāya namaḥ .
ॐ nirahaṅkārakarmaughalepābhāvāvabodhakāya namaḥ ..७००..
ॐ guhāhitātmīyadeharakṣaṇīyatvabodhakāya namaḥ .
ॐ samprāptāmarakābhikhyarājadehāya namaḥ .
ॐ viśeṣavide namaḥ .
ॐ nijapraveśacalitarājakīyaśarīrabhṛte namaḥ .
ॐ akasmājjīvasamprāptivismāpitatadaṅganāya namaḥ .
ॐ prabhūtaharṣavanitāvyūhasandarśanotsukāya namaḥ .
ॐ vismayānandabharitamantrimukhyābhinanditāya namaḥ .
ॐ śaṅkhadundubhinirghoṣasamākarṇanatatparāya namaḥ ..७१०..
ॐ samastajanatānandajanakāya namaḥ .
ॐ maṅgalapradāya namaḥ .
ॐ purohitakṛtasvīyaśāntikarmaṇe namaḥ .
ॐ śamāvanaye namaḥ .
ॐ kṛtamāṅgalikāya namaḥ .
ॐ bhadragajārūḍhāya namaḥ .
ॐ nirīhitāya namaḥ .
ॐ sacivādikṛtasvīyasatkārāya namaḥ .
ॐ sādhusammatāya namaḥ .
ॐ pṛthivīpālanodyuktāya namaḥ .
ॐ dharmādharmaviśeṣavide namaḥ ..७२०..
ॐ nītimārgasuniṣṇātre namaḥ .
ॐ rājakāryānupālakāya namaḥ .
ॐ nijaudāryādijanitamantrisamśayabhājanāya namaḥ .
ॐ svakīyaguṇasandohasamāhlāditasajjanāya namaḥ .
ॐ parakāyapraveṣṭyatvajñātṛmantriprapūjitāya namaḥ .
ॐ mantrivinyastanikhilarājyabhārāya namaḥ .
ॐ dharādhipāya namaḥ .
ॐ antaḥpurakṛtāvāsāya namaḥ .
ॐ lalanājanasevitāya namaḥ .
ॐ bhūpāladehasamprāptanānākrīḍāamahotsavāya namaḥ .
ॐ viṣayānandavimukhāya namaḥ .
ॐ viṣayaughavinindakāya namaḥ .
ॐ viṣayārātiśamanāya namaḥ .
ॐ viṣayātividūradhiye namaḥ .
ॐ viṣayākhyamahāraṇyanikṛntanakuṭhārakāya namaḥ .
ॐ viṣayākhyaviṣajvālāsamsparśarahitāya namaḥ .
ॐ yamine namaḥ .
ॐ viṣayāmbudhisamśoṣabaḍabāgniśikhāyitāya namaḥ .
ॐ kāmakrodhādiṣaḍvairidūrībhūtāntaraṅgakāya namaḥ .
ॐ viṣayāsāratādarśine namaḥ ..७४०..
ॐ viṣayānākulāṃtarāya namaḥ .
ॐ viṣayākhyagajavrātadamanodyuktakesariṇe namaḥ .
ॐ viṣayavyāghradarpaghnāya namaḥ .
ॐ viṣayavyālavaidyakāya namaḥ .
ॐ viṣayaughadurantatvacintakāya namaḥ .
ॐ vītacāpalāya namaḥ .
ॐ vātsānayakalāsārasarvasvagrahaṇotsukāya namaḥ .
ॐ bhūpadehakṛtāsaṃkhyabhogāya namaḥ .
ॐ nṛpativeṣabhṛte namaḥ .
ॐ samayātyayasambodhiśiṣyavargānucintitāya namaḥ ..७५०..
ॐ duḥkhārṇavanimagnasvaśiṣyavargānucintakāya namaḥ .
ॐ itikartavyatāmūḍhaśiṣyavargagaveṣitāya namaḥ .
ॐ mṛtotthiyanṛpaśrotṛśiṣyābhijṅātadhāmakāya namaḥ .
ॐ nānāruciraveṣāḍhyanijaśiṣyāvalokanāya namaḥ .
ॐ gānavidyātinaipuṇyaśiṣyanāgāvakarṇanāya namaḥ .
