Scripture Library

Paippalāda-Saṃhitā · Chapter 1.92

1.92.1

āganmemāṃ samitiṃ viśvarūpāṃ
yasyāṃ pūrvam avadad deva ekaḥ |
sā naḥ sūktair jujuṣāṇā samīcy
asmān vṛṇītāṃ sumanasyamānā ||

1.92.2

iyaṃ devī samitir viśvarūpā
śilpaṃ kṛṇvānā carati janeṣu |
tāṃ rājānaḥ kavayo hṛtsu ketair
arājānaś ca vadanaiḥ punanti ||

1.92.3

agniṃ sāmityam upa saṃ sadema
vācā priyaṃ madhumatyā vadantaḥ |
somo rājā varuṇo mitradharmā
mayi śremāṇam upa saṃ namantu ||

1.92.4

yo vaḥ śuṣmo hṛdaye
yo bāhvor yaś ca cakṣuṣi |
jihvāyā agre yo manyus
taṃ vo vi nayāmasi ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0