Phaladeepika · Chapter p4

pratyantardaśāphala
apahāravibhāgalakṣaṇaṃ tatpaṃktiṃ kramaśaḥ sphuṭaṃ pravacim |
yadudīritamatra tatsamastaṃ kathayetsvadaśāntarāntarādau

pākeśābdahatā daśeśvarasamā netrāṅkabhaktāḥ samāḥ
śiṣṭa rūpahatā narāṅkavihṛtā māsā nagairvāsarāḥ |
chidrādiṣvapi caivameva kalayetpākakramācceddaśā-
nāthādyā punarantarāntaradaśāstatpākanāthakramāḥ

sūrya
mahīśvarādupalabhate'dhikaṃ yaśo
vanācalasthalavasatiṃ dhanāgamam |
jvaroṣṇarugjanakaviyogajaṃ bhayaṃ
nijāṃ daśāṃ praviśati nīkṣaṇadīdhitau

ripukṣayo vyasanaśamo dhanāgamaḥ
kṛṣikriyā gṛhakaraṇaṃ suhṛdyutiḥ
kṣayānalapratihatirakardāyakaṃ
śaśī yadā harati jalodbhavā rujaḥ

rujāgamaḥ padaviraho'ripīḍanaṃ
varṇodbhavaḥ svakulajanairvarodhitā
mahībhṛto bhavati bhayaṃ dhanacyuti
yardā kujo harati tad'rkarvatsaram

ripūdayo dhanahṛtirāpadudgamo
viṣādbhayaṃ viṣayavimūḍhatā punaḥ
śirodṛśoradhikarugeva dehinām
ahau bhavedhimakarāyurantaro

ripukṣayo vividhadhanāptiranvahaṃ
surārcanaṃ dvijagurubandhupūjanam |
śravaḥśramo bhavati ca yakṣmarogitā
surāciṃte praviśati gopaśati gopaterdaśām

dhanāhatiḥ sutavirahaḥ striyā rujo
guruvyayaḥ sapadi paricchadacyutiḥ |
maliṣṭhatā bhavati kaphaprapīdanaṃ
śanaiścare savitṛdaśāntaraṃ gate

vicancikā piṭakasakuṣṭhakāmilā
viśardhanaṃ jaṭharakaṭiprapīḍanam |
mahīkṣayaḥ trigadabhayaṃ bhavettadā
vidhoḥ sute carati raverathābdakam

suhṛvdyayuḥ svajanakuṭumbavigraho
riporbhayaṃ dhanaharaṇaṃ padacyutiḥ |
gurorgadaścaraṇaśiroruguccakaiḥ
śikhī yadā viśati daśāṃ vivasvataḥ

śirorujā jaṭharagudātiṃpīḍanaṃ
kṛṣikriyā gṛhadhanadhanyavicyutiḥ |
sutastriyorasukhamatīva dehināṃ
bhṛgoḥ sute carati raverathābdakam

candra- vicāra
strīprajāptiramalāṃśukāgamo
bhūsurottamasamāgamo bhavet |
māturiṣṭaphalamaṅganāsukhaṃ
svāṃ daśāṃ viśati śītadīdhitau

pittavahnirudhirodbhavā rujaḥ
kleśaduḥkharipucorapīḍanam |
vittamānavihatirbhavetkuje
śītadīdhitidaśāntaraṃ gate

tīvradoṣaripuvṛddhibandhuruṅ mārutāśanibhayātirudbhavet |
annapānajanitajvarodayāścandravatsaravihārake hyahau

dānadharmaniratiḥ sukhodayo vastrabhūṣaṇasuhṛtsamāgamaḥ |
rājasatkṛtiratīva jāyate kairavapriyavayohare guraū

naikarogavihatiḥ suhṛtsuta-
strīrujā vyasanasaṃbhavo mahān |
prāṇahānirathavā bhavecchanau
mārabandhuvayaso gate'ntaram

