Scripture Library

Paippalāda-Saṃhitā · Chapter 1.21

1.21.1

nāsaṃ naśan svayaṃ srasann
asatībhyo asattarāḥ |
sehor arasatarā
lavaṇād vikledīyasīḥ ||

1.21.2

apacitaḥ pra patata
suparṇo vasater iva |
sūryaḥ kṛṇotu bheṣajaṃ
candramā vo 'pocchatu ||

1.21.3

eny ekā śyeny ekā
kṛṣṇaikā rohiṇī dve |
sarvāsām agrabhaṃ nāma-
-avīraghnīr apetana ||

1.21.4

asūtikā rāmāyaṇy
apacit pra patiṣyati |
glaur itaḥ pra patiṣyati
sa galanto naśiṣyati ||

1.21.5

apeto apacitvarīr
indraḥ pūṣā ca cikyatuḥ |
apetv asya grīvābhyo
apa padbhyāṃ vijāmataḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0