Scripture Library

Paippalāda-Saṃhitā · Chapter 1.46

1.46.1

asya tvaṃ dadataḥ soma rājan
varmeva tanvaṃ pari pāhi viśvataḥ |
yo brahmaṇe rādho viddho dadāti
tasya soma pra tira dīrgham āyuḥ ||

1.46.2

asya soma pra tira dīrgham āyur
ahānīva sūryo vāsarāṇi |
māsyā susron nāśayā vyadhmano viṣaṃ
bahiḥ śalyaś caratu rogo asmāt ||

1.46.3

dānaṃ tṛṣṇāyāḥ pari pātu viddhaṃ
dānaṃ kṣudho dānavid eva mṛtyoḥ |
aviṣkandho bhavatu yo dadāty
ā pyāyate papurir dakṣiṇayā ||

1.46.4

ā pyāyatāṃ papurir dakṣiṇayā
varmeva syūtaṃ pari pāhi viśvataḥ |
bahir viṣaṃ tanvo astv asya
sraṃsatāṃ śalyo adhy āre asmāt ||

1.46.5

brahmā śaravyām apa bādhatām ito
nadyāḥ kūlān nāvam ivādhi śambī |
tasmai dadad dīrgham āyuṣ kṛṇuṣva
śataṃ ca naḥ śarado jīvatād iha ||

1.46.6

yadā dadāti pradadāti yadā
brahmā pratigṛhṇāti rādho asya |
ād id vidyād upahatyārātiḥ
sarve yakṣmā apa tiṣṭhantu sākam ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0