sarvadā dhanagajāśvagokula-
prāptirābharaṇasaukhyasampadaḥ |
cittabodha iti jāyate vidho-
rāyuṣi praveśati prabodhane || १७
cittahānirapi sapadaścyuti-
rbandhuhānirapi toyajaṃ bhayam |
dāsabhṛtyahatirasti dehināṃ
ketuke harati cāndramabdakam

toyayānavasubhūṣaṇāṅganāvikrayakrayakṛṣikriyādayaḥ |
putramitrapaśudhānyasaṃyutiścandradāyaharaṇonmukhe bhṛgau

rājamānanamatīva śūratā rogaśāntiraripakṣavicyutiḥ |
pittavātarugine gate tadā syācchaśāṅkaparivatsarāntaram

maṃgala kī mahādaśā meṃ vividha antardaśoṃ kā phala
pittoṣṇarugvraṇabhayaṃ sahajaiviyogaḥ
kṣetrapravādajanitārthavibhūtisiddhiḥ |
jñātyagniśatrunṛpacorajanaivirodho
dhātrīsuto harati ceccharadaṃ svakīyām

śastrāgnicoraripubhūpabhayaṃ viṣātiḥ
śukṣyakṣiśīrṣajagado gurubandhuhāniḥ |
prāṇavyayo'tha yadivā vipulāpado vā
vakrāyurantaragate bhujagādhināthe

dvijavibudhasamarcā tirthapuṇyānusevā
satatamatithipūjā putramitrādivṛddhiḥ |
śravaṇarugatimātraṃ śleṣmarogodbhavo vā
bhavatikujadaśāntaḥ saṃgate vāgadhīśe

uparyuparivināśaḥ svātmajastrīgurūṇā-
magaṇitavipadantarduḥkhamarthopahāniḥ |
vasuharaṇamaribhyo bhītiruṣṇānilāgni-
rbhavati kujadaśāyāmarkaje samprayāte

aribhayamurucoropadravo'thārthahāniḥ
paśugajaturagāṇāṃ viplavo'mitrayogaḥ |
nṛpakṛtaparipīḍā śūdravairodbhavo vā
viśati śaśitanūje viṣvadhātrīsutāyuḥ

aśanibhayamakasmādagniśastraprapīḍā
vigamanamatha dehādvittanāśo'thavā syāt |
apagamanamasubhyo yoṣito vā vināśaḥ
praviśati yadi ketuḥ krūranetrāyurantam

yudhi janitavimānaṃ vipravāsaḥ svadeśā-
dvasuhṛtirapi corairvamanetroparodhaḥ |
parijanaparihānirjāyate mānavānā-
mapaharati yadāyurbhaumijaṃ bhārgavendraḥ

nṛpakṛtaparipūjā yaddhalabdhaprabhāvaḥ
parijanadhanadhānyaśrīmadantaḥpuraṃ ca |
ativilasitakṛttaḥ sāhasādāptalakṣmī-
stimirabhidi kujāyurdāyasaṃhāriṇīti

vividhadhanasutāptiviprayogo'rivargai-
rvasanaśayanabhūṣāratnasampatprasūtiḥ |
bhavati gurujanātirgulmapittaprapīḍā
dharaṇitanayavarṣaṃ śītagau samprayāte

rāhu kī mahādaśā meṃ vividha antardaśoṃ kā phala
viṣāmburugduṣṭabhujaṅgadarśanaṃ
parābalāsaṃyutiriṣṭavicyutiḥ |
ariṣṭavāgduṣṭajanavyathā
bhavedvidhuṃtudenāpahṛte svavatsare

sukhopanītiḥ suraviprapūjanaṃ
virogatā vāmadṛśāṃ samāgamaḥ |
supuṇyaśāstrarthavicārasambhavaḥ
surāridāyāntage bṛhaspatau

samīrapittapragadakṣatistanau
tanūjayoṣitsahajaiśca vigrahaḥ |
svabhṛtyanāśaśca padacyutirbhavet-
ditiprajāyuḥ pravisśatyathārkaje

sutasvasiddhiḥ suhṛdāṃ samāgamo
manovinindyatvamatīva jāyate |
paṭukriyābhūṣaṇakauśalādayo
bhujaṅgasaṃvatsarahāriṇīnduje