ॐ anyopadeśaracitahṛdyapadyasusamśraviṇe namaḥ .
ॐ nānārthagarbhaśiṣyoktapayārthaparicintakāya namaḥ .
ॐ vedāntārthapariprotavākyaśravaṇakautikine namaḥ .
ॐ tatvamasyādiśiṣyoktavākyārthaparicintakāya namaḥ .
ॐ sarvavedāntasaṃgūḍhaparamātmānucintakāya namaḥ .
ॐ nijaśiṣyāśayābhijṅāya namaḥ .
ॐ nijakāyapraveśakṛte namaḥ .
ॐ daṃdahyamānātmadehadarśine namaḥ .
ॐ tvaritamānasāya namaḥ .
ॐ tadānīntanasantāpaśamanopāyacintakāya namaḥ .
ॐ lakṣmīnṛsimhastavananiścitātmane namaḥ .
ॐ supadyakṛte namaḥ .
ॐ nānāstutivacogumphaprīṇitaśrīnṛsimhakāya namaḥ .
ॐ nṛsimhakaruṇāśāntasantāpavapurāśritāya namaḥ .
ॐ sanandanādisacchiṣyasamvṛtobhayapārśvakāya namaḥ ..७७०..
ॐ nijavṛttāntakathanatatparāya namaḥ .
ॐ śiṣyabhāvavide namaḥ .
ॐ ākāśamārgagamanāya namaḥ .
ॐ maṇḍanāryaniveśadṛśe namaḥ .
ॐ viṣayāsvādavimukhamaṇḍanāryābhinandakāya namaḥ .
ॐ maṇḍanāryakṛtāsaṃkhyapraṇāmāñjalidānakāya namaḥ .
ॐ sannyāsaniścitasvāntamaṇḍanāryapraśaṃsakāya namaḥ .
ॐ viṣṭarasthitiviśrāntāya namaḥ .
ॐ śāradākṛtadarśanāya namaḥ .
ॐ śāradāślāghitasvīyasārvajñyāya namaḥ ..७८०..
ॐ vādalolupāya namaḥ .
ॐ nijadhāmagamodyuktavāṇyantardhānadarśakāya namaḥ .
ॐ yogamāhātmyasaṃdṛṣṭavāṇībhāṣaṇatatparāya namaḥ .
ॐ vidhipatnītvasaṃdarśine namaḥ .
ॐ tanmāhātmyānudarśakāya namaḥ .
ॐ svakalpitarṣyaśṛṅgādikṣetravāsābhikāṅkṣakāya namaḥ .
ॐ śṛṅgagiryādisukṣetrasānidhyaprārthanāparāya namaḥ .
ॐ bhāratīsamanujñātakṣetrasānidhyatoṣitāya namaḥ .
ॐ akasmātantardhidarśine namaḥ ..७९०..
ॐ vismayākulamānasāya namaḥ .
ॐ vidhivaddattasarvasvamaṇḍanāryānumodakāya namaḥ .
ॐ sannyāsagṛhyavidhyuktasarvakarmopadeśakāya namaḥ .
ॐ śrīmanmaṇḍanakarṇoktamahāvākyacatuṣṭayāya namaḥ .
ॐ mahāvākyagatāśeṣatatvārthaśrāvakāya namaḥ .
ॐ gurave namaḥ .
ॐ tatvam padagavācyārthalakṣyārthapratipādakāya namaḥ .
ॐ lakṣobhayārthaikyabodhine namaḥ .
ॐ nānādṛṣṭāntadarśakāya namaḥ .
ॐ dehādyahamtāmamatāsamūlonmūlanakramāya namaḥ .
ॐ bṛhadāraṇyakaproktamahāmatsyanidarśakāya namaḥ .
ॐ jāgradādyātmasambandharāhityapratipādakāya namaḥ .
ॐ vivartavādasiddhāntasamarthanaparāyaṇāya namaḥ .
ॐ tātparyaliṅganirṇītaparamādvaitatatvakāya namaḥ .
ॐ gurumāhātmyasaṃdarśine namaḥ .
ॐ tatvavide namaḥ .
ॐ tatvabodhakāya namaḥ .
ॐ nijāṅghriyugmapatitasureśvarakaṭākṣakṛte namaḥ .
