Phaladeepika · Chapter p6

daśāphala
bhaktyā yena navagrahā bahuvidhairārādhitāste ciraṃ
santuṣtāḥ phalabodhahetumadiśansānugrahaṃ nirṇayam |
khyātāṃ tena parāśareṇa kathitāṃ saṃgṛhya horāgamāt
sāraṃ bhūriparīkṣayātiphalitāṃ vakṣye mahākhyāṃ daśām

agnyāditārapatyo ravicandrabhauma-
sarpamareṇyaśanicandrajaketuśukrāḥ |
tene naṭaḥ sanijayā caṭudhānyasaumya-
sthane nakhā nigaditāḥ śaradastu teṣāṃ

tṛkṣasya gamyā ghaṭikā daśābda-
nighnā natāptā svadaśābdasaṃkhyā |
rūpairnagaiḥ saṃguṇayennatena
hṛtāstu māsā divasāḥ krameṇa

ravisphuṭaṃ tajjanane yadāsīt
tathā vidhaścetprativarṣamarkaḥ |
āvṛttayuḥ santi daśābdakānāṃ
bhāgakramāttadṛvasāḥ prakalpyāḥ

daśāphala
bhānuḥ karoti kalahaṃ kṣitipālakopa-
mākasmikaṃ svajanarogaparibhramaṃ ca |
anyonyavairamatiduḥsahacittakopaṃ
guptyarthadhānyasutadārakṛśānupīḍām

krauryadhvibhūpaiḥ kalahairdhanāptiṃ
vanādrisaṃcāramatiprasiddhim |
karoti sustho vijayaṃ dineśa-
staikṣṇyaṃ sadodyogaratiṃ sukhaṃ ca

manaḥprasādaṃ prakaroti candraḥ
sarvārthasiddhiṃ sukhabhojanaṃ ca |
strīputrabhūṣāmbararatnasiddhīṃ
gokṣetrelābhaṃ dvijapūjanaṃ ca

balena sarvaṃ śaśinastu vācyaṃ
pūrve daśāhe phalamatra madhyam |
madhye daśahe paripūrṇavīryaṃ
tṛtīyebhāge'lpaphalaṃ krameṇa

bhaumasya svadaśāphalāni hutabhugbhūpāhavādyairdhanaṃ
bhaiṣajyānṛtavañcanaiśca vividhaiḥ krauryairdhanasyāgamaḥ |
pittāsṛgjvarabādhitaśca satataṃ nīcāṅganāsevanaṃ
vidveṣaḥ sutadārabandhugurubhiḥ kaṣṭo'nyabhāgye rataḥ

saumyaḥ karoti suhṛdāgamamātmasaukhyaṃ
vidvatpraśaṃsitayaśaśca guruprasādam |
prāgalbhyamuktiviṣaye'pi paropakāraṃ
jāyātmajādisuhṛdāṃ kuśalaṃ mahattvam

dharmakriyāptimamarendragururvidhatte
saṃtānasiddhimavanīpatipūjanaṃ ca |
ślāghyatvamunnatajaneṣu gajāśvayāna-
prāptiṃ vadhūsutasuhṛdyutimiṣṭasiddhim

krīḍāsukhopakaraṇāni suvāhanāptiṃ
goratmabhūṣaṇanidhipramadāpramodam |
jñanakriyāṃ salilayānamupaiti śaukrayāṃ
kalyāṇakarmabahumānamilādhināthāt

pāke'rkajasyanijadārasutātirogān-
vātottarānkṛṣivināśamasatpralāpam |
kustrīratiṃ parijanairviyutiṃ pravāsa
mākasmikaṃ svajanabhūmisukhārthanāśam

kuryārdahiḥ kṣitipacoraviṣāgnośastra-
bhīrtiṃ sutārtisativibhramabandhunāśam |
nīcāvamānanamatikramato'pavādaṃ
sthānacyutiṃ padahātiṃ kṛtakāryahānim

vidhuṃtude śubhānvite praśastabhāvasaṃyute
daśā śubhapradā tadā mahīpatulyabhūtidā |
abhīṣṭakāryasiddhayo gṛhe sukhasthitirbhave-
dacañcalārthasaṃcayāḥ kṣitau prasiddhakīrtayaḥ

pathonamīnāligatasya rāho-
rdaśāvipāke mahitaṃ ca saukhyam |
deśādhiptyaṃ naravāhanāpti-
rdaśāvasāne sakalasya nāśaḥ

ketordaśāyāmaricorabhūpaiḥ
pīḍā ca śastrakṣatamuṣṇarogaḥ |
mithyāpavādaḥ kuladūṣitatvaṃ
vahnerbhayaṃ proṣaṇamātmadeśāt

atha taraṇidaśāyāṃ krauryabhūpālayuddhai-
rdhanamanalacatuṣpātpīḍanaṃ netratāpaḥ |
udaradaśanarogaḥ putradārārtiruccai-
rgurujanavirahaḥ syādbhṛtyanāśo'rthahāniḥ

śiśirakaradaśāyāṃ mantradevadvijorvī-
patijanitavibhūtiḥ strīdhanakṣetrasiddhiḥ |
kusumavasanabhūṣāgandhanānārasāpti-
bharvati khalavirodhaḥ svakṣayo vātarogaḥ

kṣititanayadaśāyāṃ kṣetravairakṣitiśa-
pratijanitavibhūtiḥ syātpaśukṣetralābhaḥ |
sahajatanayavairaṃ durjanastrīṣusakti-
darhanarudhirapittavyādhirarthopahāniḥ

asuravaradaśāyāṃ duḥsvabhāvo'thavā syā-
datigahanagadārtiḥ sūnunāryorvināśaḥ |
viṣabhayamaripīḍāvīkṣaṇoddharvāṅgīrogaḥ
suhṛdi kṛṣavirodho bhūpaterdveṣalābhaḥ

amaragurudaśāyāmambarādyarthasiddhiḥ
parijanaparivāraprauḍhiratyarthamānaḥ |
sutadhanasuhṛdāptiḥ sādhuvādāptapūjā
bhavati guruviyogaḥ karṇarogaḥ kaphārtiḥ

ravitanayadaśāyāṃ rāṣṭapīḍāprahāra-
pratijanitavibhūtiḥ preṣyavṛddhāṅganāptiḥ |
paśumahiṣavṛṣāptiḥ putradāraprapīḍā
pavanakaphagudārtiḥ pādahastāṅgatāpaḥ

śaśitanayadaśāyāṃ śaśvadācāryasiddhi-
rdvijajanitadhanāptiḥ kṣetregovājilābhaḥ |
manavarasurapūjā vittasaṃdhātasiddhiḥ
prabhavati maruduṣṇaśleṣmarogaprapīḍā

śikhijanitadaśāyāṃ śokamoho'ṅganābhiḥ
prabhujanaparipīḍā vittanāśo'parādhaḥ |
prabhavati tanubhājāṃ svīyadeśā-
dṛśanacaraṇarogaḥ śleṣmantāpanaṃ ca

bhṛgutanayadaśāyāmaṅganāratnavastra-
dyatimidhidhanabhūṣāvājiśayyāsanāptiḥ |
krayakṛṣijalayānaprāptavittāgamo vā
bhavati guruviyogo bāndhavātirmanoruk