kuṇḍalinīsahasranāmastotram · Chapter 1

śrīgaṇeśāya namaḥ /
śrīānandabhairavī uvāca /
atha kānta pravakṣyāmi kuṇḍalīcetanādikam /
sahasranāmasakalaṃ kuṇḍalinyāḥ priyaṃ sukham

aṣṭottaraṃ mahāpuṇyaṃ sākṣāt siddhipradāyakam /
tava premavaśenaiva kathayāmi śṛṇuṣva tat

vinā yajanayogena vinā dhyānena yatphalam /
tatphalaṃ labhate sadyo vidyāyāḥ sukṛpā bhavet

yā vidyā bhuvaneśānī trailokyaparipūjitā /
sā devī kuṇḍalī mātā trailokyaṃ pāti sarvadā

tasyā nāma sahasrāṇi aṣṭottaraśatāni ca /
śravaṇātpaṭhanānmantrī mahābhakto bhavediha

aihike sa bhavennātha jīvanmukto mahābalī

asya śrīmanmahākuṇḍalīsāṣṭottarasahasranāmastotrasya
brahmarṣīrjagatīcchando
bhagavatī śrīmanmahākuṇḍalīdevatā sarvayogasamṛddhisiddhyarthe viniyogaḥ //
kuleśvarī kulānandā kulīnā kulakuṇḍalī /
śrīmanmahākuṇḍalī ca kulakanyā kulapriyā

kulakṣetrasthitā kaulī kulīnārthaprakāśinī /
kulākhyā kulamārgasthā kulaśāstrārthapātinī

kulajñā kulayogyā ca kulapuṣpaprakāśinī /
kulīnā ca kulādhyakṣā kulacandanalepitā

kularūpā kulodbhūtā kulakuṇḍalivāsinī /
kulābhinnā kulotpannā kulācāravinodinī

kulavṛkṣasamudbhūtā kulamālā kulaprabhā /
kulajñā kulamadhyasthā kulakaṅkaṇaśobhitā

kulottarā kaulapūjā kulālāpā kulakriyā /
kulabhedā kulaprāṇā kuladevī kulastutiḥ

kaulikā kālikā kālyā kalibhinnā kalākalā /
kalikalmaṣahantrī ca kalidoṣavināśinī

kaṅkālī kevalānandā kālajñā kāladhāriṇī /
kautukī kaumudī kekā kākā kākalayāntarā

komalāṅgī karālāsyā kandapūjyā ca komalā /
kaiśorī kākapucchasthā kambalāsanavāsinī

kaikeyīpūjitā kolā kolaputrī kapidhvajā /
kamalā kamalākṣī ca kambalāśvatarapriyā

kalikābhaṅgadoṣasthā kālajñā kālakuṇḍalī /
kāvyadā kavitā vāṇī kālasandarbhabhedinī

kumārī karuṇākārā kurusainyavināśinī /
kāntā kulagatā kāmā kāminī kāmanāśinī

kāmodbhavā kāmakanyā kevalā kālaghātinī /
kailāsaśikharārūḍhā kailāsapatisevitā

kailāsanāthanamitā keyūrahāramaṇḍitā /
kandarpā kaṭhinānandā kulagā kīcakṛtyahā

kamalāsyā kaṭhorā ca kīṭarūpā kaṭisthitā /
kandeśvarī kandarūpā kolikā kandavāsinī

kūṭasthā kūṭabhakṣā ca kālakūṭavināśinī /
kāmākhyā kamalā kāmyā kāmarājatanūdbhavā

kāmarūpadharā kamrā kamanīyā kavipriyā /
kañjānanā kañjahastā kañjapatrāyatekṣaṇā

kākinī kāmarūpasthā kāmarūpaprakāśinī /
kolāvidhvaṃsinī kaṅkā kalaṅkārkakalaṅkinī

mahākulanadī karṇā karṇakāṇḍavimohinī /
kāṇḍasthā kāṇḍakaruṇā karmakasthā kuṭumbinī