ॐ karuṇāliṅgitāpāṅgakṣapitāntastamomalāya namaḥ .
ॐ sureśvarākhyāsaṃdātre namaḥ ..८१०..
ॐ sureśvarasupūjitāya namaḥ .
ॐ narmadātīrasaṃvāsine namaḥ .
ॐ śrīśailagamanotsukāya namaḥ .
ॐ mallikārjunasaṃdarśine namaḥ .
ॐ bhramarāmbāpraṇāmakṛte namaḥ .
ॐ māheśvarādivijayiśiṣyavargasamāśritāya namaḥ .
ॐ aśeṣadikprasṛmarayaśojyotsnāniśākarāya namaḥ .
ॐ nijamāhātmyasaṃśrotṛkāpālikakṛtānataye namaḥ .
ॐ kāpālikakṛtānekastutijālāya namaḥ .
ॐ nirādarāya namaḥ ..८२०..
ॐ kapāliprīṇanārthasvagamanoktisusaṃśraviṇe namaḥ .
ॐ sarvajñamastakāpekṣitaduktiparicintakāya namaḥ .
ॐ nijasarvajñatāvācikāpāloktivicintakāya namaḥ .
ॐ svaśiraḥprārthanodyuktakāpālikakṛtānataye namaḥ .
ॐ bahvapāyasvīyakāyadoṣadarśanatatparāya namaḥ .

ॐ paropakāranairatyavratapālanatatparāya namaḥ .
ॐ nijakāyāpagamananirvyākulanijāntarāya namaḥ .
ॐ samādhikālīnaśiraśchedānujñāpradāyakāya namaḥ .
ॐ ekāntasaṃsthitāya namaḥ .
ॐ yogine namaḥ ..८३०..
ॐ samādhyālīnamānasāya namaḥ .
ॐ paramātmānusandhānanirgatāśeṣacintanāya namaḥ .
ॐ niṣkampadehāya namaḥ .
ॐ nirmohāya namaḥ .
ॐ nirantarasukhātmakāya namaḥ .
ॐ svavadhodyuktakāpālikāgamanāvabodhakāya namaḥ .
ॐ jatrupradeśanihitacibukāya namaḥ .
ॐ dṛṣṭanāsikāya namaḥ .
ॐ siddhāsanasamāsīnāya namaḥ .
ॐ nirgatadvaitabhāvanāya namaḥ ..८४०..
ॐ cinmātraparamānandalaharīmagnamānasāya namaḥ .
ॐ kṛpāṇakarakāpālivadhodyogānavekṣakāya namaḥ .
ॐ jñātavṛttāntapadmāṅghrimāritasvīyaśatrukāya namaḥ .
ॐ nṛsimhaveṣapadmāṅghrikṛtārbhaṭavicālitāya namaḥ .
ॐ samādhivyutthitamataye namaḥ .
ॐ unmīlitavilocanāya namaḥ .
ॐ tadaṭṭahāsanirghoṣabadhirībhūtakarṇakāya namaḥ .
ॐ daṃṣṭrākarālavadanaśrīmannṛharidarśakāya namaḥ .
ॐ āksmikanṛsimhāvalokanastimitāntarāya namaḥ .
ॐ nirbhītāya namaḥ .
ॐ galadānandabhāṣpāya namaḥ .
ॐ stutiparāyaṇāya namaḥ .
ॐ nṛsimhakrodhaśāntyarthaprārthanātatparāya namaḥ .
ॐ yataye namaḥ .
ॐ nṛsimhāveśasambhrāntapadmapādapradarśakāya namaḥ .
ॐ svapnāyitasvavṛttāntajñātṛpadmāṅghripraṇatāya namaḥ .
ॐ vismayākulāya namaḥ .
ॐ gokarṇābhyarṇasañcāriṇe namaḥ .
ॐ gokarṇeśvarapādābjapraṇantre namaḥ .
ॐ prītamānasāya namaḥ .
ॐ gokarṇanāthasamstotre namaḥ .
ॐ trirātrasthititatparāya namaḥ .
ॐ mūkāmbikāmahādevīsandarśanakṛtārthadhiye namaḥ .
