Scripture Library

Paippalāda-Saṃhitā · Chapter 1.7

1.7.1

divyo gandharvo bhuvanasya yas patir
ekāyuvo namasā vikṣv īḍyaḥ |
taṃ tvā yaumi brahmaṇā deva divya
namas te astu divi te sadhastham ||

1.7.2

diva spṛṣṭo yajataḥ sūryatvag
avayātā haraso daivyasya |
ekāyuvo namasā suśevo
mṛḍād gandharvo bhuvanasya yas patiḥ ||

1.7.3

anavadyābhiḥ sam u jagma ābhir
apsarābhir api gandharva āsu |
samudra āsāṃ sadanaṃ ma āhur
yataḥ sadya ā ca parā ca yanti ||

1.7.4

abhriye didyun nakṣatriye
yā viśvāvasuṃ gandharvaṃ sacadhve |
tābhyo vo devīr nama it kṛṇomi ||

1.7.5

yāḥ klandās tamiṣīcayo
akṣakāmā manomuhaḥ |
tābhyo gandharvapatnībhyo
apsarābhyo 'karaṃ namaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0