rudrāṣṭakam · Chapter 1

namāmiśamīśāna nirvāṇa rūpaṃ/ vibhuṃ vyāpakaṃ brahma vedasvarūpaṃ

nijaṃ nirguṇaṃ nirvikalpaṃ nirīhaṃ/ cidākāśamākāśavāsaṃ bhajehaṃ

nirākāramoṃkāramūlaṃ turīyaṃ/ girā jñāna gotītamīśaṃ girīśaṃ

karālaṃ mahākāla kālaṃ kṛpālaṃ/ guṇāgāra saṃsārapāraṃ natohaṃ

tuṣārādri saṃkāśa gauraṃ gaṃbhīraṃ/ manobhūta koṭi prabhā śrī śarīraṃ

sphuranmauli kallolinī cāru gaṃgā/ lasadbhālabāleṃdu kaṃṭhe bhujaṃgā

calatkuṃḍalaṃ bhrū sunetraṃ viśālaṃ/ prasannānanaṃ nīlakaṃṭha dayālaṃ

mṛgādhīśacarmāmbaraṃ muṇḍamālaṃ/ priyaṃ śaṃkaraṃ sarvanāthaṃ bhajāmi

pracaṃḍaṃ prakṛṣṭaṃ pragalbhaṃ pareśaṃ/ akhaṃḍaṃ ajaṃ bhānukoṭiprakāśaṃ

traya:śūla nirmūlanaṃ śūlapāṇiṃ/ bhajehaṃ bhavānīpatiṃ bhāvagamyaṃ

kalātīta kalyāṇa kalpāntakārī/ sadā sajjanānandadātā purārī

cidānaṃdasaṃdoha mohapahārī/ prasīda prasīda prabho manmathārī

na yāvad umānātha pādāravindaṃ/ bhajaṃtīha loke pare vā narāṇāṃ

na tāvatsukhaṃ śāṃti santāpanāśaṃ/ prasīda prabho sarvabhūtādhivāsaṃ

na jānāmi yogaṃ japaṃ naiva pūjāṃ/ natohaṃ sadā sarvadā śaṃbhu tubhyaṃ

jarā janma du:khaugha tātapyamānaṃ/ prabho pāhi āpannamāśīśa śaṃbho

rudrāṣṭakamidaṃ proktaṃ vipreṇa haratoṣaye/
ye paṭhanti narā bhaktyā teṣāṃ śambhuḥ prasīdati//