Scripture Library

Paippalāda-Saṃhitā · Chapter 1.15

1.15.1

ahaṃ te bhagam ā dade
'dhi śīrṣṇa iva srajam |
mahāmūla iva parvato
jyok pitṛṣv āsāsai ||

1.15.2

iyaṃ te rājan kanyā
vadhūr ni dhūyate yama |
sā mātur badhyatāṃ gṛhe
'tho bhrātur atho pituḥ ||

1.15.3

iyaṃ te ketapā rājann
imāṃ te pari dadhmasi |
jyok pitṛṣv āsātā
ā śīrṣṇaḥ samopyāt ||

1.15.4

asitasya brahmaṇā
kaśyapasya gayasya ca |
antaḥkośam iva jāmayo
api nahyāmi te bhagam ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0