Ṛgvedasaṃhitā, Padapāṭha · Chapter 9.67

//12//.
-RV_7:2/13-
(RV_9,67)
tvam | soma | asi | dhārayuḥ | mandraḥ | ojiṣṭhaḥ | adhvare | pavasva | maṃhayat-rayiḥ

tvam | sutaḥ | nṛ-mādanaḥ | dadhanvān | matsarin-tamaḥ | indrāya | sūriḥ | andhasā

tvam | susvānaḥ | adri-bhiḥ | abhi | arṣa | kanikradat | dyu-mantam | śuṣmam | ut-tamam

induḥ | hinvānaḥ | arṣati | tiraḥ | vārāṇi | avyayā | hariḥ | vājam | acikradat

indo iti | vi | avyam | arṣasi | vi | śravāṃsi | vi | saubhagā | vi | vājān | soma | go-mataḥ

//13//.
-RV_7:2/14-
ā | naḥ | indo iti | śata-gvinam | rayim | go-mantam | aśvinam | bhara | soma | sahasriṇam

pavamānāsaḥ | indavaḥ | tiraḥ | pavitram | āśavaḥ | indram | yāmebhiḥ | āśata

kakuhaḥ | somyaḥ | rasaḥ | induḥ | indrāya | pūrvyaḥ | āyuḥ | pavate | āyave

hinvanti | sūram | usrayaḥ | pavamānam | madhu-ścutam | abhi | girā | sam | asvaran

avitā | naḥ | aja-aśvaḥ | pūṣā | yāmani-yāmani | ā | bhakṣat | kanyāsu | naḥ

//14//.
-RV_7:2/15-
ayam | somaḥ | kapardine | ghṛtam | na | pavate | madhu | ā | bhakṣat | kanyāsu | naḥ

ayam | te | āghṛṇe | sutaḥ | ghṛtam | na | pavate | śuci | ā | bhakṣat | kanyāsu | naḥ

vācaḥ | jantuḥ | kavīnām | pavasva | soma | dhārayā | deveṣu | ratna-dhāḥ | asi

ā | kalaśeṣu | dhāvati | śyenaḥ | varma | vi | gāhate | abhi | droṇā | kanikradat

pari | pra | soma | te | rasaḥ | asarji | kalaśe | sutaḥ | śyenaḥ | na | taktaḥ | arṣati

//15//.
-RV_7:2/16-
pavasva | soma | mandayan | indrāya | madhumat-tamaḥ

asṛgran | deva-vītaye | vāja-yantaḥ | rathāḥ-iva

te | sutāsaḥ | madin-tamāḥ | śukrāḥ | vāyum | asṛkṣata

grāvṇā | tunnaḥ | abhi-stutaḥ | pavitram | soma | gacchasi | dadhat | stotre | su-vīryam

eṣaḥ | tunnaḥ | abhi-stutaḥ | pavitram | ati | gāhate | rakṣaḥ-hā | vāram | avyayam

//16//.
-RV_7:2/17-
yat | anti | yat | ca | dūrake | bhayam | vindati | mām | iha | pavamāna | vi | tat | jahi

pavamānaḥ | saḥ | adya | naḥ | pavitreṇa | vi-carṣaṇiḥ | yaḥ | potā | saḥ | punātu | naḥ

yat | te | pavitram | arciṣi | agne | vi-tatam | antaḥ | ā | brahma | tena | punīhi | naḥ

yat | te | pavitram | arci-vat | agne | tena | punīhi | naḥ | brahma-savaiḥ | punīhi | naḥ

ubhābhyām | deva | savitaḥ | pavitreṇa | savena | ca | mām | punīhi | viśvataḥ

//17//.
-RV_7:2/18-
tri-bhiḥ | tvam | deva | savitaḥ | varṣiṣṭhaiḥ | soma | dhāma-bhiḥ | agne | dakṣaiḥ | punīhi | naḥ

punantu | mām | deva-janāḥ | punantu | vasavaḥ | dhiyā | viśve | devāḥ | punīta | mā | jāta-vedaḥ | punīhi | mā

pra | pyāyasva | pra | syandasva | soma | viśvebhiḥ | aṃśu-bhiḥ | devebhyaḥ | ut-tamam | haviḥ

upa | priyam | panipnatam | yuvānam | āhuti-vṛdham | aganma | bibhrataḥ | namaḥ

alāyyasya | paraśuḥ | nanāśa | tam | ā | pavasva | deva | soma | ākhum | cit | eva | deva | soma

yaḥ | pāvamānīḥ | adhi-eti | ṛṣi-bhiḥ | sam-bhṛtam | rasam | sarvam | saḥ | pūtam | aśnāti | svaditam | mātariśvanā

pāvamānīḥ | yaḥ | adhi-eti | ṛṣi-bhiḥ | sam-bhṛtam | rasam | tasmai | sarasvatī | duhe | kṣīram | sarpiḥ | madhu | udakam