Paippalāda-Saṃhitā · Chapter 1.82
agneḥ prajātaṃ pari yad dhiraṇyam
amṛtaṃ dadhre adhi martyeṣu |
ya enad veda sa id enad arhati
jarāmṛtyur bhavati yo bibharti ||
yad dhiraṇyaṃ sūryeṇa suvarṇaṃ
prajāvanto manavaḥ pūrva īṣire |
tat tvā candraṃ varcasā saṃ sṛjāty
āyuṣmān bhavati yo bibharti ||
āyuṣe tvā varcase tvā-
-ojase ca balāya ca |
yathā hiraṇya tejasā
vibhāsāsi janām̐ anu ||
yad veda rājā varuṇo
veda devo bṛhaspatiḥ |
indro yad vṛtrahā veda
tat ta āyuṣyaṃ bhuvat
tat te varcasyaṃ bhuvat ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0