Kilaka Stotram · Chapter p1

atha kīlakam
ॐ asya śrīkīlakamantrasya śiva ṛṣiḥ anuṣṭupa chandaḥ mahāsarasvatī devatā śrījagadambāprītyarthaṃ saptaśatīpāṭhāṅgatvena viniyogaḥ /
ॐ namaścaṇḍikāyai //
mārkaṇḍeya uvāca
ॐ viśuddhajñānadehāya trivedīdivyacakṣuṣe /
śreyaḥprāptinimittāya namaḥ somārddhadhāriṇe

sarvametadvijānīyānmantrāṇāmabhikīlakam /
so'pi kṣemamavāpnoti satataṃ jāpyatatparaḥ

siddhyantyuccāṭanādīni vastūni sakalānyapi /
etena stuvatāṃ devi stotramātreṇa siddhyati

na mantro nauṣadhaṃ tatra na kicñidapi vidyate /
vinā jāpyena siddhyeta sarvamuccāṭanādikam

samagrāṇyapi siddhyanti lokaśaṅkāmimāṃ haraḥ /
kṛtvā nimantrayāmāsa sarvamevamidaṃ śubham

stotraṃ vai caṇḍikāyāstu tacca guptaṃ cakāra saḥ /
samāptirna ca puṇyasya tāṃ yathāvanniyantraṇām

so'pi kṣemamavāpnoti sarvamevaṃ na saṃśayaḥ |
kṛṣṇāyāṃ vā caturdaśyāmaṣṭamyāṃ vā samāhitaḥ

dadāti pratigṛhṇāti nānyathaiṣā prasīdati /
itthaṃrupeṇa kīlena mahādevena kīlitam

yo niṣkīlāṃ vidhāyaināṃ nityaṃ japati saṃsphuṭam /
sa siddhaḥ sa gaṇaḥ so'pi gandharvo jāyate naraḥ

na caivāpyaṭatastasya bhayaṃ kkāpīha jāyate /
nāpamṛtyuvaśaṃ yāti mṛto mokṣamavāpnuyāt

jñātvā prārabhya kurvīta na kurvāṇo vinaśyati /
tato jñātvaiva sampannamidaṃ prārabhyate budhaiḥ

saubhāgyādi ca yatkiccid dṛśyate lalanājane /
tatsarvaṃ tattaprasādena tena jāpyamidaṃ śubham

śanaistu japyamāne'smin stotre sampattiruccakaiḥ /
bhavatyeva samagrāpi tataḥ prārabhyameva tat

aiśvaryaṃ yatprasādena saubhāgyārogyasampadaḥ /
śatruhāniḥparo mokṣaḥ stūyate sā na kiṃ janaiḥ