kamalābhā bhavā kallā karuṇā karuṇāmayī /
karuṇeśī karākartrī kartṛhastā kalodayā

kāruṇyasāgarodbhūtā kāruṇyasindhuvāsinī /
kāttīkeśī kāttīkasthā kāttīkaprāṇapālanī

karuṇānidhipūjyā ca karaṇīyā kriyā kalā /
kalpasthā kalpanilayā kalpātītā ca kalpitā

kulayā kulavijñānā karṣīṇī kālarātrikā /
kaivalyadā kokarasthā kalamañjīrarañjanī

kalayantī kālajihvā kiṅkarāsanakāriṇī /
kumudā kuśalānandā kauśalyākāśavāsinī

kasāpahāsahantrī ca kaivalyaguṇasambhavā /
ekākinī arkarūpā kuvalā karkaṭasthitā

karkoṭakā koṣṭharūpā kūṭavahnikarasthitā /
kūjantī madhuradhvānaṃ kāmayantī sulakṣaṇām

ketakī kusumānandā ketakīpuṇyamaṇḍitā /
karpūrapūrarucirā karpūrabhakṣaṇapriyā

kapālapātrahastā ca kapālacandradhāriṇī /
kāmadhenusvarūpā ca kāmadhenuḥ kriyānvitā

kaśyapī kāśyapā kuntī keśāntā keśamohinī /
kālakartrī kūpakartrī kulapā kāmacāriṇī

kuṅkumābhā kajjalasthā kamitā kopaghātinī /
kelisthā kelikalitā kopanā karpaṭasthitā

kalātītā kālavidyā kālātmapuruṣodbhavā /
kaṣṭasthā kaṣṭakuṣṭhasthā kuṣṭhahā kaṣṭahā kuśā

kālikā sphuṭakartrī ca kāmbojā kāmalā kulā /
kuśalākhyā kākakuṣṭhā karmasthā kūrmamadhyagā

kuṇḍalākāracakrasthā kuṇḍagolodbhavā kaphā /
kapitthāgravasākāśā kapittharodhakāriṇī

kāhoḍa kāhaḍa kāḍa kaṅkalā bhāṣakāriṇī /
kanakā kanakābhā ca kanakādrinivāsinī

kārpāsayajñasūtrasthā kūṭabrahmārthasādhinī /
kalañjabhakṣiṇī krūrā krodhapuñjā kapisthitā

kapālī sādhanaratā kaniṣṭhākāśavāsinī /
kuñjareśī kuñjarasthā kuñjarā kuñjarāgatiḥ

kuñjasthā kuñjaramaṇī kuñjamandiravāsinī /
kupitā kopaśūnyā ca kopākopavivarjītā

kapiñjalasthā kāpiñjā kapiñjalatarūdbhavā /
kuntīpremakathāviṣṭā kuntīmānasapūjitā

kuntalā kuntahastā ca kulakuntalalohinī /
kāntāṅghrasevikā kāntakuśalā kośalāvatī

keśihantrī kakutsthā ca kakutsthavanavāsinī /
kailāsaśikharānandā kailāsagiripūjitā

kīlālanirmalākārā kīlālamugdhakāriṇī /
kutunā kuṭṭahī kuṭṭhā kūṭanā modakāriṇī

krauṅkārī krauṅkarī kāśī kuhuśabdasthā kirātinī /
kūjantī sarvavacanaṃ kārayantī kṛtākṛtam

kṛpānidhisvarūpā ca kṛpāsāgaravāsinī /
kevalānandaniratā kevalānandakāriṇī

kṛmilā kṛmidoṣaghnī kṛpā kapaṭakuṭṭitā /
kṛśāṅgī kramabhaṅgasthā kiṅkarasthā kaṭasthitā

