Paippalāda-Saṃhitā · Chapter 6.17
prati tyaṃ cārum adhvaraṃ
gopīthāya pra hūyase |
marudbhir agna ā gahi ||
nahi devo na martyo
mahas tava kratuṃ paraḥ (…) ||
ye maho rajaso vidur
viśve devāso adruhaḥ (…) ||
ye śubhrā ghoravarpasaḥ
sukṣatrāso riśādasaḥ (…) ||
ya ugrā arkam ānṛcur
anādhṛṣṭāsa ojasā (…) ||
ye nākasyādhi rocane
divi devāsa āsate (…) ||
ya īṅkhayanti parvatān
tiraḥ samudram ojasā (…) ||
ā ye tanvanti raśmibhis
tiraḥ samudram arṇavam (…) ||
abhi tvā pūrvapītaye
sṛjāmi somyaṃ madhu (…) ||
ā yantu maruto gaṇai
stutā dadhatu no rayim (…) ||
ā tvā kaṇvā ahūṣata
gṛṇanti vipra te dhiyaḥ |
marudbhir agna ā gahi ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0