Scripture Library

Paippalāda-Saṃhitā · Chapter 5.14

5.14.1

bhūtyā mukham asi satyasya raśmir
uccaiḥśloko divaṃ gaccha |
uc chrayethāṃ haviṣkṛtau
sādhu devān saparyatam
ṛjīṣam apa lumpatam ||

5.14.2

āpo devīr yajñakṛtaś
citrā devīr haviṣkṛtaḥ |
ekapātra odano
'gniṣṭomena saṃmitaḥ ||

5.14.3

gāyatrī havyavāḍ asi
devatāgniḥ sam idhyase |
sahasradhāraṃ sukṛtasya loke
ghṛtapṛṣṭham amartyau ||

5.14.4

tapaś ca satyaṃ caudanaṃ
prāśnītāṃ parameṣṭhinau |
tābhyāṃ vai svar ābhṛtaṃ
tenādhipatir ucyase ||

5.14.5

urugāyo *'si
vāyoḥ prāṇena saṃmitaḥ |
apa mṛdhrāṇi maj jahi
mukṣīya duritād aham ||

5.14.6

apa rakṣāṃsi tejasā
devebhyo havyam arca tam |
vyacasvān saprathā asi ||

5.14.7

uccaiḥ suparṇo divam ut patāmuṃ
priyaṃ devebhyo mā kṛṇv
ṛṣibhyaḥ pari dehi mām |
śukraṃ śukreṇa bhakṣayā
pibantu sukṛto madhu ||

5.14.8

dvayā devā upa no yajñam āgur
yān odano juṣate yaiś ca pṛṣṭaḥ |
ādityā aṅgirasaḥ svargam
imaṃ prāśnantv ṛtubhir niṣadya ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0