kāmarūpā kāntaratā kāmarūpasya siddhidā /
kāmarūpapīṭhadevī kāmarūpāṅkujā kujā

kāmarūpā kāmavidyā kāmarūpādikālikā /
kāmarūpakalā kāmyā kāmarūpakuleśvarī

kāmarūpajanānandā kāmarūpakuśāgradhīḥ /
kāmarūpakarākāśā kāmarūpatarusthitā

kāmātmajā kāmakalā kāmarūpavihāriṇī /
kāmaśāstrārthamadhyasthā kāmarūpakriyākalā

kāmarūpamahākālī kāmarūpayaśomayī /
kāmarūpaparamānandā kāmarūpādikāminī

kūlamūlā kāmarūpapadmamadhyanivāsinī /
kṛtāñjalipriyā kṛtyā kṛtyādevīsthitā kaṭā

kaṭakā kāṭakā koṭikaṭighaṇṭavinodinī /
kaṭisthūlatarā kāṣṭhā kātyāyanasusiddhidā

kātyāyanī kācalasthā kāmacandrānanā kathā /
kāśmīradeśaniratā kāśmīrī kṛṣikarmajā

kṛṣikarmasthitā kaurmā kūrmapṛṣṭhanivāsinī /
kālaghaṇṭā nādaratā kalamañjīramohinī

kalayantī śatruvargān krodhayantī guṇāguṇam /
kāmayantī sarvakāmaṃ kāśayantī jagattrayam

kaulakanyā kālakanyā kaulakālakuleśvarī /
kaulamandirasaṃsthā ca kuladharmaviḍambinī

kuladharmaratākārā kuladharmavināśinī /
kuladharmapaṇḍitā ca kuladharmasamṛddhidā

kaulabhogamokṣadā ca kaulabhogendrayoginī /
kaulakarmā navakulā śvetacampakamālinī

kulapuṣpamālyākāntā kulapuṣpabhavodbhavā /
kaulakolāhalakarā kaulakarmapriyā parā

kāśīsthitā kāśakanyā kāśī cakṣuḥpriyā kuthā /
kāṣṭhāsanapriyā kākā kākapakṣakapālikā

kapālarasabhojyā ca kapālanavamālinī /
kapālasthā ca kāpālī kapālasiddhidāyinī

kapālā kulakartrī ca kapālaśikharasthitā /
kathanā kṛpaṇaśrīdā kṛpī kṛpaṇasevitā

karmahantrī karmagatā karmākarmavivarjītā /
karmasiddhiratā kāmī karmajñānanivāsinī

karmadharmasuśīlā ca karmadharmavaśaṅkarī /
kanakābjasunirmāṇamahāsiṃhāsanasthitā

kanakagranthimālyāḍhyā kanakagranthibhedinī /
kanakodbhavakanyā ca kanakāmbhojavāsinī

kālakūṭādikūṭasthā kiṭiśabdāntarasthitā /
kaṅkapakṣinādamukhā kāmadhenūdbhavā kalā

kaṅkaṇābhā dharā karddā karddamā karddamasthitā /
karddamasthajalācchannā karddamasthajanapriyā

kamaṭhasthā kārmukasthā kamrasthā kaṃsanāśinī /
kaṃsapriyā kaṃsahantrī kaṃsājñānakarālinī

kāñcanābhā kāñcanadā kāmadā kramadā kadā /
kāntabhinnā kāntacintā kamalāsanavāsinī

kamalāsanasiddhisthā kamalāsanadevatā /
kutsitā kutsitaratā kutsā śāpavivarjītā

kuputrarakṣikā kullā kuputramānasāpahā /
kujarakṣakarī kaujī kubjākhyā kubjavigrahā

kunakhī kūpadīkṣusthā kukarī kudhanī kudā /
kupriyā kokilānandā kokilā kāmadāyinī

kukāminā kubuddhisthā kūrpavāhana mohinī /
kulakā kulalokasthā kuśāsanasusiddhidā

kauśikī devatā kasyā kannādanādasupriyā /
kusauṣṭhavā kumitrasthā kumitraśatrughātinī

kujñānanikarā kusthā kujisthā karjadāyinī /
kakarjā karjjakariṇī karjavaddhavimohinī