jvarāgniśastrāribhayaṃ śirorujā
śarīrakampaḥ svasuhṛdguruvyathā |
viṣavraṇātiḥ kalahaḥ suhṛjjanai-
rahīndradāyāntarage śikhādhare

kalatralabdhiḥ śayanopacāratā
turaṅgamātaṅgamahīsamāgamaḥ |
kaphānilāptiḥ svajanaivirodhitā
bhavedbhujaṅgāyurapāhṛtau bhṛgoḥ

arivyathā syādatipīḍanaṃ
dṛśoviṃṣāgniśastrāhatirāpadudgamaḥ |
vadhūsutātirnṛpatermahadbhayaṃ
bhujaṅgavarṣe timirāriṇā hṛte

vadhūvināśaḥ kalaho manorujā
kṛṣikrayāvittapaśuprajākṣayaḥ |
suhṛdvipattiḥ salilādbhayaṃ bhave-
dvidhau daśābhaktari devavidvidhaḥ

nṛpāgnicorāstrabhayaṃ śarīriṇāṃ
śarīranāśo yadi vā mahārujaḥ |
padabhramo hṛnnayanaprapīḍanaṃ
yadātra sarpayuṣi saṃcaretkujaḥ

bṛhaspati kī mahādaśā meṃ vividha antardaśoṃ kā phala
saubhāgyakāntitabahumānaguṇodayaḥ
syātsatputrasiddhiravanīpatipūjanaṃ ca |
ācāryasādhujanasaṃyutiriṣṭasiddhiḥ
savatsaraṃ harati devagurau svakīyam

veśyāṅganāmadakṛdāsavadoṣasaṅga
utkarṣasaukhyasakuṭumbapaśuprapīḍā |
arthavyayorubhayamakṣijaruksutāti
jaivīṃ daśāṃ viśati dainakare narāṇām

strīdyūtamadyajamahāvyasanaṃ tridoṣaiḥ
kecidvadantyapi ca kevalamaṅgalāptiḥ |
devadvijārcanasutārthasukhaprayogai-
rgīvarṇapūjitadaśāṃ haratīndusūtau

śastravraṇaṃ bhavati bhṛtyajanaivirodha-
ścittavyathā tanayayoṣidupadravaśca |
praṇacyutirgurusuhṛjjanaviprayogaḥ
saureḍyamāyurapahṛtya dadāti ketuḥ

nānāvidhārthapaśudhānyaparicchadastrī-
putrānnapānaśayanāmbarabhūṣaṇāptiḥ |
devadvijārcanamupāsanatatparatva-
māyuryadā harati jaivamathāsureḍyaḥ

śatrorjayaḥ kṣitipamānanakīrtilābhaḥ
syāccaṇḍatā naraturaṅgamavāhanāptiḥ |
śreṇyagrahārapurarāṣṭrasamastasaṃpada
duccairucathyasahajāyurapāhṛte'rke

yoṣidbahutvamarināśanamarthalābhaḥ
kṛṣyarthavastuparamonnatakīrtilābhaḥ |
davadvijārcanaparatvamatīva puṃsāṃ
saṃjāyate gurudaśāhṛti śarvarīśe

bandhūpatoṣaṇamarivrajato'rthalābhaḥ
sukṣetrasatkṛtiriha prathitaprabhāvaḥ
irṣadgurūpahatirīkṣaṇasukṣatirvā
kṣityātmaje harati vatsaramāryajātam

bandhūpataptirurumānasaruggadārti-
ścorādbhayaṃ gurugado jaṭharodbhavo vā |
rājendrapīḍanamarivyasanaṃ svanāśaḥ
sampadyate harati sūridaśāṃ surārau

