Paippalāda-Saṃhitā · Chapter 15.6

pari dhatta dhatta varcasemaṃ
jarāmṛtyuṃ kṛṇuta dīrgham āyuḥ |
bṛhaspatiḥ prāyacchad vāsa etat
somāya rājñe paridhātavā u ||

jarāṃ su gaccha pari dhatsva vāso
bhavā gṛṣṭīnām abhiśastivā u |
śataṃ ca jīva śaradaḥ suvarcā
rāyaspoṣam upa saṃ vyayasva ||

parīdaṃ vāso api dhāḥ svastaye
'bhūr vāpīnām abhiśastipā u |
śataṃ ca jīva śaradaḥ purūcīr
vasūni cārur vibhajāsi jīvan ||

yoge yoge tapastaraṃ
vāje vāje havāmahe |
sakhāya indram ūtaye ||

hiraṇyavarṇo ajaraḥ suvīro
jarāmṛtyuḥ prajayā saṃ viśasva |
tad agnir āha tad u soma āha
bṛhaspatiḥ savitā tad indraḥ ||

yadottamat tantu badhāya
nāvadvāsaḥ pūrvayāvat pururūpapeśaḥ |
bhadrātīkā samajaraṃ suvīraṃ
tena devāḥ pra tirantv āyuḥ ||

yasya brāhmaṇaḥ sicam ārabhante
śrathnanto nīvaṃ pratiranta āyuḥ |
tasya devā devahūtiṃ juṣantāṃ
sa viśvahā sacatāṃ svasti ||

anyad ā dhatsva pari dhatsva vāsa
imam ulbam apa lumpāmi yas te |
jarase tvām ṛṣayaḥ saṃ vyayantu
sūryo bhagas te pra tirantv āyuḥ ||

yasya devāsaḥ prathamavāsyaṃ
harāmi taṃ tvā viśve avantu devāḥ |
taṃ tvā bhrātaraḥ suvṛdhā vardhamānam
anu jāyantāṃ bahavaḥ sujātam ||

ahatenāhato bhava
sthira sthireṇa saṃ bhava |
pra mṛṇīhi durasyataḥ
sahasva pṛtanāyataḥ ||