karjaśodhanakartrī ca kālāstradhāriṇī sadā /
kugatiḥ kālasugatiḥ kalibuddhivināśinī

kalikālaphalotpannā kalipāvanakāriṇī /
kalipāpaharā kālī kalisiddhisusūkṣmadā

kālidāsavākyagatā kālidāsasusiddhidā /
kaliśikṣā kālaśikṣā kandaśikṣāparāyaṇā

kamanīyabhāvaratā kamanīyasubhaktidā /
karakājanarūpā ca kakṣāvādakarā karā

kañcuvarṇā kākavarṇā kroṣṭurūpā kaṣāmalā /
kroṣṭranādaratā kītā kātarā kātarapriyā

kātarasthā kātarājñā kātarānandakāriṇī /
kāśamarddatarūdbhūtā kāśamarddavibhakṣiṇī

kaṣṭahāniḥ kaṣṭadātrī kaṣṭalokaviraktidā /
kāyāgatā kāyasiddhiḥ kāyānandaprakāśinī

kāyagandhaharā kumbhā kāyakumbhā kaṭhoriṇī /
kaṭhoratarusaṃsthā ca kaṭhoralokanāśinī

kumārgasthāpitā kuprā kārpāsatarusambhavā /
kārpāsavṛkṣasūtrasthā kuvargasthā karottarā

karṇāṭakarṇasambhūtā kārṇāṭī karṇapūjitā /
karṇāstrarakṣikā karṇā karṇahā karṇakuṇḍalā

kuntalādeśanamitā kuṭumbā kumbhakārikā /
karṇāsarāsanā kṛṣṭā kṛṣṇahastāmbujājītā

kṛṣṇāṅgī kṛṣṇadehasthā kudeśasthā kumaṅgalā /
krūrakarmasthitā korā kirāta kulakāminī

kālavāripriyā kāmā kāvyavākyapriyā krudhā /
kañjalatā kaumudī ca kujyotsnā kalanapriyā

kalanā sarvabhūtānāṃ kapitthavanavāsinī /
kaṭunimbasthitā kākhyā kavargākhyā kavargīkā

kirātacchedinī kāryā kāryākāryavivarjītā /
kātyāyanādikalpasthā kātyāyanasukhodayā

kukṣetrasthā kulāvighnā karaṇādipraveśinī /
kāṅkālī kiṅkalā kālā kilitā sarvakāminī

kīlitāpekṣitā kūṭā kūṭakuṅkumacarcītā /
kuṅkumāgandhanilayā kuṭumbabhavanasthitā

kukṛpā karaṇānandā kavitārasamohinī /
kāvyaśāstrānandaratā kāvyapūjyā kavīśvarī

kaṭakādihastirathahayadundubhiśabdinī /
kitavā krūradhūrtasthā kekāśabdanivāsinī

keṃ kevalāmbitā ketā ketakīpuṣpamohinī /
kaiṃ kaivalyaguṇodvāsyā kaivalyadhanadāyinī

karī dhanīndrajananī kākṣatākṣakalaṅkinī /
kuḍuvāntā kāntiśāntā kāṅkṣā pāramahaṃsyagā

kartrī cittā kāntavittā kṛṣaṇā kṛṣibhojinī /
kuṅkumāśaktahṛdayā keyūrahāramālinī

kīśvarī keśavā kumbhā kaiśorajanapūjitā /
kalikāmadhyaniratā kokilasvaragāminī

kuradehaharā kumbā kuḍumbā kurabhedinī /
kuṇḍalīśvarasaṃvādā kuṇḍalīśvaramadhyagā

kālasūkṣmā kālayajñā kālahārakarī kahā /
kahalasthā kalahasthā kalahā kalahāṅkarī

kuraṅgī śrīkuraṅgasthā koraṅgī kuṇḍalāpahā /
kukalaṅkī kṛṣṇabuddhiḥ kṛṣṇā dhyānanivāsinī

kutavā kāṣṭhavalatā kṛtārthakaraṇī kusī /
kalanakasthā kasvarasthā kalikā doṣabhaṅgajā

