karpūrādistotram · Chapter 1

..
karpūrādistotram..
ॐ
śrīgurave namaḥ . ॐ namaḥ paramadevatāyai ..
śrīkarpūrādistotram
karpūraṃ madhamāntyasvaraparirahitaṃ senduvāmākṣiyuktaṃ bījaṃ te
mātaretattripuraharavadhu triḥkṛtaṃ ye japanti .
teṣāṃ gadyāni padyāni ca mukuhuharādullasantyeva vācaḥ
svacchandaṃ
dhvāntadhārādharurucirucire sarvasiddhiṃ gatānām.. १..
īśān senduvāmaśravaṇaparigato bījamanyanmaheśi dvandvaṃ te
mandacetā yadi japati jano vārūmekaṃ kadācit .
jitvā vācāmadhīśaṃ dhanamapi ciraṃ mohayannambujākṣīvṛndaṃ
candrārdhacūḍe prabhavati sa mahāghorabālāvataṃse.. २..
īśo vaiśvānarasthaḥ śaśadharavilasad vāmanetreṇa yukto bījaṃ te
dvandvamanyad vigalitacikure kālike ye japanti .
dveṣṭāraṃ ghnanti te ca tribhuvanamapi te vaśyabhāvaṃ nayanti
sṛkkadvandāsradhārādvayadharavadane dakṣiṇe tryakṣareti.. ३..
ūrdhve vāme kṛpāṇaṃ karakamalatale chinnamuṇḍaṃ tathādhaḥ savye
cābhīrvaraṃ ca trijagadaghahare dakṣiṇe kālike ca .
japtvaitannāma ye vā tava manuvibhavaṃ bhāvayantyetadamba teṣāmaṣṭau
karasthā: prakaṭitaradane siddhayastryambakasya.. ४..
vargādyaṃ vahnisaṃsthaṃ vidhuratilalitaṃ tattrayaṃ kūrcayugmaṃ
lajjādvandvaṃ ca paścāt smitamukhi tadadhaṣṭhadvayaṃ yojayitvā .
mātarye ye japanti smaraharamahile bhāvayantaḥ svarūpaṃ te
lakṣmīlāsyalīlākamaladaladṛśaḥ kāmarūpā bhavanti.. ५..
pratyekaṃ vā dvayaṃ vā trayamapi ca paraṃ bījamatyantaguhyaṃ
tvannāmnā
yojayitvā sakalamapi sadā bhāvayanto japanti .
teṣāṃ netrāravinde viharati kamalā vaktraśubhrāṃśubimbe vāgdevī
devi muṇḍastragatiśayalasatkaṇṭhi pīnastanāḍhye.. ६..
gatāsūnāṃ bāhuprakarakṛtakañcīparilasannitambāṃ digvastrā.m
tribhuvanavidhātrīṃ triṇayanāṃ .
śmaśānaste talpe śavahṛdi mahākālasurataprayuktāṃ tvā.m
dhyāyan janani jaḍacetā api kaviḥ .. ७..
śivābhirghorābhiḥ śavanivahamuṇḍāsthikaraiḥ paraṃ sa.mkīrṇāyā.m
prakaṭitacitāyāṃ haravadhūm .praviṣṭāṃ .
sa.mtuṣṭāmuparisuratenātiyuvatīṃ sadā tvāṃ dhyāyanti kvacidapi
ca
na teṣāṃ paribhavaḥ .. ८..
vadāmaste kiṃ vā janani vayamuccairjaḍadhiyo na dhātā nāpīśo
harirapi na te vetti paramam .
tathāpi tvadbhaktirmukharayati cāsmākamamite tadetatkṣantavyaṃ na
khalu
paśuroṣaḥ samucitaḥ .. ९..
samantādāpīnastanajaghanadhṛghauvanavatīratāsakto naktaṃ yadi
japati
bhaktastava manum .
vivāsāstvāṃ dhyāyan galitacikurastasya vaśagāḥ samastāḥ
siddhaughā bhuvi cirataraṃ jīvati kaviḥ .. १०..
