Paippalāda-Saṃhitā · Chapter 1.78
dhātāram indraṃ savitāram ūtaye
huve devām̐ amṛtān martyaḥ san |
śreṣṭhe no vasavo dhatta dhāmni
mā radhāma dviṣate mo arātaye ||
adhi bravītv adhivaktā na indro
adhi bravītu savitā daivyena |
svasti mitrāvaruṇā ca dhattāṃ
rātriṃrātrim aharahaś ca devāḥ ||
adhi bravītu pṛthivī uta dyaur
adhi bruvantu marutaḥ pṛśnimātaraḥ |
yo no dveṣṭy araṇo yaḥ sanābhiḥ
pavir iva nemer adharaḥ so astu ||
yasya trayā gatam anuprayanti
devā manuṣyāḥ paśavaś ca sarve |
tan no devaṃ mano adhi bravītu
sunīti no nayatu dviṣate mā radhāma ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0