kusumākārakamalā kusumasragvibhūṣaṇā /
kiñjalkā kaitavārkaśā kamanīyajalodayā

kakārakūṭasarvāṅgī kakārāmbaramālinī /
kālabhedakarā kāṭā karpavāsā kakutsthalā

kuvāsā kabarī karvā kūsavī kurupālanī /
kurupṛṣṭhā kuruśreṣṭhā kurūṇāṃ jñānanāśinī

kutūhalaratā kāntā kuvyāptā kaṣṭabandhanā /
kaṣāyaṇatarusthā ca kaṣāyaṇarasodbhavā

katividyā kuṣṭhadātrī kuṣṭhiśokavisarjanī /
kāṣṭhāsanagatā kāryāśrayā kā śrayakaulikā

kālikā kālisantrastā kaulikadhyānavāsinī /
klṛptasthā klṛptajananī klṛptacchannā kalidhvajā

keśavā keśavānandā keśyādidānavāpahā /
keśavāṅgajakanyā ca keśavāṅgajamohinī

kiśorārcanayogyā ca kiśoradevadevatā /
kāntaśrīkaraṇī kutyā kapaṭā priyaghātinī

kukāmajanitā kauñcā kauñcasthā kauñcavāsinī /
kūpasthā kūpabuddhisthā kūpamālā manoramā

kūpapuṣpāśrayā kāntiḥ kramadākramadākramā /
kuvikramā kukramasthā kuṇḍalīkuṇḍadevatā

kauṇḍilyanagarodbhūtā kauṇḍilyagotrapūjitā /
kapirājasthitā kāpī kapibuddhibalodayā

kapidhyānaparā mukhyā kuvyavasthā kusākṣidā /
kumadhyasthā kukalpā ca kulapaṅktiprakāśinī

kulabhramaradehasthā kulabhramaranādinī /
kulāsaṅgā kulākṣī ca kulamattā kulānilā

kalicinhā kālacinhā kaṇṭhacinhā kavīndrajā /
karīndrā kamaleśaśrīḥ koṭikandarpadarpahā

koṭitejomayī koṭyā koṭīrapadmamālinī /
koṭīramohinī koṭiḥ koṭikoṭividhūdbhavā

koṭisūryasamānāsyā koṭikālānalopamā /
koṭīrahāralalitā koṭiparvatadhāriṇī

kucayugmadharā devī kucakāmaprakāśinī /
kucānandā kucācchannā kucakāṭhinyakāriṇī

kucayugmamohanasthā kucamāyāturā kucā /
kucayauvanasammohā kucamarddanasaukhyadā

kācasthā kācadehā ca kācapūranivāsinī /
kācagrasthā kācavarṇā kīcakaprāṇanāśinī

kamalā locanapremā komalākṣī manupriyā /
kamalākṣī kamalajā kamalāsyā karālajā

kamalāṅghiradvayā kāmyā karākhyā karamālinī /
karapadmadharā kandā kandabuddhipradāyinī

kamalodbhavaputrī ca kamalā putrakāminī /
kirantī kiraṇācchannā kiraṇaprāṇavāsinī

kāvyapradā kāvyacittā kāvyasāraprakāśinī /
kalāmbā kalpajananī kalpabhedāsanasthitā

kālecchā kālasārasthā kālamāraṇaghātinī /
kiraṇakramadīpasthā karmasthā kramadīpikā

kālalakṣmīḥ kālacaṇḍā kulacaṇḍeśvarapriyā /
kākinīśaktidehasthā kitavā kintakāriṇī

karañcā kañcukā krauñcā kākacañcupuṭasthitā /
kākākhyā kākaśabdasthā kālāgnidahanāthīkā

kucakṣanilayā kutrā kuputrā kraturakṣikā /
kanakapratibhākārā karabandhākṛtisthitā

kṛtirūpā kṛtiprāṇā kṛtikrodhanivāriṇī /
kukṣirakṣākarā kukṣā kukṣibrahmāṇḍadhāriṇī