śani ko mahādaśā meṃ vividha antardaśoṃ kā phala
kṛṣivṛddhabhṛtyamahiṣābhyudayaḥ
pavanāmayo vṛṣalajātidhanam |
sthavirāṅganāptiralasatvamagho
nijavatsarāntaragate ravije

subhagatvamasti sukhita vanitā
nṛpalālanaṃ vijayamitrayutiḥ
trigadodbhavaḥ sahajaputrarujā
śanidāyahāriṇi śaśāṅkasute

marudagnipīḍanamarivyasanaṃ
sutadāravigramatiḥ satatam |
aśubhāvalokanamaheśca bhayaṃ
mṛduvatsaraṃ harati ketupatau

suhṛdaṅganātanayasaukhyayutaḥ
kṛṣitoyayānajanitārthacayaḥ |
śubhakīrtirudbhavati dehabhṛtāṃ
yamadāyahāriṇi bhṛgostanaye

maraṇaṃ tu vā ripubhayaṃ satataṃ
guruvargarugjaṭharanetrarujā |
dhanadhānyavicyutiriha prabhavet-
ravijāyurāviśati tīvrakare

vanitāhatirmaraṇameva nṛṇāṃ
suhṛdāṃ vipattiratha rogabhayam |
jalavātajaṃ bhayamatīva bhavet-
ravijāyurāviśati rātrikare

svapadacyutiḥ svajanavigraharuk-
jvaravāhnaśastraviśabhiratha vā |
arivṛddhirāntararugakṣibhayaṃ
ravijāyurāviśati bhumisute

apmārgayānamasubhivirahastu
atha vā pramehagurugulmabhayam |
jvararukkṣatiḥ satatameva nṛṇā-
masitāntaraṃ viśati bhogipatau

amarārcanadvijagaṇābhiruci-
rgṛhaputradāravihatistu bhavet |
dhanadhānyavṛddhiradhikā hi nṛṇāṃ
gatavatyathārkivayasīndragurau

budha kī mahādaśā meṃ vividha antardaśoṃ kā phala
dharmārganiratirvivapaścitāṃ
saṅgamo vimaladhīrghanaṃ dvijāt |
vidyayā bahuyaśaḥ sukhaṃ sadā
candraje harati vatsaraṃ svakam

duḥkhaśokakalahākulātmatā
gātrakampanamamitrasaṃyutiḥ |
kṣetrayānvipyutiryadā bhavet-
somamasūnuśaradaṃ gataḥ śikhī

devavipragurupūjanakriyā dānadharmaparatāsamāgamaḥ |
vastrabhūṣaṇasuhṛdyutirbhavedbodhanāyuṣi samāgate site

hemavidrumaturaṅgavāraṇaprāvṛtaṃ bhavanamannapānayuk |
bhūpaterapi ca pūjanaṃ bhavedbhānumālini budhābdakaṃ gate

mastakavyasanamakṣipīḍanaṃ kuṣṭhadadrubahukaṇṭhapīḍanam |
prāṇasaṃśayayutirnṛṇāṃ bhavejjñāyuṣaṃ vrajati śītadīghitau

agnibhītirapi netrajā rujā corajaṃ bhayamatīva duḥkhitā |
sthānahāniratha vātarogitā jñāyuṣaṃ harati medinīsute

mānahānirathavāśrayacyutiḥ svakṣayo'gniviṣatoyajaṃ bhayam |
mastakākṣijaṭharaprapīḍanaṃ śītaraśmijadaśāṃ gate'sure

vyādhiśatrubhayavicyutirbhave-
dbrahmasiddhiravanīśasatkṛtiḥ |
dharmasiddhitapasāṃ samudgramo
devamantriṇi vido daśāṃ gate

arthadharmapariluptiruccakaiḥ
sarvakāryaviphalatvamaṅginām |
śleṣmavātajanitā rugudbhave-
dvodhanāyuṣi samāgate'site

ketu kī mahādaśā meṃ vividha antardaśoṃ kā phala
ripujanakalahaṃ suhṛdvirodhaṃ
tvaśubhacaḥ śravaṇaṃ jvarāṅgadāham |
gamanaparadhāmni vittanāśaṃ
śikhini labhet daśāṃ gate svakīyām

