Scripture Library
Kaṭhināvadāna · Chapter 30.7
30.7.1
chattrībhūto bhavati jagatām ātapatrapradānāc
chāyāramye vasati suciraṃ līlayā rājalakṣmyā /
dharmasvāmī bhavati niyataṃ sarvalokasya nātho
nāsau gacchet kugatigahanaṃ rūpavān bhogalābhī //
30.7.2
āropya hṛṣṭaḥ prathamaṃ mahātmā
chattraṃ purā kāśyapadhātugarbhe /
divi kṣitau cāpy upasevya saukhyaṃ
nando mahātmā praśamaṃ jagāma // chattra
Original text: Kaṭhināvadāna · Edition: Almuth Degener. Das Kaṭhināvadāna. Bonn 1990 (Indica et Tibetica, 16). · Data entry Lennart Hartmann · GRETIL (Göttingen) · CC BY-NC-SA 4.0