ॐ dvijadampatisandarśine namaḥ .
ॐ tadrodanavikhinnadhiye namaḥ .
ॐ tadaṅkagāmimṛtakaśiśusandarśanāturāya namaḥ .
ॐ anaṅgavāṇīsamśrotre namaḥ .
ॐ putrojjīvanalālasāya namaḥ ..८७०..
ॐ dvijasamvarṇitasvīyamahimāya namaḥ .
ॐ sarvapālakāya namaḥ .
ॐ tatkālotthitatatputrajīvanaprītamānasāya namaḥ .
ॐ nijamāhātmyasandraṣṭṛjanavismayakārakāya namaḥ .
ॐ mūkāmbādarśanākāṅkṣiṇe namaḥ .
ॐ tatkṣetravāsatatparāya namaḥ .
ॐ uccāvacagabhīrārthastotranirmāṇakautukine namaḥ .
ॐ svakarmaniṣṭhaviprāḍhyaśrībaligrāmasevakāya namaḥ .
ॐ prabhākarākhyasadviprabālamaugdhyāpanodakāya namaḥ .
ॐ svapādaśaraṇāyātatadviprānugrahotsukāya namaḥ ..८८०..
ॐ praṇāmakartṛtatputrasamutthāpanatatparāya namaḥ .
ॐ dvijavarṇitatatputramugdhaceṣṭāvacaḥśraviṇe namaḥ .
ॐ antaḥpracchannavahnyābhadvijadārakadarśanāya namaḥ .
ॐ tanmāhātmyaviśeṣajñāya namaḥ .
ॐ maunamudrāvibhedakāya namaḥ .
ॐ dvijadārakasaṃpraśnakaraṇodyatamānasāya namaḥ .
ॐ tadīyajaḍatāhetupṛcchakāya namaḥ .
ॐ karuṇākarāya namaḥ .
ॐ bālaveṣapraticchannataduktiśravaṇotsukāya namaḥ .
ॐ dehādijaḍatābodhibālavākyātivismitāya namaḥ ..८९०..
ॐ svacetanatvasambodhitadvacaḥślāghanāparāya namaḥ .
ॐ padyadvādaśikākartṛtatprajñāślāghanotsukāya namaḥ .
ॐ tattvajñatāprakaṭataduktipratinandakāya namaḥ .
ॐ adhyāpanādirahitabālaprajñātivismitāya namaḥ .
ॐ tadanugrahaṇodyuktāya namaḥ .
ॐ tanmūrdhanystahastakāya namaḥ .
ॐ gṛhavāsādyayogyatvadarśakāya namaḥ .
ॐ ślāghanāparāya namaḥ .
ॐ dvijātipreṣaṇodyuktāya namaḥ .
ॐ śiṣyasaṃgrahaṇodyuktāya namaḥ ..९००..
ॐ hastāmalakasaṃjñāsandrātre namaḥ .
ॐ nyāsadāyakāya namaḥ .
ॐ svaśiṣyabhāvānugatahastāmalakasamśritāya namaḥ .
ॐ śriṅgagiryākhyasukṣetragamanodyatamānasāya namaḥ .
ॐ tuṅgabhadrākṛtasnānāya namaḥ .
ॐ bhāṣyapravacanotsukāya namaḥ .
ॐ śāradālayanirmātre namaḥ .
ॐ śāradāsthāpanāparāya namaḥ .
ॐ śāradāpūjanodyuktāya namaḥ .
ॐ śāradendusamānanāya namaḥ ..९१०..
ॐ giryākhyanijasacchiṣyaśuśrūṣāprītamānasāya namaḥ .
ॐ pāṭhārthasamupāviṣṭaśiṣyamaṇḍalamaṇḍitāya namaḥ .
ॐ svaśāṭīkṣāḻanodyuktagiryāgamananirīkṣakāya namaḥ .
ॐ nijaśiṣyāntarāsūyānirākaraṇatatparāya namaḥ .
ॐ giryākhyanijasacchiṣyānugrahaikaparāyaṇāya namaḥ .
ॐ svānugrahāptasarvajñabhāvagiryabhinanditāya namaḥ .
ॐ viditākhilasadvidyāgiryabhivanditāya namaḥ .