samāḥ susthībhūto japati viparītāṃ yadi sadā vicintya tvā.m
dhyāyannatiśayamahākālasuratām .
tadā tasya kṣoṇītalaviharamāṇasya viduṣaḥ karāmbhoje vaśyā
purahasvadhū siddhinivahāḥ .. ११..
prasūte sa.msāraṃ janani bhavatī pālayati ca samastaṃ kṣityādi
pralayasamaye sa.mharati ca .
atastvaṃ dhātāsi tribhuvanapatiḥ śrīpatirapi maheśo'pi prāyaḥ
sakalamapi kiṃ staumi bhavatīm .. १२..
aneke sevante bhavadadhikagīvārṇanivahān vimūḍhāste mātaḥ kimapi
na
hi jānanti paramam .
samārādhyāmādyāṃ hariharaviriñcādivibudhaiḥ prapanno'smi
svaira.m
ratirasasamahānandaniratām .. १३..
dharatri kīlālaṃ śucirapi samīro'pi gaganaṃ tvamekā kalyāṇī
giriśaramaṇī kāli sakalam .
prasannāṃ tvaṃ bhūyā bhavamanu na bhūyānmama januḥ .. १४..
śmaśānasthaḥ sustho galitacikuro dikpaṭadharaḥ sahasraṃ tvakārṇā.m
nijagalitavīryeṇa kusumam .
japa.mstvatprayekaṃ manumapi tava dhyānanirato mahākāli svairaṃ sa
bhavati dharitrīparivṛḍhaḥ .. १५..
gṛhe sa.mmārjyanyā parigalitaviryaṃ hi cikuraṃ samūlaṃ madhyāhne
vitarati citāyāṃ kujadine .
samuccārya prameṇā manumapi sakṛtkāli satataṃ gajārūḍho yāti
kṣitiparivṛḍhaḥ satkavivaraḥ .. १६..
svapuṣpairākīrṇaṃ kusumadhanuṣo mandiramaho puro dhyāyandhyāyan
yadi japati bhaktastava manum .
sa gandharvaśreṇīpatirapi kavitvāmṛtanadīnadīnaḥ paryante
paramapadalīnaḥ prabhavati .. १७..
tripañcāre pīṭhe śavaśivahṛdi smeravadanā.m
mahākālenoccairmadanarasalāvaṇyaniratām .
samāsakto naktaṃ svayamapi ratānandanirato jano yo dhyāyettvāmayi
janani sa syāt smaraharaḥ .. १८..
salomāsthi svairaṃ palalamapi mārjāramasite paraṃ coṣṭtra.m
maiśa.m
naramahiṣayośchāgamapi vā .
balim te pūjāyāmayi vitaratāṃ martyavasatāṃ satāṃ siddhiḥ
sarvā
pratipadamapūrvā prabhavati .. १९..
vaśī lakṣaṃ mantraṃ prajapati haviṣyāśanarato divā
mātaryuṣmaccaraṇayugaladhyānanipuṇaḥ .
paraṃ naktaṃ nagno nidhuvanavinodena ca manuṃ japellakṣaṃ sa syāt
smaraharasamānaḥ kṣititale .. २०..
idaṃ stotraṃ mātastava manusamuddhāraṇajanuḥ svarūpākhya.m
pādāmbujayugalapūjāvidhiyutam .
niśārdhaṃ vā pūjāsamayamadhi vā yastu paṭhati pralāpastasyāpi
prasarati kavitvāmṛtarasaḥ .. २१..
kuraṅgākṣīvṛndaṃ tamanusarati premataralaṃ vaśastasya kṣoṇīpatirapi
kuberapratinidhiḥ .
ripuḥ kārāgāraṃ kalayati ca taṃ kelikalayā ciraṃ jīvanmuktaḥ
prabhavati sa bhaktaḥ pratijanuḥ .. २२..
iti śrīmanmahākāliviracitaṃ śrīmaddakṣiṇakālikāyāḥ
svarūpākhyaṃ stotraṃ samāptam