dvijavarakalahaḥ striyā virodhaḥ
svakulajanairapi kanyakāprasūtiḥ |
paribhavajananaṃ paropatāpo
bhavati site śikhivatsarāntarāle

gurujanamaraṇaṃ jvartāraḥ
svajanavirodhavideśayānalabhaḥ |
nṛpakṛtakalahaḥ kaphānilāti-
rviśati ravau śikhivatsarāntarālam

sulabhabahudhanaṃ tathaiva hāniḥ
sutaviraho bahuduḥkhabhākprasūtiḥ |
parijanayuvatiprajāpralābhaḥ
śaśini yadā śikhidāyamabhyupete

svakulajakalahaṃ svabandhunāśaṃ
bhayamapi pannagajaṃ vadanti corāt
hutavahabhayaśatrupīḍanaṃ ca
vrajatikuje dhvajanāmakhecarāyuḥ

arikṛtakalahaṃ nṛpāgnicaurai-
rbhayamapi pannagajaṃ vadanti tajjñāḥ |
khalajanavacanaṃ duriṣṭaceṣṭā
samasi gate'tra śikhīndradāyamāhuḥ

sutavarajananaṃ surendrapūjā
dharaṇidhanāptirupāyanārthasiddhiḥ |
dhanacayajananaṃ mahīśamāno
bhavati gate'tra gurau śikhīndradāyam

parijanavihatiṃ paropatāpaṃ
ripujanavigrahamaṅgabhaṅgatāṃ ca |
dhanapadaviryutiṃ tathāhurāryā
gatavati sūryasute śikhādharāyuḥ

sutavarjananaṃ prabhupraśastiḥ
kṣitidhanasiddhirarīśvaraprapīḍā |
paśukṛṣīvihatirbhavettu puṃsāṃ
viśati budhe śikhivatsarāntarālam

śukra kī mahādaśā meṃ vividha antardaśoṃ kā phala
vasanabhūṣaṇavāhacandanā-
dyanubhavaḥ pramadāsukhasampadaḥ |
dyutiyutiḥ kṣitipāddhanalabdhayo
bhṛgusute svadaśāṃ praviśatyapi

nayanakukṣikapolagadodbhavaḥ
kṣitibhṛto bhayamasti śarīriṇām |
gurukulodbhavabāndhavapīḍanaṃ
bhṛgusutāyuṣi bhānumati sthite

nakhaśiroradanakṣatiruccakaiḥ
pavanapittarugarthavināśanam |
grahaṇigulmakayakṣmakapīḍanaṃ
sitavayohṛti tatra himalviṣi

rudhirapittagadātisamāśrayaḥ
kanakatāmracayāvanisaṃgrahaḥ |
suvatidūṣaṇamudyamavicyuti-
rvṛṣabhavallabhavatsarage kuje

nidhibhavaḥ sutalabdhirabhīṣtavāk
svajanapūjanamapyaribandhanam |
dahanacoraviṣodbhavapīḍanaṃ
tuladhareśvaravatsarage'sure

vividhadharmasureśanamaskriyā
bhavati cātmajavāmadṛgāgamaḥ |
vividharājyasukhaṃ ca śarīriṇāṃ
kavidaśāhṛti kārmukanāyake

nagarayodhanṛpodbhavapūjanaṃ
pravarayoṣidavāptirathāsti vā |
vividhavittaparicchadasaṃyuti-
ditipūjitadāyagate śanau

tanayasaukhyamāgamasampadāṃ
nicayalabdhiratiprabhutā yaśaḥ |
pavanapittakaphātiraricyutir-
danujamantridaśāhṛti candraje

sutasukhādibahiḥ sthitiragnijaṃ
bhayamatīva vināśanamaṅgaruk |
api ca vāravadhūjanasaṃyutiḥ
śikhini yātyalamauśanasīm daśām

daśāpahāreṣu phalaṃ yaduktaṃ
varṇādhikārānuguṇaṃ vadantu |
chidreṣu sūkṣmeṣvapi tatphalāptiḥ
chāyāṅkavārtaśravaṇāni vā syuḥ