ॐ toṭakābhidasadvṛttojvalapadyāvakarṇakāya namaḥ .
ॐ śiṣyāntarābhivijñātakaruṇāleśavaibhavāya namaḥ .
ॐ gurvanugrahamāhātmyasandarśine namaḥ ..९२०..
ॐ lokasaṅgrahiṇe namaḥ .
ॐ toṭakākhyāpradātre namaḥ .
ॐ śrītoṭakāryātisatkṛtāya namaḥ .
ॐ tatvārthagarbhatadvākyaśailīvaibhavacintakāya namaḥ .
ॐ sureśvarāryapadmāṅghrihastāmalakasamśritāya namaḥ .
ॐ toṭakānugatāya namaḥ .
ॐ śiṣyacatuṣṭayasamāśritāya namaḥ .
ॐ sureśvarāpekṣitasvabhāṣyavārtikanirmitaye namaḥ .
ॐ vārtikāracanānujñādātre namaḥ .
ॐ deśikapuṅgavāya namaḥ ..९३०..
ॐ siddhāntāpagamāśaṅkipadmāṅghryādiprabodhitāya namaḥ .
ॐ vārtikagraṃthanirmāṇajātavighnānudarśakāya namaḥ .
ॐ śiṣyanirbandhānugāmine namaḥ .
ॐ śiṣyaughakaruṇākarāya namaḥ .
ॐ padmāṅghriracitasvīyabhāṣyaṭīkānirīkṣakāya namaḥ .
ॐ ramyanaiṣkarmyasiddhyādisureśagraṃthadarśakāya namaḥ .
ॐ ādyantagraṃthasandarbhadarśanaprītamānasāya namaḥ .
ॐ graṃthanirmāṇavaidagdhyadarśanādhikavismitāya namaḥ .
ॐ taittarīyasvīyabhāṣyavṛttinirmāpaṇotsukāya namaḥ .
ॐ bṛhadāraṇyasadbhāṣyavārtikaśravaṇādṛtāya namaḥ ..९४०..
ॐ anekaśiṣyaracitādvaitagraṃthāvalokanāya namaḥ .
ॐ tīrthayātrākṛtotsāhapadmapādokticintakāya namaḥ .
ॐ tīrthayātrābhavānekadoṣasaṅghapradarśakāya namaḥ .
ॐ nānāvikṣepasāhasrasambhavapratipādakāya namaḥ .
ॐ tīrthayātraikanirbandhapadmapādānumodakāya namaḥ .
ॐ svopadeśavaco'śrotṛpadmapādānuśocakāya namaḥ .
ॐ mārgadoṣādisandarśine namaḥ .
ॐ jāgarūkatvabodhakāya namaḥ .
ॐ āsannamaraṇasvīyajananīsmaraṇāturāya namaḥ .
ॐ smṛtimātrasamāpannamātṛpārśvāya namaḥ ..९५०..
ॐ atibhaktimate namaḥ .
ॐ mātṛsandarśanaprītāya namaḥ .
ॐ prīṇitasvīyamātṛkāya namaḥ .
ॐ svasamskāraikasamprārthimātṛvāñchānupālakāya namaḥ .
ॐ tārakākhyaparabrahmopadeṣṭre namaḥ .
ॐ parameśvarāya namaḥ .
ॐ brahmānabhijñajananīsantāraṇaparāyaṇāya namaḥ .
ॐ nijastotrasamāyātaparameśapradarśakāya namaḥ .
ॐ jananībhayasandraṣṭre namaḥ .
ॐ mādhavastutitatparāya namaḥ ..९६०..
ॐ stutimāhātmyasamprāptaviṣṇumūrtipradarśakāya namaḥ .
ॐ taddarśanasamutpannajananīprītibhājanāya namaḥ .
ॐ viṣṇudūtavimānasthamātṛdarśanavirvṛtāya namaḥ .
ॐ tatsamskārakṛtodyogāya namaḥ .
ॐ bandhuvargasamāhvāyine namaḥ .
ॐ samskārārthāgnisamprārthine namaḥ .
ॐ bandhuvarganirākṛtāya namaḥ .
ॐ dakṣadormathanaprāptavahnisamskṛtamātṛkāya namaḥ .
