mātṛpañcakam · Chapter 1

atha śrī mātṛpañcakam /
muktāmaṇi tvaṃ nayanaṃ mameti
rājeti jīveti cira suta tvam /
ityuktavatyāstava vāci mātaḥ
dadāmyahaṃ taṇḍulameva śuṣkam

aṃbeti tāteti śiveti tasmin
prasūtikāle yadavoca uccaiḥ /
kṛṣṇeti govinda hare mukunda
iti jananyai aho racito'yamañjaliḥ

āstaṃ tāvadiyaṃ prasūtisamaye durvāraśūlavyathā
nairucyaṃ tanuśoṣaṇaṃ malamayī śayyā ca saṃvatsarī /
ekasyāpi na garbhabhārabharaṇakleśasya yasyākṣamaḥ
dātuṃ niṣkṛtimunnato'pi tanayastasyai jananyai namaḥ

gurukulamupasṛtya svapnakāle tu dṛṣṭvā
yatisamucitaveśaṃ prārudo māṃ tvamuccaiḥ /
gurukulamatha sarvaṃ prārudatte samakṣaṃ
sapadi caraṇayoste mātarastu praṇāmaḥ

na dattaṃ mātaste maraṇasamaye toyamapivā
svadhā vā no dattā maraṇadivase śrāddhavidhinā /
na japtvā mātaste maraṇasamaye tārakamanu
rakāle saṃprāpte mayi kuru dayāṃ māturatulām

iti śrīmat śaṅkarācārya viracitaṃ mātṛpañcakam /