kukṣidevasthitā kukṣiḥ kriyādakṣā kriyāturā /
kriyāniṣṭhā kriyānandā kratukarmā kriyāpriyā

kuśalāsavasaṃśaktā kuśāriprāṇavallabhā /
kuśārivṛkṣamadirā kāśīrājavaśodyamā

kāśīrājagṛhasthā ca karṇabhrātṛgṛhasthitā /
karṇābharaṇabhūṣāḍhyā kaṇṭhabhūṣā ca kaṇṭhikā

kaṇṭhasthānagatā kaṇṭhā kaṇṭhapadmanivāsinī /
kaṇṭhaprakāśakāriṇī kaṇṭhamāṇikyamālinī

kaṇṭhapadmasiddhikarī kaṇṭhākāśanivāsinī /
kaṇṭhapadmasākinīsthā kaṇṭhaṣoḍaśapatrikā

kṛṣṇājinadharā vidyā kṛṣṇājinasuvāsasī /
kutakasthā kukhelasthā kuṇḍavālaṅkṛtākṛtā

kalagītā kālaghajā kalabhaṅgaparāyaṇā /
kālīcandrā kalā kāvyā kucasthā kucalapradā

kucauraghātinī kacchā kacchādasthā kajātanā /
kañjāchadamukhī kañjā kañjatuṇḍā kajīvalī

kāmarābhārsuravādyasthā kiyadhaṅkāranādinī /
kaṇādayajñasūtrasthā kīlālayajñasañjñakā

kaṭuhāsā kapāṭasthā kaṭadhūmanivāsinī /
kaṭinādaghoratarā kuṭṭalā pāṭalipriyā

kāmacārābjanetrā ca kāmacodgārasaṅkramā /
kāṣṭhaparvatasandāhā kuṣṭhākuṣṭha nivāriṇī

kahoḍamantrasiddhasthā kāhalā ḍiṇḍimapriyā /
kulaḍiṇḍimavādyasthā kāmaḍāmarasiddhidā

kulāmaravadhyasthā kulakekāninādinī /
kojāgaraḍholanādā kāsyavīraraṇasthitā

kālādikaraṇacchidrā karuṇānidhivatsalā /
kratuśrīdā kṛtārthaśrīḥ kālatārā kulottarā

kathāpūjyā kathānandā kathanā kathanapriyā /
kārthacintā kārthavidyā kāmamithyāpavādinī

kadambapuṣpasaṅkāśā kadambapuṣpamālinī /
kādambarī pānatuṣṭā kāyadambhā kadodyamā

kuṅkulepatramadhyasthā kulādhārā dharapriyā /
kuladevaśarīrārdhā kuladhāmā kalādharā

kāmarāgā bhūṣaṇāḍhyā kāminīraguṇapriyā /
kulīnā nāgahastā ca kulīnanāgavāhinī

kāmapūrasthitā kopā kapālī bakulodbhavā /
kārāgārajanāpālyā kārāgāraprapālinī

kriyāśaktiḥ kālapaṅktiḥ kārṇapaṅktiḥ kaphodayā /
kāmaphullāravindasthā kāmarūpaphalāphalā

kāyaphalā kāyapheṇā kāntā nāḍīphalīśvarā /
kamapherugatā gaurī kāyavāṇī kuvīragā

kabarīmaṇibandhasthā kāverītīrthasaṅgamā /
kāmabhītiharā kāntā kāmavākubhramāturā

kavibhāvaharā bhāmā kamanīyabhayāpahā /
kāmagarbhadevamātā kāmakalpalatāmarā

kamaṭhapriyamāṃsādā kamaṭhā markaṭapriyā /
kimākārā kimādhārā kumbhakāramanasthitā

kāmyayajñasthitā caṇḍā kāmyayajñopavītikā /
kāmayāgasiddhikarī kāmamaithunayāminī

kāmākhyā yamalāśasthā kālayāmā kuyoginī /
kuruyāgahatāyogyā kurumāṃsavibhakṣiṇī

kururaktapriyākārī kiṅkarapriyakāriṇī /
kartrīśvarī kāraṇātmā kavibhakṣā kavipriyā

