kātyāyanyaṣṭakam · Chapter 1

śrīgaṇeśāya namaḥ /
avarṣisañjñaṃ puramasti loke kātyāyanī tatra virājate yā /
prasādadā yā pratibhā tadīyā sā chatrapuryāṃ jayatīha geyā

tvamasya bhinnaiva vibhāsi tasyāstejasvinī dīpajadīpakalpā /
kātyāyanī svāśritaduḥkhahartrī pavitragātrī matimānadātrī

brahmoruvetālakasiṃhadāḍhosubhairavairagnigaṇābhidhena /
saṃsevyamānā gaṇapatyabhikhyā yujā ca devi svagaṇairihāsi

gotreṣu jātairjamadagnibhāradvājā'trisatkāśyapakauśikānām /
kauṇḍinyavatsānvayajaiśca viprairnijairniṣevye varade namaste

bhajāmi gokṣīrakṛtābhiṣeke rak‍tāmbare rak‍tasucandanāk‍te /
tvāṃ bilvapatrīśubhadāmaśobhe bhakṣyapriye hṛtpriyadīpamāle

khaḍgaṃ ca śaṅkhaṃ mahiṣāsurīyaṃ pucchaṃ triśūlaṃ mahiṣāsurāsye /
praveśitaṃ devi karairdadhāne rakṣāniśaṃ māṃ mahiṣāsuraghne

svāgrasthabāṇeśvaranāmaliṅgaṃ surat‍nakaṃ rukmamayaṃ kirīṭma /
śīrṣe dadhāne jaya he śaraṇye vidyutprabhe māṃ jayinaṃ kurūṣva

netrāvatīdakṣiṇapārśvasaṃsthe vidyādharairnāgagaṇaiśca sevye /
dayāghane prāpaya śaṃ sadāsmānmātaryaśode śubhade śubhākṣi

idaṃ kātyāyanīdevyāḥ prasādāṣṭakamiṣṭadam /
kumaṭhācāryajaṃ bhak‍tyā paṭhedyaḥ sa sukhī bhavet