Scripture Library

Paippalāda-Saṃhitā · Chapter 2.81

2.81.1

idaṃ cakṣur ṛtāvarī
mā mā hāsīt purāyuṣaḥ |
yad vāṃ tamo yad ripiśam
apa vāṃ tan ni dadhmasi ||

2.81.2

yad andhiyaṃ yad algaṇaṃ
yo 'rmo adhirohati |
ayasmayas tad aṅkuśo
akṣṇo 'rmam apa lumpatu ||

2.81.3

yam ahyājim ajayan nṛcakṣā
yaṃ vā śyenaḥ śakunir yaṃ suparṇaḥ |
yad āhuś cakṣur aditer anantaṃ
somo nṛcakṣā mayi tad dadhātu ||

2.81.4

yathā cakṣuḥ suparṇasya
yathāśvasya yathā śunaḥ |
evā me aśvinā cakṣuḥ
kṛṇutaṃ puṣkarasrajā ||

2.81.5

yasyāḥ suparṇaḥ prapatañ
cakṣuṣā cakṣur ādade |
tasyāḥ samudraje tava
cakṣuṣā cakṣur ā dade ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0