Paippalāda-Saṃhitā · Chapter 10.10
aganma devāḥ svaḥ svar aganma-
-aganma jyotir jyotir aganma |
mahendro 'si parameṣṭhī
sumitra viśvatomukha
mā te yuyoma saṃdṛśaḥ ||
udyann adya citramahaḥ
sapatnān me 'va jahi |
divainān raśmibhir jahi
rātryenāṃs tamasā vadhīs
te yantv adhamaṃ tamaḥ ||
sūryasyāvṛtam anvāvarte
dakṣiṇām anvāvṛtam |
agnes tejasā tejasvī bhūyāsam
indrasyendriyeṇendriyāvān bhūyāsam ||
idam aham agnes tejasā-
-indrasyendriyeṇa
somasya dyumnena
viśveṣāṃ devānāṃ kratūnām |
amuṣyāmuṣyāyaṇasya-
-amuṣyāḥ putrasya
varcas teja indriyaṃ
prāṇam āyur ni veṣṭayāmi ||
(…) āyur ni yacchet ||
idam aham agnes tejasā-
-indrasyendriyeṇa
somasya dyumnena
viśveṣāṃ devānāṃ kratūnām |
amuṣyāmuṣyāyaṇasya-
-amuṣyāḥ putrasya
varcas teja indriyaṃ
prāṇam āyur ā dāya ||
abhūtyā enaṃ pāśe
sitvā duṣvapnyena
saṃsṛjya mṛtyor vyātta
āsann api dadhāmi ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0