Scripture Library

Paippalāda-Saṃhitā · Chapter 1.66

1.66.1

dhruvas tiṣṭha bhuvanasya gopa
mā saṃ vikthā vanaspate |
atraiva tvam iha vayaṃ suvīrā
viśvā mṛdho abhimātīr vy asya ||

1.66.2

yo vānaspatyānām adhipatir babhūva
yasminn imā viśvā bhuvanāny ārpitā |
tam anajmi madhunā daivyena
tasmān maṇiṃ nir mame viśvarūpam ||

1.66.3

imaṃ maṇiṃ viśvajitaṃ suvīram
asmād aśvatthāt pary ud bharāmi |
yena viśvāḥ pṛtanāḥ saṃjayāny
atho dyumat samitim ā vadāni ||

1.66.4

sabandhuś cāsabandhuś ca
yo na indrābhidāsati |
vṛścāmi tasyāhaṃ mūlaṃ
prajāṃ cakṣur atho balam ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0