kaviśatrupraṣṭhalagnā kailāsopavanasthitā /
kalitridhā trisiddhisthā kalitridinasiddhidā

kalaṅkarahitā kālī kalikalmaṣakāmadā /
kulapuṣparaṅga sūtramaṇigranthisuśobhanā

kambojavaṅgadeśasthā kulavāsukirakṣikā /
kulaśāstrakriyā śāntiḥ kulaśāntiḥ kuleśvarī

kuśalapratibhā kāśī kulaṣaṭcakrabhedinī /
kulaṣaṭpadmamadhyasthā kulaṣaṭpadmadīpinī

kṛṣṇamārjārakolasthā kṛṣṇamārjāraṣaṣṭhikā /
kulamārjārakupitā kulamārjāraṣoḍaśī

kālāntakavalotpannā kapilāntakaghātinī /
kalahāsā kālahaśrī kalahārthā kalāmalā

kakṣapapakṣarakṣā ca kukṣetrapakṣasaṅkṣayā /
kākṣarakṣāsākṣiṇī ca mahāmokṣapratiṣṭhitā

arkakoṭiśatacchāyā ānvīkṣikiṅkarācītā /
kāverītīrabhūmisthā āgneyārkāstradhāriṇī

iṃ kiṃ śrīṃ kāmakamalā pātu kailāsarakṣiṇī /
mama śrīṃ īṃ bījarūpā pātu kālī śirasthalam

urusthalābjaṃ sakalaṃ tamolkā pātu kālikā /
ūḍumbanyarkaramaṇī uṣṭregrā kulamātṛkā

kṛtāpekṣā kṛtimatī kuṅkārī kiṃlipisthitā /
kundīrghasvarā klṛptā ca keṃ kailāsakarācīkā

kaiśorī kaiṃ karī kaiṃ keṃ bījākhyā netrayugmakam /
komā mataṅgayajitā kauśalyādi kumārikā

pātu me karṇayugmantu krauṃ krauṃ jīvakarālinī /
gaṇḍayugmaṃ sadā pātu kuṇḍalī aṅkavāsinī

arkakoṭiśatābhāsā akṣarākṣaramālinī /
āśutoṣakarī hastā kuladevī nirañjanā

pātu me kulapuṣpāḍhyā pṛṣṭhadeśaṃ sukṛttamā /
kumārī kāmanāpūrṇā pārśvadeśaṃ sadāvatu

devī kāmākhyakā devī pātu pratyaṅgirā kaṭim /
kaṭisthadevatā pātu liṅgamūlaṃ sadā mama

guhyadeśaṃ kākinī me liṅgādhaḥ kulasiṃhikā /
kulanāgeśvarī pātu nitambadeśamuttamam

kaṅkālamālinī devī me pātu cārumūlakam /
jaṅghāyugmaṃ sadā pātu kīrtīḥ cakrāpahāriṇī

pādayugmaṃ pākasaṃsthā pākaśāsanarakṣikā /
kulālacakrabhramarā pātu pādāṅgulīrmama

nakhāgrāṇi daśavidhā tathā hastadvayasya ca /
viṃśarūpā kālanākṣā sarvadā parirakṣatu

kulacchatrādhārarūpā kulamaṇḍalagopitā /
kulakuṇḍalinī mātā kulapaṇḍitamaṇḍitā

kākānanī kākatuṇḍī kākāyuḥ prakharārkajā /
kākajvarā kākajihvā kākājijñā sanasthitā

kapidhvajā kapikrośā kapibālā hikasvarā /
kālakāñcī viṃśatisthā sadā viṃśanakhāgraham

pātu devī kālarūpā kalikālaphalālayā /
vāte vā parvate vāpi śūnyāgāre catuṣpathe

kulendrasamayācārā kulācārajanapriyā /
kulaparvatasaṃsthā ca kulakailāsavāsinī

mahādāvānale pātu kumārge kutsitagrahe /
rājño'priye rājavaśye mahāśatruvināśane

kalikālamahālakṣmīḥ kriyālakṣmīḥ kulāmbarā /
kalīndrakīlitā kīlā kīlālasvargavāsinī