ॐ āgnyadātṛsvīyajanavedabāhyatvaśāpakṛte namaḥ .
ॐ yatibhikṣābhāvavācine namaḥ .
ॐ smaśānīkṛtatadgṛhāya namaḥ .
ॐ padmapādāgamakāṅkṣiṇe namaḥ .
ॐ taddeśakṛtavāsakāya namaḥ .
ॐ mahāsurālayeśānasandarśanaparāyaṇāya namaḥ .
ॐ śiṣyavargāgamābhijñāya namaḥ .
ॐ kuśalapraśnacodakāya namaḥ .
ॐ padmāṅghribodhitasvīyasarvavṛttāntasamśraviṇe namaḥ .
ॐ pūrvamātulasandagdhataṭṭīkoṭyanuśocakāya namaḥ .
ॐ ṭīkālopātinirviṇṇapadmapādānunāyakāya namaḥ .
ॐ prajñāmāndyakarātyugragaradānoktisamśraviṇe namaḥ ..९८०..
ॐ nijapādābhipatitapadmapādānukampanāya namaḥ .
ॐ pūrvasamśṛtaṭīkāsthapañcapādyanucintakāya namaḥ .
ॐ pañcapādīyagatāśeṣaviṣayapratipādakāya namaḥ .
ॐ ṭīkālekhanasantuṣṭapadmapādātipūjakāya namaḥ .
ॐ vismitasvīyaśiṣaughasamabhiṣṭutavaibhavāya namaḥ .
ॐ nāṭakāpāyaduḥkhārtakeraḻeśasamādhikṛte namaḥ .
ॐ yathoktanāṭakākhyānavismāpitanareśvarāya namaḥ .
ॐ sudhanvarājasacchiṣyasahitāya namaḥ .
ॐ vijayojvalāya namaḥ .
ॐ rāmasetukṛtasnānāya namaḥ ..९९०..
ॐ śāktaughavijayotsāhāya namaḥ .

ॐ kāñcīvidarbhakarṇātadeśasañcāranirvṛtāya namaḥ .
ॐ kāpālikaughavijayine namaḥ .
ॐ nīlakaṇṭhajayojvalāya namaḥ .
ॐ guptābhicārābhijñapadmāṅghrikṛtasaukhyabhāje namaḥ .
ॐ gauḍapādāryasandarśanānandābdhinimagnadhiye namaḥ .
ॐ kāśmīradeśavilasacchāradāpīthadarśakāya namaḥ .
ॐ dakṣiṇadvārasamviṣṭavādivrātajayojvalāya namaḥ .
ॐ vijayaprāptasarvajñapīṭhārohaṇakautukine namaḥ .
ॐ devatākṛtasatpuṣpavṛṣṭisañchannamūrtikāya namaḥ .
ॐ kailāsaśailagamanaparamānandanirbharāya namaḥ .
ॐ brahmādiracitāhvānāya namaḥ .
ॐ śiṣyavargakṛtānataye namaḥ .
ॐ mahokṣārohaṇodyuktāya namaḥ .
ॐ padmajārpitahastakāya namaḥ .
ॐ sarvābhilāṣakaraṇaniratāya namaḥ .
ॐ nirvṛtāntarāya namaḥ .
ॐ śrī kailāsaśailagamanaparamānandanirbharāya namaḥ .
ॐ śrīmatsadguruparaprahmaṇe namaḥ ..ॐ.. ..१००८..
antardhvāntanivāraṇaikataraṇistāpatrayogrānala
jvālāttyantikaśāmanaikajalado duḥkhāmbudherbāḍavaḥ .
prajñānandasudhāmbuderudayabhāgrākāsudhādīdhitiḥ
nityaṃ śaṅkaradeśikendrayatirāṭ hṛdvyomni vidyotatām ..
bhaktajanahṛttimirakartanavikartanān
dvandvamukhaduḥkhaviṣasarpagaruḍottamān .
janmamṛtidurgatimahārṇavaghaṭodbhavān
śaṅkaragurūttamapadān namata sattamān ..
jaya jaya śaṅkara |
ॐ śrī lalitā mahātripurasundarī parābhaṭṭārikā sametāya
śrī candramauḻīśvara parabrahmaṇe namaḥ |