Scripture Library

Paippalāda-Saṃhitā · Chapter 3.24

3.24.1

prācī dig agnir adhipatir
asito rakṣitādityā iṣavaḥ |
tebhyo namo 'dhipatibhyo namo
rakṣitṛbhyo nama iṣubhyo namo vo 'stu |
yo 'smān dveṣṭi yaṃ vayaṃ dviṣmas
taṃ vo jambhe dadhmas tam u prāṇo jahātu ||

3.24.2

dakṣiṇā dig indro 'dhipatis
tiraścirājī rakṣitā vasava iṣavaḥ |
tebhyo namo 'dhipatibhyo namo
rakṣitṛbhyo nama iṣubhyo namo vo 'stu |
yo 'smān dveṣṭi yaṃ vayaṃ dviṣmas
taṃ vo jambhe dadhmas tam u prāṇo jahātu ||

3.24.3

pratīcī dig varuṇo 'dhipatiḥ
pṛdākū rakṣitā mitra iṣavaḥ |
tebhyo namo 'dhipatibhyo namo
rakṣitṛbhyo nama iṣubhyo namo vo 'stu |
yo 'smān dveṣṭi yaṃ vayaṃ dviṣmas
taṃ vo jambhe dadhmas tam u prāṇo jahātu ||

3.24.4

udīcī dik somo 'dhipatiḥ
svajo rakṣitā vāta iṣavaḥ |
tebhyo namo 'dhipatibhyo namo
rakṣitṛbhyo nama iṣubhyo namo vo 'stu |
yo 'smān dveṣṭi yaṃ vayaṃ dviṣmas
taṃ vo jambhe dadhmas tam u prāṇo jahātu ||

3.24.5

dhruvā dig viṣṇur adhipatiḥ
kalmāṣagrīvo rakṣitā vīrudha iṣavaḥ |
tebhyo namo 'dhipatibhyo namo
rakṣitṛbhyo nama iṣubhyo namo vo 'stu |
yo 'smān dveṣṭi yaṃ vayaṃ dviṣmas
taṃ vo jambhe dadhmas tam u prāṇo jahātu ||

3.24.6

ūrdhvā dig bṛhaspatir adhipatiś
citro rakṣitāśanir iṣavaḥ |
tebhyo namo 'dhipatibhyo namo
rakṣitṛbhyo nama iṣubhyo namo vo 'stu |
yo 'smān dveṣṭi yaṃ vayaṃ dviṣmas
taṃ vo jambhe dadhmas tam u prāṇo jahātu ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0