daśadikṣu sadā pātu indrādidaśalokapā /
navacchinne sadā pātu sūryādikanavagrahā

pātu māṃ kulamāṃsāḍhyā kulapadmanivāsinī /
kuladravyapriyā madhyā ṣoḍaśī bhuvaneśvarī

vidyāvāde vivāde ca mattakāle mahābhaye /
durbhīkṣādibhaye caiva vyādhisaṅkarapīḍite

kālīkullā kapālī ca kāmākhyā kāmacāriṇī /
sadā māṃ kulasaṃsarge pātu kaule susaṅgatā

sarvatra sarvadeśe ca kularūpā sadāvatu /
ityetat kathitaṃ nātha mātuḥ prasādahetunā

aṣṭottaraśataṃ nāma sahasraṃ kuṇḍalīpriyam /
kulakuṇḍalinīdevyāḥ sarvamantrasusiddhaye

sarvadevamanūnāñca caitanyāya susiddhaye /
aṇimādyaṣṭasiddhyarthaṃ sādhakānāṃ hitāya ca

brāhmaṇāya pradātavyaṃ kuladravyaparāya ca /
akulīne'brāhmaṇe ca na deyaḥ kuṇḍalīstavaḥ /
pravṛtte kuṇḍalīcakre sarve varṇā dvijātayaḥ

nivṛtte bhairavīcakre sarve varṇāḥ pṛthakpṛthak /
kulīnāya pradātavyaṃ sādhakāya viśeṣataḥ

dānādeva hi siddhiḥ syānmamājñābalahetunā /
mama kriyāyāṃ yastiṣṭhetsa me putro na saṃśayaḥ

sa āyāti mama padaṃ jīvanmuktaḥ sa vāsavaḥ /
āsavena samāṃsena kulavahnau mahāniśi

nāma pratyekamuccārya juhuyāt kāryasiddhaye /
pañcācārarato bhūttvā ūrdhvaretā bhavedyatiḥ

saṃvatsarānmama sthāne āyāti nātra saṃśayaḥ /
aihike kāryasiddhiḥ syāt daihike sarvasiddhidaḥ

vaśī bhūttvā trimārgasthāḥ svargabhūtalavāsinaḥ /
asya bhṛtyāḥ prabhavanti indrādilokapālakāḥ

sa eva yogī paramo yasyārthe'yaṃ suniścalaḥ /
sa eva khecaro bhakto nāradādiśukopamaḥ

yo lokaḥ prajapatyevaṃ sa śivo na ca mānuṣaḥ /
sa samādhigato nityo dhyānastho yogivallabhaḥ

caturvyūhagato devaḥ sahasā nātra saṃśayaḥ /
yaḥ pradhārayate bhaktyā kaṇṭhe vā mastake bhuje

sa bhavet kālikāputro vidyānāthaḥ svayambhuvi /
dhaneśaḥ putravān yogī yatīśaḥ sarvago bhavet

vāmā vāmakare dhṛttvā sarvasiddhīśvaro bhavet /
yadi paṭhati manuṣyo mānuṣī vā mahatyā

sakaladhanajaneśī putriṇī jīvavatsā /
kulapatiriha loke svargamokṣaikahetuḥ
sa bhavati bhavanātho yoginīvallabheśaḥ

paṭhati ya iha nityaṃ bhaktibhāvena martyo
haraṇamapi karoti prāṇaviprāṇayogaḥ /
stavanapaṭhanapuṇyaṃ koṭijanmāghanāśa
kathitumapi na śakto'haṃ mahāmāṃsabhakṣā

// iti śrīrudrayāmale uttaratantre ṣaṭcakraprakāśe bhairavībhairavasaṃvāde
mahākulakuṇḍalinī sahasranāmastotraṃ sampūrṇam //