Īśvarapratyabhijñāvimarśinī · Verses 1-1.2.9
nirābhāsātpūrṇādahamiti purā bhāsayati ya dviśākhāmāśāste tadanu ca vibhaṅktuṃ nijakalām /
svarūpādunmeṣaprasaraṇanimeṣasthitijuṣas tadadvaitaṃ vande paramaśivaśaktyātma nikhilam //
śrotraiyambakasadvaṃśamadhyamuktāmayasthiteḥ /
śrosomānandanāthasya vijñānapratibimbakam //
anuttarānanyasākṣipumarthopāyamabhyadhāt /
īśvarapratyabhijñākhyaṃ yaḥ śāstraṃ yatsunirmalam //
tatpraśiṣyaḥ karomyetāṃ tatsūtravivṛtiṃ laghum /
buddhvābhinavagupto 'haṃ śrīmallakṣmaṇaguptataḥ //
vṛttyā tātparyaṃ ṭīkayā tadvicāraḥ sūtreṣveteṣu granthakāreṇa dṛbdham /
tasmātsūtrārthaṃ mandabuddhīnpratītthaṃ samyagvyākhyāsye pratyabhijñāviviktyai //
sarvatrālpamatau yadvā kutrāpi sumahādhiyi /
na vānyatrāpi tu svātmanyeṣā syādupakāriṇī //
Original text: Īśvarapratyabhijñāvimarśinī · Edition: Īśvara-pratyabhijñā-Vimarśinī of Abhinavagupta : doctrine of devine recognition, Sanskrit Text with the commentary Bhāskarī. vol.1-2 / edited by K.A. Subramania Iyer and K.C.Pandey. Delhi, etc. : Motilal Banarsidass , 1986 (repr.) (First Edition: The Princess of Wales Saraswati Bahvana , 1938(text no. 70) and 1950 (text no. 83). · Data entry Masahiro Takano · GRETIL (Göttingen) · CC BY-NC-SA 4.0