Scripture Library
Rig Veda · Chapter 7.014
7.014.01
samidhā jātavedase devāya devahūtibhiḥ |
havirbhiḥ śukraśociṣe namasvino vayaṁ dāśemāgnaye ||
7.014.02
vayaṁ te agne samidhā vidhema vayaṁ dāśema suṣṭutī yajatra |
vayaṁ ghṛtenādhvarasya hotar vayaṁ deva haviṣā bhadraśoce ||
7.014.03
ā no devebhir upa devahūtim agne yāhi vaṣaṭkṛtiṁ juṣāṇaḥ |
tubhyaṁ devāya dāśataḥ syāma yūyam pāta svastibhiḥ sadā naḥ ||
Original text: Ṛgveda-Saṃhitā · Edition: Theodor Aufrecht Die Hymnen des Rigveda. Mandala I-VI Bonn Mareus Theodor Aufrecht Die Hymnen des Rigveda. Mandala VII-X Bonn Mareus · Data entry Barend A. Van Nooten Gary B. Holland · GRETIL (Göttingen) · CC BY-NC-SA 4.0